الموضوع: فكرتين عمليين لمشروعين

اي حاجه ممكن نطبقها ف مصر
لكن الفكره ابدا منين
انت ممكن تعمل الحاجات دي داخل حرم الجامعه مثلا والحدايق العامه والشواطي و بعد كدا نتوسع
لحد ما الناس الي حد ما تدخل الفكره ف دماغها
الموضوع دا لاي حد معاه مبلغ صغير وعاوز يعمل مشروع محترم
لو معاك 20 الف ممكن تبدا - روح لاي كليه كبيرة واعرض علي العميد فكره الشوايه كجانب ترفيهي للطلبه ومعتقدش ابدا انه هيرفض خاصه ان الكليه هتاخد ارضيه او هامش ربح

متابع

الفكرتين صعب اوى يتطبقو عندنا .. الشوى فى الخلاء ده ثقافة مش عندنا دى من الغرب ..
وهما عندهم ناس طالع عينها شغل طول الاسبوع علشان كده فى تقدير للويك اند ويقضوه ازاى ..
انما عندنا فى ناس مقضياها قهوة طول الاسبوع هاقوله انا اجازة وشوى فى الخلاء ؟؟!!!!
الموضوع التانى العجل هايتسرق طبعا ولا جى بى اس ولا غيرة ينفع مع حراميه العجل بتوعنا ...
هافكر شويه واقول مشروعين من عندى انشاء الله ..

المشاركة الأصلية كتبت بواسطة بحار

الفكرتين صعب اوى يتطبقو عندنا .. الشوى فى الخلاء ده ثقافة مش عندنا دى من الغرب ..
وهما عندهم ناس طالع عينها شغل طول الاسبوع علشان كده فى تقدير للويك اند ويقضوه ازاى ..
انما عندنا فى ناس مقضياها قهوة طول الاسبوع هاقوله انا اجازة وشوى فى الخلاء ؟؟!!!!
الموضوع التانى العجل هايتسرق طبعا ولا جى بى اس ولا غيرة ينفع مع حراميه العجل بتوعنا ...
هافكر شويه واقول مشروعين من عندى إن شاء الله ..

يا فندم انا عاوز حضرتك تفكر بعمق حبتين
حضرتك بتقول قهاوي - بس انا بتكلم علي قعدات عاليه وخروج انت واصحابك بدل المطاعم
تخيل نفسك ف حديقه زي حديقة المنيل مثلا وقدامك شوايه ف الحديقة ممكن تشوي عليها انت واصحابك او لو معاك زوجتك
وعادي لو الناس مش واخده عليها بكره تاخد ومتنساش اني بقولك فكره جديده وصدقني دي هتنافس المطاعم بعد كدا
بالنسبه للعجل - لازم يكون فيه نظام تضمن حقك - طبعا مش تاخد بطاقته ولا الكلام دا لان دي قله زوق كبيرة اوي - بس ممكن تصور بطاقته وتدفعه مبلغ تحت الحساب

المشاركة الأصلية كتبت بواسطة #maam#

معلش ممكن توضيح لمشروع العجل

هو السؤال ليه العجل؟
لان سعره بسيط
لان الاستهلاك فيه سهل تعويضه - يعني ساعه ما حد هيمرمط عجله هيبوظ فيها ايه كاوتش ولا بدال مثلا
ومين هيعرض نفسه لمسؤليه جناية علشان يسرق عجلة؟
طيب انا كمستثمر هعمل ايه؟
هعمل وحدتين او 3 علي حسب مقدرتك - في الوحدات دي هتعمل نظام اللوك الاوتوماتيك او الاقفال (زي اللي ف الصورة ودا افضل لانك مش هتحتاج حد يكون معاك لكنه هيكلفك شويه علشان تعمله) - لو مش هتقدر تعمله ممكن تشغل واحد يقعد ف كل وحده وخلاص - هتعمل شبكه نت صغيره كدا علشان كل واحد ياخد عجله بياناته تتحط علي الشبكه علشان لما يروح يسلم العجلة ف الوحده الثانيه يلاقي ما يثبت انه كان واخد العجله من عندك.
الوحدات دي بقي اللي العجل هيكون فيها هتكون ف مناطق حيويه
انت حضرتك هتشوف مواصله بسيطه الناس بتدفع فيها مبلغ وقدره او مفيش عربيات بتوصلها ومشوار بسيط او او او .....
تقوم تعمل عن بدايه المشوار وحده وفي اخرة وحده. الموظف او الطالب او او بدل ما ياخد عربيه هياخد العجله اللي هتكون ارخص واسرع
بلاش كدا
ممكن تعملها ف محيط الجامعات الكبيره او علي الشواطي او ف الاقاليم بدل التكاتك
مثال انا زبون هاخد العجله من الوحده (س) الي الوحده (ص) او ارجع بيها للوحده (س) مرة تانيه. هحاسبه علي عدد الساعات او اي تلفيات
انا بقي كصاحب مشروع احاول افهم ف ميكانيكا العجل واشتغل فيها بنفسي ومش هتكلفك ف صيانتها مليم
الصيانه هي ( شد الفرامل - كاوتش مخروم - تظبيط الجنزير) لا غير
كل ال بقوله دا مقترحات - انت ممكن تظبط فيه علي حسب المحيط اللي هتشتغل فيه
المشروع كله ممكن يبدا بعشر عجل مش هيكلفوك الفين جنيه او تجيب عجل نضيف مش هيكلفك اكتر من 10 الاف - علي حسب المنطقه اللي هتشغل فيها
كل ما تحب تكبر المشروع هتعمل وحده اقفال في مكان ثالث ورابع وخامس لحد ما تعمل شبكه كامله