ايهم افضل ؟؟؟؟؟؟
بروتون برسونا 2014 اوتوماتيك و لا نيسان صني 2014 ex اوتوماتيك
هما الاتنين في حدود 115000
عرض للطباعة
ايهم افضل ؟؟؟؟؟؟
بروتون برسونا 2014 اوتوماتيك و لا نيسان صني 2014 ex اوتوماتيك
هما الاتنين في حدود 115000
إحتياجاتك من العربية؟؟؟؟؟
هي لوالدي يروح بيها الشغل او السفر للمنصورة هو عايز حاجه تريحه
ممكن يشوف كمان اتراج
علشان لا افضل السيارتين
ثبات البيرسونا
الوسع الداخلي و الشنطة للصني واسعة بطريقة غبية
التقفيل مش كويس في الاتنين و خصوصا الصني
إستهلاك البنزين الصني
عوامل امان زي بعض
كماليات تقريبا زي بعض يزيد بلوتوث في الصني بس مش فاكر في الex و لا الsuper saloon
قطع الغيار للبيرسونا منتشرة جديد و استيراد معرفش الصني ظروفها ايه
الصني في كذا عضو في المنتدي كان عندهم مشاكل و عملوا حوادث بعربياتهم
الكلام ده للصني الشكل الجديد لو القديم فالقديمة تتفوق في إنتشار قطع الغيار لكنها اضيق و شنطة اوسع و إستهلاك البنزين اعلي و اعتقد عوامل الامان مش موجودة في الشكل القديم.
طيب ما تشوف اوبترا شكل قديم
بعد ما قالوا انها بقي فيها وسائل امان
عايز حاجه تريحك وبتاعه سفر يبقى اوبترا شكل قديم
اوبترا فعلا حلوة وافضل من الاتنييين بكتييير
انا كانت معايا بس بعتها ... بس و الله من احلى العربيات الى ركبتها فى حياتى .
واسعة جدا من جوة .. شكل جميل من برة (دى ازواق) .. ثبات على الطريق .. فراملها حلوة رغم انها مفهاش abs.
هى مشكاتها الوحيدة الى كانت عندى و سمعتو من كذا واحد مشاكل فى دورة التبريد ..
الصنى الجديدة .. تحس ان هى ورق و من جوة مش مريحة تحس انك مدايق و انت قاعد .. اوكر البيبان من الداخل اصلا مستفزة تحس انها هتتكسر فى ايدك .. غير المشاكل الى سمعناها هنا.
البيرسونا ..انا عمرى مدفع فلوس فى عربية سواء كانت صينى ماليزى او اى شئ من هذا القبيل .. و لو فكرت اجيب بيرسونا او جين 2 هجبها من بلدها بتعديل .. بتبقى خرافة علشان عندهم مهتمين بالعربية دى اوى .
و بالتوفيق ان شاء الله
ما زالت معي أوبترا شكل قديم ، مميزاتها واسعة ، ثابتة ع الطريق ، موتور وفتيس زي الفل ، أما عيوبها فتكييفها بيشتغل بكفاءة ساعتين متصلتين ثم يقلب مروحة لوحده ، مفيش وسائل أمان خالص وإن كانت فعلا فراملها كويسة وثباتها حلو .
