اكشف علي القطمه
عرض للطباعة
اكشف علي القطمه
انا كان عندي الصوت ده لما بكسر شمال و روحت لبتاع عفشه حل العجلة و عاد على ربط كل مسمار و الحمدلله الصوت راح
فى الغالب كبالن
روح زعق وقل ادبك شوية عالتوكيل وهما هيعملولك اللى انت عاوزة
البلد دى مش عاوزة غير كدة على راى احمد حلمى
محدش بياخد حقة الا بالصوت العالى
المشكله كانت موجوده عندي مش بتبان بعد المشي بتظهر جدا لما تركن و خصوصا لو رديت العجل يمين و شمال و كانت في
ال power (الهيدروليك) كان بيعدي زيت و صوت الطقه دي عباره عن ان المكبس بتاع الهيدروليك بيفوت في المشوار
بتاعه
و ممكن تبطل العربيه و حاول تلف يمين و شمال لو مفيش صوت حصل هيكون هو ده العيب لان ال hydraulic بيكون مش شغال. ودي صوره فيها ذراع الpower و ده لو عدى زيت بيعمل صوت طقطقه http://image.made-in-china.com/43f34...9431266021.jpg
Air bag coil
يا باشا متبقاش طيب ومسالم كده.. التوكيل بيبقى عاوز يريح دماغه أو يوفر على نفسه فلوس فساعات بيستهبلوا ويقول لك مافيهاش حاجة.
انت لازم تتنح معاهم وماتمشيش غير لما الصوت يروح وتفهمهم انك مش هتقبل بكل اشي كان لأنهم بيلعبوا على ان المصريين بتوع مشي حالك وأهي ماشية ، ده مجرد صوت ، ايه الدلع ده .. وكده يعني.
حسسهم انك مش هتسكت وانك من النوع اللي بياخد حقه بأي طريقة.
عندها ستفاجأ بأن العيوب اللي مكانتش موجودة أصلاً اتصلحت.
وماتدفعش مليم في العربية طول ما هي في الضمان.!!!!
هاروح بكرة واشوف انا والله زهقت ، ومهندسين التوكيل كلهم حمير والله ما فاهمين اي حاجة ، كلهم مهندسين لو مؤاخذة شرابات شغالين مهندسين على متفرج ، والصنايعية بتفهم اكتر منهم
انا كان عندي مشكله في قطمه دركسيون الالنترا و اتغيرت في الضمان، الاعراض صوت خبط حديد في بعض لما بلف و امشي علي مطبات ذي مثلا لمل تلف وتعدي علي قضبان الترماي كنت بسمع صوت خبط حديد بيخبط في بعض.
حضرتك بتقول الصوت بيظهر و انت واقف يبقي اكيد مش قطمه الدركسيون لان القطمه لما كانت بايظه عندي عمرها ما عملت صوت و انا بلف الدركسيون و العربيه واقفه، الصوت كان بيظهر لما اعدي علي مطبات و انا بلف و العربيه ماشيه
روحت النهاردة توكيا كيا اللي عند مرور البساتين ، التابع لتريبل إيه ، واليكم الاحداث
وصلت الساعة 9 ونص استلمها مني المهندس وعمل امر شغل
فضلت مرمية اكتر من 4 ساعات عشان النور كل شوية يقطع
اشتغلوا فيها الساعة 2 ونص
فكوا العفشة كلها بالجانبين وكشفوا عليه حتة حتة ولقوا العفشة كلها زي الفل
شحموا البطاحات وركبوا تاني ن الصوت زي ما هو
فكوها تاني وشيكوا على القطمة والعلبة لقوهم زي الفل
الراجل اللي ماسك الورشة خلاني اجرب وهو نايم تحت العربية كل اما الف الدركسيون يمين او شمال المساعد ينزل رمل
امسك يا حاج هو ده اللي بيطقطق - قالي هو ده اللي بيطقطق
فكوا العفشة تالت ونضفوا الجنبين ونزلوا لرمل اللي فيهم ونضفوهم
جرب نجرب - الدنيا تمام تمام
قفل قفلنا - ادفع الفلوس عشان ده مش عيب ضمان - كام يا عم 150 جنيه فك وتركيب وتشحيم وتربيط
كانت الساعة بقت 4 ونص
طلغت علي اول الشارع - شيء الاهي قالي جرب المساحات - الاقيم مش راكبين صح وبتمسك في بعضها
لفيت ورجعت تاني - فك يا بني - ظبطهم كان في ريشة اتكسرت غيروها على حسابهم
قفل جرب نجرب - لاقيت الريشة بتاعت المساحة متوصلش لحد الاخر بتقف لحد تلتين الازاز
فك تاني يابني - فكها - زبطها - تمام - تمام - سلام عليكم
انا ماشي من عندهم العربية زي الزفت - قولت اروح اغسل العربية غسلتها شاسيه وبودي وصالون والدنيا زي الفل والعفشة ناعمة والدنيا تمام
وصلت منطقتنا - اجرب تاني - الصوت رجع بس بنسبة 50 % اقل من الاول
انا اتشليت