حالة الكاوتش كويسه ..بس منمل

العربية اللي معايا سوزوكي التو 2008
الأربع كاوتشات اللي فيها تيوبلس ..وأنا ماشي النهارده لقيت العجلة اللي ورا من ناحية السواق ..نااااااااااامت
رحت لبتاع كاوتش جنبي ثقة وكويس ..قلتله عاوز ألحم فردة الكاوتش دي ..نفخها وحطها في المياه ..وقالي فيه عندك مسمار في العجله دي ..قلتله كويس ..شيل المسمار ..قالي ما هي الفرده دي منمله ..وعشان كده لازم تحط كاوتش داخلي (تيوب) أو (كمر)
قلتله الكاوتش شكله جديد ..واللي أنا شاري منه العربيه من سنه قالي إنه مغيره جديد ..بص على الكاوتش ..وقالي ياباشا ده الكاوتش ده من 2006 ..قلتله طيب بصلي على بقيت الكاوتش ..بص على بقيت الكاوتش اللي في العربيه وقالي ..الثلاث عجلات اللي راكبين بالعجله اللي أنا حاططها في المياه ..اللي أنا جاي بيها مخرومه ..كلهم من إنتاج 2006 ..قلتله طيب بصلي بقى على الإستبن ..بص وقالي الإستبن من إنتاج 2007 ..قلتله تمام ..يبقى الإستبن ده بتاع الفبريكه ..والكاوتش اللي راكب ده خليع من عربيه تانيه ..وده اللي أنا إستنتجته من الوضع اللي حاصل قدامي

السؤال بقى ..
دلوقتي أنا حطيت في الكاوتشه المنمله دي كمر (تيوب) ..وناوي إن شاء الله أغير الكاوتش كله ..الأربع فرد ..بس هو ينفع أمشي بيه شوية ..بتاع سنة كده لغاية ربنا ما يسهلها ويبقى معايا سيوله أقدر أغير الكاوتش ..ولا لازم يتغير وقتي وحالا

ح اظبط ظوايا وارصص بتاع الراجل قالي عندك فردتين مش نافعين و٢ اخرهم شهرين مشيت عليهم الف ك واكتر وعدي عليهم حوالي٦ شهور ربنا سترها معا لحد مفرده عملتها علي المحور بس الحمد لله كانت اعرض لكن ضرب بعد لما عديت من المحور

الا الكاوتش متهونش فيه ربنا يسترها معانا

اقتباس:

---

المشاركة الأصلية كتبت بواسطة الاسد المهاجر

ح اظبط ظوايا وارصص بتاع الراجل قالي عندك فردتين مش نافعين و٢ اخرهم شهرين مشيت عليهم الف ك واكتر وعدي عليهم حوالي٦ شهور ربنا سترها معا لحد مفرده عملتها علي المحور بس الحمد لله كانت اعرض لكن ضرب بعد لما عديت من المحور

الا الكاوتش متهونش فيه ربنا يسترها معانا

---

أنا عارف حضرتك إن الكاوتش خطر ..وما ينفعش الواحد يتساهل فيه ..بس أنا كنت بسأل ..هو ممكن الكاوتش يفرقع كده لوحده بدون أي مقدمات ..يعني من الباب للطاق كده يفرقع فجأة ..أنا أقصى سرعة ليا 120 كيلو ..ما بزودش عن كده ..وحضرتك بتقول (لحد ما فرده عملتها على المحور) عملتها دي يعني فرقعت..معلش أنا آسف إني بتقل على حضرتك في السؤال ..بس أنا عندي إستعداد أركن العربيه وممشيش بيها خالص لغاية ما أجيب كاوتش ..أنا كنت عاوز أطمن بس مش أكتر ..

اقتباس:

---

المشاركة الأصلية كتبت بواسطة m_m_sh_a

أنا عارف حضرتك إن الكاوتش خطر ..وما ينفعش الواحد يتساهل فيه ..بس أنا كنت بسأل ..هو ممكن الكاوتش يفرقع كده لوحده بدون أي مقدمات ..يعني من الباب للطاق كده يفرقع فجأة ..أنا أقصى سرعة ليا 120 كيلو ..ما بزودش عن كده ..وحضرتك بتقول (لحد ما فرده عملتها على المحور) عملتها دي يعني فرقعت..معلش أنا آسف إني بتقل على حضرتك في السؤال ..بس أنا عندي إستعداد أركن العربيه وممشيش بيها خالص لغاية ما أجيب كاوتش ..أنا كنت عاوز أطمن بس مش أكتر ..

---

حضرتك تأمر
اول مره الكاوتش يعملها كنت ماشي مش فاكر علي سرعة كام لقيت زي صوت رجرجه كان الكاوتش نايم انزل ملقيش حاجه ركزت مع الصوت عرفت. الفردة نزلت ادور لقيت جزء متشال من الكاوتش مقطوع غيرت في ساعتها والحمد لله ملحقش يفرقع

تاني مره سمعت نفس الصوت بس علي المحور والاستبن نايم الصوت كات بيظر بعد٨٠ الحمد لله ربنا سترها وعند الحي السابع الكاوتش ضرب وربنا سترها

الصوت بيكون زي رجرجه كان الكاوتش نايم والوحد وحظه ممكن يجي الصوت وممكن يضرب علي طول

الكاوتش مفيهوش هزار يا فندم . لو انتاج ٢٠٠٦ فعلا يبقي تغيره فورا

اقتباس:

---

المشاركة الأصلية كتبت بواسطة Land_Cruiser

الكاوتش مفيهوش هزار يا فندم . لو انتاج ٢٠٠٦ فعلا يبقي تغيره فورا

---

:tumb:

لحد متغيره
بلاش سرعات عالية

يتغير الكاوتش فورا
الكاوتش مافيهوش أجرب حظى وأشوف .
لأنه خطر جدا

ربنا يسترها على الجميع

أنا ناوي فعلا أغيره ..وفعلا عملت جمعيه صغيره أقدر أمسك منها بتاع 1500 جنيه عشان هو فعلا في أول أولياتي ..ده حتى ليه أولويه عن غيار الزيت ..بس أنا فعلا لغاية ما أغيره مش هجري بالعربيه