هو الكلام ده ينطبق على السيخ زايد برضه؟
ولا اجيب شقة فى التجمع احسن
عرض للطباعة
مع احترامي لرأيك برضه
كلمة (دوله) دي كبيره على مصر شويه
في الواقع
كبيره على مصر قوي
لو كانت دوله ماكناش شفنا 99% من اللي بيحصل فيها (ومنها العشوائيه في كل شئ, وعدم السيطره على مواطنين وترك الجميع ينهش في بعض والبقاء للي يعرف يسلك نفسه)
الزمالك فعلا مش كومباوند خاص
لكن في كل (بلدان) العالم بيحافظوا على شكل معين لبعض الأحياء
بل ان في بعض الأماكن بتتقفل شوارعها وبتتعمل مماشي فقط
لكن طبعا في مصر
اساتذة تخريب كل شئ, وأي شئ, وباحتراف كمان
وبعدين انا مش فاهم
منين بتقول حضرتك انهم مش في كومباوند وان الشركه تعمل اللي عايزاه
ومنين عايزهم هما يتحملوا مسئولية شركة النظافه والأمن ؟؟؟ هيا دي مش شغل المفروض (الدوله) ؟؟
بصراحه منغير تكاتف سكان كل حي ايا كان مستواه مش هنشوف خير
ومش فاهم بصراحه المترو ده هيخدم منطقه زي الزمالك في ايه!
حتى بتوع الزمالك بيتخانقوا ومش عارفين يعملوا مؤتمر على الضيق هههههههههه دولة مفيهاش امل
مش ملك اهاليهم ... يسمعوا الكلام بالعافية.
كلام دولة ومش دولة دى مش قضيتنا ...
لان يا باشا الدولة بمواطنيها .. وفى القانون الدولى تعريف الدولة (شعب - اقليم - سلطة - سيادة) ...
فبما ان مصر دولة متخلفة ... واحنا شعبها .. يبقى احنا بنساهم فى التخلف كلنا بطريقة او باخرى.
ولو حضرتك تقرأ شوية عن ما هى الدولة فى القانون الدولى او حتى فى العلوم السياسية اظن نظرتك هتتغير كتير.
ممكن تقرأ كتاب "كل رجال الباشا" وده بيحكي عن تاريخ نشأة الدولة الحديثة .. فبمفهوم بسيط هيشرحلك الدولة يعنى ايه.
ثانى حاجة ...
بالنسبة لاحتياج منطقة الزمالك للمترو فى ايه
ابسط قواعد التخطيط العمرانى هى ان المنطقة جزيرة فى وسط المدينة - مليانة مدارس - جامعات - شركات وبنوك - نوادى رياضية - هيئات دبلوماسية وسفارات - مراكز ثقافية - بخلاف كميات من المطاعم والكافيهات والخدمات الترفيهية الكتير.
لو تم توصيل خط مترو ليها هيفرق كتير فى الزحام الشديد فوق المنطقة والمناطق الموصلة ليها. يقلل الكثافة فى حدود 60%.
ثالث حاجة دى مش ارض اهاليهم .... تتعمل و ررجلهم فوق رقبتهم ... يا اما يسيبوا المنطقة ويمشوا ويروحوا كومباوند بسور فى التجمع او الشيخ زايد.