ما هى وسائل الامان ؟
اير باج ، abs بس
حضرتك بردو ما افدتنيش .. ماهي المميزات دي موجودة واكتر في البيرسونا او الجين2 .. + ان فيها 2 ايرباج وabs +ebd ومالتي فانشن وايموبلايزر وصاج اقوى وشكل احلى
هو عمتاً اللي عايز تعديل بروتون بيعدل هو بنفسه احسن عشان يضمن وليها سكك كتير في التعديل وكنت اعرف 2 معاهم جين2 4wd .. موتور ايفو 7 .. ده غير اللي معاهم مسقطين ال 2400 مايفك
افضل فى حاجات كتير والكلام على البيرسونا والجين 2
التقفيل والخامات الداخليه
سهوله الصيانه وتوافر قطع الغيار واعاده البيع
الوسع الداخلى والشنطه
استهلاك البنزين
السحب وقوه الماتور تحت سرعه 100
الدهان الخارجى للعربيه
العزل
الشكل اذواق ومش هاتكلم وادقق فيه رغم ان البروتون شكلها غبى وكنز وكفايه شكل الدريكسيون اللى عامل زى عربيات الملاهى
اعتقد كده مفضلش حاجه للبروتون سواء بيرسونا او جين 2 بتتفوق فيها غير وسائل الامان رغم وجود ايرباج فى الاوبترا والصاج والسحب فوق 100
ممكن بقى حضرتك تقولى البروتون افضل فى ايه علشان سمعت انها حلوه وبفكر اجيبها برضه
علشان ملاحظ حضرتك مبتحبش الاوبترا :)
يمكن علشان هيا افضل من البروتون :)
ههههههههههههههههه
يعني لو هنتكلم عن المميزات هسألك سؤال ... بتعرف تعد لحد كام؟ :))
-كماليات اكتر
-صاج اقوى
-شكل احلى
-اماااااااااااااااااان "abs+ebd" "airbags" ... واخدلي بالك انت؟ :)
-مثبت سرعة
-شكل العدادات او لونها :)
-اثبت من الاوبترا
-اقوى من الاوبترا
-مميزة عن الاوبترا في الشكل .. عشان مش اي حد يجيبها بردو
-توكيلها مبيستخفش بعقول الناس وينزلها متنفضة من الكماليات وعوامل الامان .. مع ان ال2 ازفت من بعض بس نقطة الضمان لصالح الحاج عز العرب
-سهولة التعديلات للناس اللي بتحب تعدل
-ارخص مع انها فيها المميزات السابقة
وفي نهاية المطاف .. ماليزي اه ماهو الاوبترا مش امريكي ... المهم اللي صنعها عامل كدة بردو -_-
نسيت اقول حاجة .. سهولة البيع ولا سهولة الصيانة مش حاجة تميز العربية .. ماهي اللانوس والفيرنا حاجتهم ببلاش وصيانتهم سهلة بردو :))
بس للاسف في عرف السوق المصري سعر اعاده بيع العربيه من الحاجات المهمه و دي حاجه غريبه و غبيه اوي.
كل ما تناقش مع حد من الناس اللي بيفهموا في العربيات يقولي او ل كلمه ...... بس دي هتخسر فيها لما تبيعها .......... اصلها تقيله في البيع .....
ياعم انا عايز اركب حاجه محترمه ... مش عايز ابيع.
يا باشا اركب حاجة محترمة على عينى وراسى يا باشا
بس افرض اتزنقت و عايز تبيع .. هتخسر فيها جامد
يا نهاااااار مش فايت
دى كلها مميزات فى البروتون وانا مكنتش اعرفها
تصدق دى طلعت عربيه جامده :) :shine[1]:
معلش يعنى كل المميزات اللى مكتوبه دى تعتبر سورى فى اللفظ حاجات هجص
ده غير ان حضرتك مكرر المميزات الكتير اوى دى بصيغ مختلفه
يعنى مره تقولى الشكل احلى ومره تقول مميزه عن الاوبترا فى الشكل مع انه مش مميز ولا حاجه ومره تقول سهله فى التعديل وبعدين اى عربيه بتتعدل ايه المشكله .. ده ال 128 بتتعدل وبتبقى تحفه
وايه نور العدادات ده كمان !! اكيد تقصد النور البرتقالى اللى يخلى الواحد يرجع ده .. انا مش عارف الحاجات دى بقت ميزه ازاى
وايه ارخص منها دى كمان .. هيا علشان ارخص ب 3000 بقت ميزه .. دى رخيصه علشان مفيش حد بيشتريها :)
وتوكيل عز العرب بقى حاجه بتميز البروتون !!
ده راجل يجيب الشلل هو ومنصور الله يخربيوتهم
واثبت واقوى من الاوبترا ازاى !!
ده انا باخد بالاوبترا غرز على 180 و 200
واقوى من اى ناحيه !!
