تقييم خارجي وداخلي للنيو ..اوبترا
النهارده في العرب مول ...الطارق ..شفت النيو اوبترا و طبعا مفوتش الفرصه واليكم النتائج
الشكل الخارجي جميل جدا ويتفوق علي الاوبترا القديمه بمراحل مع وجود فتحه سقف لطيفه ...التقفيل الخارجي متقن و جميل بلا عيوب واضحه او غير واضحه الشنطه مبطنه من الداخل و علي غطاء الشنطه عكس الاوبترا القديمه من الداخل فقط و الشنطه عميقه لكن العرض اقل من الاوبترا ...الكبوت منظم و تقيل ...الشكل الخارجي ممتاز جدا
داخليا .....الخامات ليست بالسوء اللي الناس بتتكلم عنه هي تشبه خامات ال byd كثيرا واعلي قليلا من الاسبيرانزا 516 لكنها اقل بكتير من الاوبترا و بمراحل وسنين ضوئيه عن الكروز ...وده تلاحظه في بلاستيك الابواب و التطعيمات الجلديه الفقيره سيئه الخامه بها و الدرج الصغير اللي جنب الركبه الشمال موجود في الاوبترا برضه لمنه هنا فضيحه خفيف وسئ جدا مسند الدراع كويس و الفتيس شيك الكاسيت شيك و في درج فوق الكاست بيتفتح كده ظريف برضه ...التابلوه و العدادات حلوه ووالطاره شيك و المالتي فيها برضه شيك الكراسي جلد برضه مش ظريف لكنها مريحه السياره اضيق من الاوبترا القديمه شويه
في النهايه ..هي عربيه معقوله بس لو مش ب اكتر من 100 الي 110 الف ..السعر بتاعها هيوقف سوقها تماما خاصه مع مقارنتها بالاوبترا القديمه و البيجو 301 شكلا
الاداء ..نفسي اجربها خاصه تسارع الموتور و الثبات ...ان شاء الله عن قريب
كان معكم ...د.عماد صلاح ..من امام الطارق تريد العرب مول 6 اكتوبر ....القاااااااهره