الموضوع: عمره موتور كامله بالاسعار

الف مبرووك
هوا سعر الماتور استيراد كام لما العمره بالمبلغ ده

الله يبارك فيك ياباشا
الموتور ياباشا بيبدأ من 1800-2500 حسب حالته وكام سي سي وموجود عند حماصه في محمد فريد والشعراوي وايمن دره بس دورت كتير ملقتش حاجه كويسه او بمعني اصح ملقتش فيهم الموتور الي يلمع في عيني
وخصوصا ان انا في الموال دا علطول لان اللادات الي معايا تاكسيات مش ملاكي

المشاركة الأصلية كتبت بواسطة abokoko

بس الموتور 1600
مش 1500
لان انا معايا ال لادا 2107 موديل 2007 ( مصري ) كبراتير

الا لو حضرتك شارى الروسي الانجكشن

كلام حضرتك مظبوط بالنسبه للمصري
بس انا كل الي معايا روسي 1500

كمان معلومه للاضافه ان مش كل الروسي انجكشن لان لغايه سنه 2007 الروسي بينزل منه انجكشن وكربيراتير ومن 2008 لغايه 2011 كل الروسي انجكشن

المشاركة الأصلية كتبت بواسطة A7medelfe2y

بسم الله الرحمن الرحيم
العربيه/لادا روسي 2107 موديل 2007
الموتور/1500
نبدأ بالاسعار
دي الفاتوره
بستم 280 جنيه
صباب لادا غاز 150
طقم دليل 45
سبيكه 100
جوانات 85
تروس كاتينه 150
كاتينه 80
فلتر زيت 13
زيت توتال 78
اوسيل 15
طقم كهرباء وسلوك 65
شداده ومخده 30
قواعد موتور 35
طاقم دبرياج كامل 320
-------------------------------------
الاجمالي 1400
350 مخرطه
+
120 خرط الوش لوحده
-------------------------------------
يبقي الاجمالي 1870
80 ليتر بنزين للتليين
---------------------------------
يبقي كله 1950
/////////////////////////////////////
دي كل الفلوس الي اندفعت بره الورشه
والمصنعيه 500
عند الاسطي خالد الفيومي /طنطا /كورنيش بلازا
وقطع الغيار من عند ايمن شلبي /شارع سعيد
والعربيه طلعت ماشاء الله احسن من الزيرو
خلصت تليين وقولت انقلكوا التجربه
اخدت في الورشه 3 ايام
وعندي بتلين 5 ايام
وتمت بحمد الله

السياره فى التليين العباره دى بنشوفها كتير متعلقه عا السيارات وطبعا غلط 100% وطبعا معظمنا بيعلقها بناء على تعليمات الاسطى زقطط المكانيكى وانت يا عم الاسطى ياللى بتقول على نفسك باشمهندس انت لو عامل العمره صح وحسب اصول الصنعه او اسس الميكانيكا الموتور عمره ما يحتاج تليين بدليل لو اشتريت سياره جديده بتمشى بيها عادى بدون تليين لذلك انصح الساده اصحاب السيارات ان يشوفوا الورشه اولا هل هى نظيفه ام لا واذا كان بيعمل العمره عا الرصيف او بيحط المساميرعلى تزجه وسخه وبينفخ المسمار قبل ما يركبه دا اوعى تعمل عنده اى حاجه ثم لازم تكون المسامير نضيفه( بالديزلوالفرشه اولا ثم التجفيف ثانيا)
جدا ومربوطه حسب جدول ال تورك Bolt Torque Chart وعليها نقطه من حاجه اسمها
loctite

http://www.loctite.com/index2.php?cc=u
s
الاحمر لمسامير الكرنك ووش السلندر والازرق للاحمال الخفيفه واتحدى الاسطى زقطط ان يعرفه او يعرف الفرق
كمان العك اللى بيسموه جملكه جوانات دى بتخرب الموتور اكتر ما بتفيده ارجو ان اكون وضحت الامور لكم
تحياتى

الف مبروك العمره بس فين ورشه الاسطى/خالد الفيومى دى بالظبط...انا اخوك من طنطا و بدور على ميكانيكى لادا نضيف.

اهلا يابن عمي
امشي علي الكورنيش بعد ماتعدي كوبري نايف في اتجاه موقف المرشحه بعد موقف السرينجات علطول هتلاقي كافتيريا اسمها كورنيش بلازا وهتلاقي بالقرب منهم حسام اوبل والجباسه الكبيره الي هناك دي وشادر خشب اسال اي حد فيهم كورنيش بلازا فين هيشاوربك عليها وبعدها بشارع هتلاقي ورشه الاسطي خالد تاني بيت في الشارع من الكورنيش
وانا معايا 3تاكسيات لادا وطبعا التاكسي بيستهلك بسرعه لاني مشغل سواقين فبلف بيهم كتير علي كل صنايعيه طنطا
والخلاصه بتاعه اللف دا كله في الميكانيكا والعفشه لانهم هم الي بيحصل فيهم مشاكل كتير
الاسطي خالد الفيومي/دا فعلا دكتور مهندس ميكانيكي مش بس ميكانيكي وجربه وعلي مسؤليتي ولو عايزني معاك ممكن اقابلك ونروحله سوا
والعفشجي/الاسطي هشام الدقاق في نايف عند المدرسه القديمه