ده الاوبترا دى حماره شغل :)
وماتورها يعلم على عربيات كتير تحت ال 100
يعنى من الاخر كده البروتون بتتفوق على الاوبترا فى شويه كماليات زى مثبت السرعه ونور العدادات وشكل العدادات انا هاعتبره ميزه علشان البروتون تقدر تنافس شويه مع الاوبترا ووسائل الامان وفى الصاج وفى السحب فوق 100
الاوبترا بتتفوق فى ..
التقفيل والخامات الداخليه
سهوله الصيانه وتوافر قطع الغيار واعاده البيع ودى تعتبر ميزه قويه جدا عندنا ومتقولش مش ميزه :))
الوسع الداخلى والشنطه
استهلاك البنزين
السحب تحت سرعه 100
الدهان الخارجى للعربيه
العزل
ودى طبعا حاجات مهمه جدا وتستاهل ..
مش تقولى نور العدادات وشكل العدادات وتعديلات ومش عارف ايه
ومتساويين فى الثبات وقوه الماتور
صباح الفل يا باشا
خد سجاره :)
لا ياعم مبشربش سجاير انا
معلش متعتبرش هجس يعني في ناس بتدقق عالحاجات دي وانت ذات نفسك قولتلي ميزة الاوبترا انها بتتباع بسهولة واي حد بيشتغل فيها .. طب ماهو البروتون نفس النظام لانها مش معقدة
بص انا معاك ان الاوبترا فعلاً احسن خامات وتقفيل في الفئة دي واحسن من ال301 بس معلش انا مش مهتم بكدة هو في غيري اه بيهتم بالتقفيل بس مش هو ده اللي يخليني اجيب العربية والشكل المميز اللي قصدي عليه انك متبقاش ماشي في الشارع تلاقي 1000 عربية بروتون في نفس الوقت انا بردو شايفوا ميزة لاني مبحبش اجيب حاجة الناس جايباها .. في ناس بتحب تجيب الحاجة اللي منتشرة دي ازواق وبعدين شكل الجين2 رغم انها من 2006 في مصر بس لسه ليه طلة وملفتة للنظر .. وظكل العداد مثلاً مش هتكلم فيه دي ازواق بردو بس يكفي شكل عداد الاوبترا واللون الاخضر البرسيمي :)))
. الدهان بتاع بروتون زفت الزفت واشهد علي كدة .. بس اعمل ايه بدهان كويس علي صاج ورق ورق ورق
كان نفسي تجرب قبل ماتحكم بس شكلك مجربتش
غرز علي 180 و 200؟؟ مش للدرجة دي ياباشا هيا اه كويسة في الثبات وانا جربتها كتير عشان قعدت معايا جوالي اسبوعين كل يوم كنت بروح بيها العبور .. بس عمرها ماهتبقي احسن من الجين 2او البرسونا.. انت محتاج تجرب ال2 وتقول رأيك تاني ... Lotus ride and handling
خلاص :shine[1]:
الاوبترا حلوة و الجين 2 حلوة ..
بس يا eng f3lix , لو هتنصح حد سالك يجيب اى عربية هتقول لة يجيييب اية ؟
:shine[1]::36_6_3[1]::shine[1]::36_6_3[1]::shine[1]:
:shine[1]:
صحيح كل واحد وليه دماغه وبيختار اللى يعجبه ويريحه ويناسبه
وممكن الحاجه تبقى كويسه بالنسبه لواحد وزفت بالنسبه لواحد تانى
بالنسبه لنور عدادات الاوبترا فعلا هو برسيمى ومن الحاجات اللى مبحبهاش فيها واللى بيعجبنى جدا السيراتو الشكل القديم بس يكون من حواليين عداد السرعه نور احمر
قبل كده انا واحد بيها غرز على 180 ومتأكد من كلامى واليوم ده كان فى ظروف وحشه وكنت مسافر وكنت بغامر يوميها والحمد لله عدت على خير ومش هاتتكرر
ثباتها مع البروتون محتاج تجربه علشان الموضوع صعب ودقيق ولو فى فرق ممكن ميتلاحظش
على فكره انا سافرت النهارده مطروح والحمد لله اتصورت رادار على 170 :120146b
ولما ارجع هابقى اعمل موضوع :)