استفسار طقم كاوتش سيراتو 2010

**romio2000** · 05-09-2014 05:12 PM

اشتريت سيارة سيراتو 2010 عاملة دلوقتى 34000 ك ولما روحت التوكيل قالى عايزة طقم كاوتش هو اللى موجود فيها الاصلى بتاعها اللى هو نيكسن 205/55/16 وعندى فردة خلفية بتريح لما اركن العربية لمدة 3 او اربع ايام هى د ى التعبانة فيهم والياقى انا شايف انه عادى
انا عايز اعرف هو الكاوتش مش بيمشى من 40000 الى 45000 ك ليه العربية عاملة 34000 وبيقولى غير
السؤال الثانى انا سالت على الكاوتش لقيت هانكوك كورى الفردة ب 550 جنيه وماركة تانى اندونيسى ب425 وبريدجيستون ب850 جنيه ايه الفرق بينهم وخصوصا فرق السعر العالى للبريدجيستون
وفيه واحد نصحنى بيقولى هات 210/60 علشان تعلى العربية هل الكلام ده مظبوط افادكم الله
ولو حد اشترى نوع كويس يقولى منين وسعره كام ولكم جزيل الشكر

**shiko85** · 05-09-2014 05:42 PM

المشاركة الأصلية كتبت بواسطة romio2000

اشتريت سيارة سيراتو 2010 عاملة دلوقتى 34000 ك
الف مبروك و ربنا يديلك خيرها و يكفيك شرها
ولما روحت التوكيل قالى عايزة طقم كاوتش هو اللى موجود فيها الاصلى بتاعها اللى هو نيكسن 205/55/16 وعندى فردة خلفية بتريح لما اركن العربية لمدة 3 او اربع ايام هى د ى التعبانة فيهم والباقى انا شايف انه عادى
انا عايز اعرف هو الكاوتش مش بيمشى من 40000 الى 45000 ك ليه العربية عاملة 34000 وبيقولى غير
الكاوتش بيتغير بالكم او السنين
عموما الأفضل تغير الكاوتش زياده فالأمان
فيه واحد نصحنى بيقولى هات 210/60 علشان تعلى العربية هل الكلام ده مظبوط افادكم الله
اللى اعرفه ان مفيش مقاس 210/60 فيه 215/60
طبعا الأفضل انك تلتزم بالمقاس الأصلى للعربيه علشان تحافظ على الثبات و العفشه
لو هنقارن بين 215/60 و 205/55
القطر الكلى هيزيد بـ 32 مم يعنى تقريبا 5% من القطر الأصلى و ده هيأثر على الثبات و العفشه و الفرامل لان اقصى زياده مسموح بها 3% من القطر الأصلى
السرعه الفعليه للعربيه هتكون اكبر من السرعه على مؤشر السرعه لو مؤشر السرعه بيقول انك ماشى بسرعه 100 كم/س هتكون السرعه الفعليه للعربيه 105.1 كم/س

**Ahmed1987** · 05-09-2014 09:18 PM

انا عربيتي سيراتو نفس مقاسات الكاوتش بتاعك وطبعا يفضل انك تغير بنفس المقاسات عشان متبقاش فيها مشاكل بالنسبة للعفشة او في قياسات السرعة
انا كنت في نفس الحيرة دي من من حوالي سنة تقريبا لحد مرسيت علي البيريلي P7
كان الكاوتش عندي عامل 37000 وقت التغيير وكان فيه فرده فيها بالونة ولحام وخابور من 25000 كم تقريبا وكانت مستحملة وانا كنت باخد بالي في المشى عليها اوي
كنت بفكر اجيب البريدجستون بس لقيت سعرها مبالغ فيه اوي ساعتها turanza gr90 ب 990 الفردة فقولت اظبط فلوس واجيبها وكان رأي الناس في الفردة دي انها بتستحمل ومحملة من الجناب عشان موضوع البلالين ده وطرية في نفس الوقت بس الياباني مش الفرنساوي
في الفترة دي كنت مقضيها سؤال لحد مطلعلي حد قالي جرب البيريلي هتلاقيها طرية وفي نفس الوقت محملة من الجناب زي البريدجستون وممكن تكون اقوي من الجناب كمان
جبت بيريلي P7 سرعته W كانت الفردة عاملة 700 جنيه بالتركيب والبلف والنيتروجين
النهاردة بعدها بسنة العربية عاملة 47000 كم والحمدلله مفيش اي مشكلة منه حتي مع كام نقرة من الي خلت النيكسن يعمل بلالين
جرب واسال عليه وربنا يهديك للافضل ان شاء الله

**romio2000** · 06-09-2014 10:20 PM

المشاركة الأصلية كتبت بواسطة ahmed1987

انا عربيتي سيراتو نفس مقاسات الكاوتش بتاعك وطبعا يفضل انك تغير بنفس المقاسات عشان متبقاش فيها مشاكل بالنسبة للعفشة او في قياسات السرعة
انا كنت في نفس الحيرة دي من من حوالي سنة تقريبا لحد مرسيت علي البيريلي p7
كان الكاوتش عندي عامل 37000 وقت التغيير وكان فيه فرده فيها بالونة ولحام وخابور من 25000 كم تقريبا وكانت مستحملة وانا كنت باخد بالي في المشى عليها اوي
كنت بفكر اجيب البريدجستون بس لقيت سعرها مبالغ فيه اوي ساعتها turanza gr90 ب 990 الفردة فقولت اظبط فلوس واجيبها وكان رأي الناس في الفردة دي انها بتستحمل ومحملة من الجناب عشان موضوع البلالين ده وطرية في نفس الوقت بس الياباني مش الفرنساوي
في الفترة دي كنت مقضيها سؤال لحد مطلعلي حد قالي جرب البيريلي هتلاقيها طرية وفي نفس الوقت محملة من الجناب زي البريدجستون وممكن تكون اقوي من الجناب كمان
جبت بيريلي p7 سرعته w كانت الفردة عاملة 700 جنيه بالتركيب والبلف والنيتروجين
النهاردة بعدها بسنة العربية عاملة 47000 كم والحمدلله مفيش اي مشكلة منه حتي مع كام نقرة من الي خلت النيكسن يعمل بلالين
جرب واسال عليه وربنا يهديك للافضل ان شاء الله

الف شكر على الرد الوافى وهشوف دلوقتى بقى سعره كام