الموضوع: عندى مشكله فى الفتيس الكروز 2014

المشاركة الأصلية كتبت بواسطة shekoo007

روح ارمي العربيه في وشهم ,, أنا كان معايا 2013 ومغيرها بـ2014 بعد مااتغير فيها جير بوكس كامل وحاجات كتير جدا والمشكله كانت مازالت قائمه بس كانت مشكلتي إن العربيه بتيجي عال تالت وتعلق مترضاش تنقل رابع وال rpm يعلى ! وبعد محاولة وتهديدات وقرف غيرتها وخدت كروز 2014 ودفعت حوالي 7000 جنيه بعد سنه استخدام لل 2013 وبهدله ورايح جي على منصور الصحراوي وطلع عين ابويا فيها وده كان بالعافيه زي ماقلتلك !

ونصيحه مني محدش يجب شيفروليه تاني خلاص إلا لو هتجيبها خليجي عشان اللي نازل مصر بعد كده هيبقى من مصنع gm الصين زي اوبـترا كده ..
آه نسيت اقولك ابقى هددهم بحماية المستهلك وعلى فكره ده حقك وعشان هم مقرفين ومش عارفين يحلو مشاكلها من 2010 بالموتور المعفن اللي حاطينه فيها وخلونا نشتريها بعد ما قالوا غيروه بس واضح إن المشاكل مستمره ..

و الله انت 100 100 صح جدا العربيه فيها حاجه مش مظبوطه و مستحيل السحب الضعيف ده على عربيه زيرو انت عارف الفتيس كمان بدا يبقى فيه تنتيشه خفيفه بس انا بحاول اقول ان ده اكيد منى بس واضح انى هاروح اعمل مشكله فعلا .. و حاولت اجرب اطفى التكيف و اركن برده نفس العيب هو انا قؤيت على الانترنت ان الناس بره عندها نفس المشاكل ده و خاصة موضوع الفتيس .. حاجه تقرف و الله ربنا يسترها بقه هاروح اهددهم بحماية المستهلك و انا و نصيبى

المشاركة الأصلية كتبت بواسطة ashouhdy

2013 وغيروا جيربوكس كامل وحاجات تانية كتير جدا بعدين اخدوها منك و ادوك واحدة زيرو موديل2014 بعد استعمال سنة بفرق 7 تلاف جنية بس

ولسة تانى مشاركة ليك ... 100 100

واخد بالك انت

المشاركة الأصلية كتبت بواسطة Eng_hatemfathy

طب ممكن نعرف رقم الشاسيه اللي جاب فتيس في ٢٠١٣ علشان نعرف العربية دي مع مين دلوقتي

فكره برضه :)

المشاركة الأصلية كتبت بواسطة ashouhdy

2013 وغيروا جيربوكس كامل وحاجات تانية كتير جدا بعدين اخدوها منك و ادوك واحدة زيرو موديل2014 بعد استعمال سنة بفرق 7 تلاف جنية بس

ولسة تانى مشاركة ليك ... 100 100

بتدقق إنت في حاجات غريبة يا ashouhdy



أنا ممكن اصدق أي حاجة , الا إن منصور يدوا عربية موديل 2014 بدل ال 2013 !