مشكله في قفل باب الراكب سيراتو ٢٠١٤

**prooo** · 05-09-2014 05:28 AM

خلاصة الكلام ..... في الكيا الموضوع مختلف شويه .... البابين اللي قدام بيفتحوا من جوه عادي وانت قافل السنتر او مش قافله مش هتفرق....... نيجي بقه للبابين اللي ورا .... عندك اختيارين لو قفلتوا بالسنتر مش هيفتح ولا من جوا ولا من برا الا لو فتحت انت السنتر من جنبك او حد فتح اللوك بتاع الباب نفسه .... الاختيار التاني انك تقفل اللوك اللي في الباب نفسه وده هتلاقيه في الباب نفسه جنب الكاوتشه بتاعة الباب وعليه علامة قفل مقفول وقفل مفتوح ده هيمنع الباب انه يتفتح من جوه تماما سواء انت قافل السنتر ولا مش قافله ..... ارجو اني اكون وصلتلك المعلومه صح.......

**memo_zezo** · 05-09-2014 07:49 PM

اه فهمت وده اللي انا عارفه بس كنت بحسب في طريقه اقفل الباب اللي جمبي بالسنتر ومحدش يفتحه غير لما افتح اللوك لانها بصراحه حاجه سيئه انا عندي ابني سنه ونص وقاعد مع مامتهروكل شويه يلعب ف الاوكره وممكن يفتحه من غير ماناخد بالنا بجد حركه غبيه منهم

**mr.moustafa** · 06-09-2014 12:57 AM

من دواعي الأمان للباب الأمامي أنه يفتح من الداخل مباشرة و بسهولة و بسرعة أكثر من انك تفتح القفل بإيدك
تخيل لا قدر الله حادث انقلاب و السنتر قافل اوتوماتيك و انت بتحاول تخرج
كمان ممنوع بالقانون وجود اية اطفال في الكرسي الأمامي بسبب الأمان ، فالمشكلة عندك مش في الأمان بتاع العربية

**Hosam_Optrawy** · 06-09-2014 02:23 AM

المشاركة الأصلية كتبت بواسطة memo_zezo

اه فهمت وده اللي انا عارفه بس كنت بحسب في طريقه اقفل الباب اللي جمبي بالسنتر ومحدش يفتحه غير لما افتح اللوك لانها بصراحه حاجه سيئه انا عندي ابني سنه ونص وقاعد مع مامتهروكل شويه يلعب ف الاوكره وممكن يفتحه من غير ماناخد بالنا بجد حركه غبيه منهم

معلش خد بالك

هما عاملين كدا عشان المفروض اللى راكب قدام شخص كبير وقاصد يفتح الباب

للأمان الأطفال المفروض يقعدوا ورا في الكراسى المخصصه لهم ويربطوا الحزام