العفشة المصرى والخليجى لمعرفة الفرق

**TeMoON** · 05-09-2014 11:00 AM

كل العربيات فى مصر منها مصرى وخليجى وكل شخص على حسب مزاجة من انة يركب عربية وكيل او خليجى
فا الفرق الى موجود فى عفشة السيارات الكيا مثلا ما بين المصرى والخليجى هو فرق المساعدين فقط لا غير ودا على كل العربيات فى مصر مش كيا بس فا الى محتار وخايف من عفشة الخليجى عشان التغير فى حاجة هقولة مفيش تغير فى اى حاجة لان خط الانتاج واحد وثابت بالذات فى الميكانيكا بتاعة العربية

يعنى الخلاصة الخليجى والمصرى واحد فرق فقط المساعدين لان بتوع الوكيل المصرى بيكونو خدمة شاقة عن الخليجى والموضوع دا مش مقلق لان انا معايا سيراتو وجيتا خليجى ومفيش مشكلة من العفشة فا الى عاوز يركب خليجى يركب وهو مطمن وبما ان العربية منتشرة فا قطع الغيار هتكون متوفرة فى محلات قطع الغيار

**Abo_Mazen** · 05-09-2014 11:19 AM

وأعتقد برضه في فرق في شوية حاجات تانيه ..زي درجة حرارة ثرموستات الكوع ..وزي نوع الكاوتش

**MoustafaElfaek** · 05-09-2014 02:02 PM

المشاركة الأصلية كتبت بواسطة m_m_sh_a

وأعتقد برضه في فرق في شوية حاجات تانيه ..زي درجة حرارة ثرموستات الكوع ..وزي نوع الكاوتش

ثيرموستات الكولر مالهاش أى علاقة بدرجة حرارة الجو, بتشتغل على درجة حرارة مياه التبريد فقط

**hi_nmr** · 05-09-2014 02:27 PM

من وجهه نظري اعتقد الفروق في العفشه بسيطه
لكن الفروق في المكنه نفسها والجير اعتقد اعلي لان المكن في السعويه مثلا بيعمر بعد 250 الف تقريبا والسواقه مقولكوش خدمه شاقه فعلا وسرعات عاليه

وبما ان الوكلاء سمعتهم وحشه ومعاملتهم سيئه والضمان شئ خيالي مش حقيقي يبقي الواجب نشتري خليجي يمكن قله المبيعات تخليهم يراجعوا نفسهم

**bakkarahmed** · 05-09-2014 03:20 PM

علي ما اعتقد الفرق في نوعيه الدهان والكماليات وجوده التقفيل فقط ﻻغير

**shiko85** · 05-09-2014 03:48 PM

فيه اختلافات بين العربيات الخليجى و المصرى و بتختلف حسب موديلات العربيه
تصفيح اسفل المحرك - زجاج فاميه - كماليات - اختلافات فحجم و شكل المرايات - اختلاف فجوده الدهان - التكييف و الكاوتش - الموتور و هكذا