انا مش هستنى كتاب يعرفني يعني ايه دوله
انا عشت بره وشفت يعني ايه دوله
اول شروط الدوله دي تخطيط حكومي سليم وعدل وحكومه بتشتغل
دلوقتي انا اللي بعمل ابسط الاشياء لنفسي
زي مثلا ان حرامي يسرق عربيتي وانا افاوضه
او اني اشتري مولد عشان الكهرباء
او خزانات مايه عشان المايه لما تقطع
او ادفع رشوه عشان اخلص ورقي في حاجه حكوميه
(عشان ما اوجعش دماغك بس, لو عايز امثله تانيه قوللي) :) :)
وبالنسبه للتخطيط العمراني اللي حضرتك بتتكلم في (ابسط قواعده)
فقواعد التخطيط العمراني بتقول
ان كل مناطق الدوله تاخد نصيب من الاهتمام
واحنا عندنا مناطق بالكامل عايزه اعادة تأهيل وعايزه نقط شرطه مقيمه
زي كل مناطق بولاق ومطار امبابه................الخ اللي لو عربية اسعاف داخله فيها مسافة اقل من كيلو بتقعد ساعتين تلاته على ما العيان يمون ويتدفن
لا شوارع مرصوفه
ولا شرطه بتدخل الا لو حد مات في خناقه بعد ما الموضوع يهدى
ولا خدمات
وعلى فكره
المناطق دي فيها ناس ومدارس وكل حاجه
هي بس مافيهاش (كافيهات) فمش عارف ده هيفرق في تقييمك ولا لأ :)
الاخ الكريم الفاضل الاستاذ abdulkhaleq
اختلاف الرأي شئ طبيعي و انا فتحت الموضوع لكي نتبادل الاراء
اما بالنسبة لنقطة شركات الامن و شركات النظافة سأحاول ان اقرب وجهة نظري لحضرتك شوية
جميعنا في دولة واحدة و المفترض ان تتكفل الدولة ببناء المدارس للجميع و كذلك المستشفيات و كذلك المواصلات الخ الخ الخ
و لكن منا من هو في مستوي مادي مرتفع بيستطيع ان يستغني عن المدارس الحكومية و يبحث لابنائه عن مدارس خاصة لتعليم ابنائه ليس حبا في المنظرة و لا في دفع الفلوس و لكن اولا لان التعليم الحكومي ( بايظ ) و الدليل علي كلامي ان اغلب التعليم الخاص حين ينتهي من مرحلة التعليم ما قبل الجامعي بيذهب للتعليم الجامعي الحكومي لو حصل ابنائهم علي درجات تؤهلهم لدخول كليت القمة مثلا او حتي كليات التجارة و الحقوق و الاداب و قليل جدا من يذهب للتعليم الجامعي الخاص ممن يحصلون علي درجات مرتفعة تؤهلهم لدخول الكليات التي يريدوها
اذا حتي اصحاب الدخول المرتفعة حين تقصر الدولة في واجب من واجباتها بيتدخلو هم بشكل او بأخر لكي يستكملو هذا النقص
كذلك في الصحة حين يذهبون لمستشفيات ( دار الفؤاد - الفرنساوي - النيل بدراوي - السلام الدولي - الخ الخ الخ ) و غيرهم لا يجد الا القصر القديم او معهد الاورام او احمد ماهر او الحسين الجامعي و ما ادراك ما هذه المستشفيات التي يدخلها الناس اصحاء يخرجو منها مرضي بالتلوث و بالامراض المزمنة
اذا مثال ان يتدخل اهل المنطقة بالدفع الي شركات امن تقوم مع ( الشرطة ) بتنظيم داخلي و خارجي لمحطة المترو لكي يضمنو ان هناك عدم تقصير من الامن كما يحدث في كل محطات المترو
او ان يقومو بالاتفاق مع شركة نظافة خاصة ايضا تقوم بالحفاظ علي نظافة المترو و المنطقة المحيطة بها امر بيحدث مثله و غير مستغرب و ليس جديدا
و بهذا يستطيعو ان يتغلبو بأمكانياتهم المادية علي التخوف الحادث من وجود محطة في الحي و هو انتشار الباعة الجائلين و المتسولين الخ الخ الخ ( وهذا سيقوم به الامن الخاص مع الشرطة سواء داخل المحطة او خارجها ) و كذلك يضمنو نظافة تامة للمكان كما يحدث مع اماكن مثل مطار القاهرة الدولي حيث يتعاقد مع شركات للنظافة و ما الي ذلك فيظل نظيفا طوال الوقت و لو انه اعتمد علي هيئة النظافة فقط لخرب و اصبح مرتعا للفئران من زمااااااااااااااان
اتمني ان اكون اوضحت فكرتي
تحياتي اليك
أستاذ حاتم:
لاشك ان الاختلاف وارد طبعا
كلامي على دولة العشوائيات عالأرض وفي اتخاذ القرارات
ماهو يا الدوله مسئوله وتقوم بواجبها
يا الناس تشيل المسئوليه دي زي ماتصدوا للمشروع العجيب ده
(للعلم الزمالك اصلا فيها محطة مترو وهي الأوبرا)
بغض النظر ان الناس معاهم حق
انت رايح تصرف كام مليون (وطبعا الاصرار من الحي عالمشروع ده عشان كلله يشرب شاي بالياسمين)
وعلى بعد 1 كيلو متر منطقة (ميت عقبه) اللي هي عباره عن مزبله
وعلى بعد 500 متر من ميت عقبه دي شارع السودان اللي احتلّه سواقين الميكروباص
وحاليا التكاتك واقفه في ميدان لبنان
تخيل ؟؟؟
فانا مش عارف بصراحه اللي بيفكر في البلد دي بيفكر ازاي
والأولويات بالنسبالهم هي ايه تحديدا
الله اعلم !
مش شايف ان ليه الحق فالرفض
لكن لما بشوف الي بيحصل احيانا بلتمسلهم العذر