هل لو انا سايق عربيه المدام لازم يكون معايا توكيل منها لان رخصه العربية باسمها
عرض للطباعة
هل لو انا سايق عربيه المدام لازم يكون معايا توكيل منها لان رخصه العربية باسمها
اعتقد عادي طالما رخصه العربيه معاك ولو قلقان تعمل توكيل بعشره او 15 جنيه وتريح نفسك وشكرا
الرسمى يكون معاك توكيل منها
بس بتمشى بالحب طالما الرخصه معاك وزيادة فى الاطئنان صور بطاقه المدام الى عليها اسمك او صوره من قسيمة الجواز وسيبها فى العربيه
انا بمشى بالعربيه بتاعه والدتى وكتير بيوقفونى وطبعا يسالونى على التوكيل بطلع لهم صوره شهادة الميلاد مكتوب فيها اسم الام
القانون بيقول لازم توكيل و لو غلس من حقه يصادر العربيه و يقبض عليك لحد ما تيجى صاحبة العربيه
صورة بطاقتها و فيها اسمك بتحل المشكله فى اغلب الوقت بس توكيل ب ١٥ جنيه مش هيخسر
هو الظابط سحب منى الرخص وبعدين قام عملهالى مخالفة ورجعلى الرخص
على العمومحعمل التوكيل عشان ابعد عن رخامتهم
بس ايه نوع التكيل واسمه ايه
هو مش اسم الزوجة بيبقى مكتوب في بطاقة الزوج؟
هو ده مش كافي يعني؟
وقفوني كذا مره ..الرخصه فيها إسم صاحبة العربية اللي أنا شاري منها العربيه ..ولا سألني عن توكيل ..ولا سألني عن غيره ..هو أهم حاجه عنده وأهم من التوكيل يهفك مخالفه عشان يلم فلوس ..على فكره ..هو لو عايز يتلكك مش هيتلكك على رخصه مش مكتوب فيها إسمك ..هيتلكك على حزام مش مربوط ..أو فانوس مكسور ..أو حته في العربيه متمعجنه ..أو حته مرشوشه ..طيب أقولك ..ممكن يعملك مخالفة قيادة برعونه ..عادي ..هو شايفك بتقود العربيه برعونه ..يقوم لاطشك مخالفه ..بس لو عايز تمشي زي الكتاب ما بيقول ..توكيل إدارة صغنن كده بعشرة جنيه تقريبا ..بس برضه على مين ..هو ما دام طلبت معاه مخالفه ..يبقى خلاص ..فوض أمرك لله
اعمل توكيل احسن
انا دايما بتجنب فرص الخطأ
علشان تمشي مريح بالك