عاجل جدا : استفسارات لشراء شقه

**Hikayat** · 06-09-2014 07:14 PM

المشاركة الأصلية كتبت بواسطة karim alaa

ايوه عمارت كتير مش متسجله الاهم بقى وصل النور و الغاز و المياه لو موجود و التليفون الارضى كل ده باسم مين ؟ باسم الظابط الى هيبعيلك ؟؟ يبقى تمام التمام بعد العقد هيعملك توكيل بالتصرف فى الشقه و التعامل مع الكهرباء و المياه و الغاز و هتروح بيه تنقفل كل العدادات باسمك و هتاخد صحه توقيع على العقد و خلاص مفيش اى مشاكل و مفيش نصب العدادات مش باسمه يبقى فى قلق

لا العدادات باسمه انا شوفتها

المشاركة الأصلية كتبت بواسطة mk3

عادى مفيش تسجيل بس لازم تشوف اصل الارض ايه وتسلسل العقود ايه ...يعنى لازم تعرف اصل الارض ظهر ازاى ؟

شفته برضه

المشاركة الأصلية كتبت بواسطة dodge2013

عايز راي

اولا العمار من سنة حاجه وتسعين يعني قديمه نوعا ما

ثانيا الارض مش متسجله ولا الشقه متسجله

ثالثا 600 الف مبلغ كويس ممكن تشتري بيه شقه جديده وتكون اول واحد سكن فيها والارض متسجله والشقه متسجله

شوف في اي مكان تاني كويس او لو مصمم مكرم عبيد يبقى دور على غيره وحتلاقي

شقق كتير وبالتقسيط كمان وجديده ومتسجله بدل وجع الدماغ والقرف والاستغلات

سلام

معتقدش هلاقي حاجه في مكرم عبيد الرئيسي بالسعر ده

المشاركة الأصلية كتبت بواسطة ahmed abdkarim

لو حصل مشكلة مع الراجل . حتتجه للتعامل مع الجيش و فى الوقت الحالى مش حتأخد حق ولا باطل ولو ضربك مثلا وانت طلبت البوليس البوليس حيجى و هو حيرفض يروح معاهم و يقولهم هاتولى الشرطة العسكرية . انا شايف انك تبعد احسن

مانا شريكي ده ظابط جيش برضه

**Bassem Youssef** · 06-09-2014 07:18 PM

السمسار بياخد 2.5 % ... ازاي هو طالب 1 % بس ؟ في حاجه غلط في البيعه دي ... ده غير موضوع التسجيل

**Hikayat** · 06-09-2014 07:22 PM

المشاركة الأصلية كتبت بواسطة باسم يوسف

السمسار بياخد 2.5 % ... ازاي هو طالب 1 % بس ؟ في حاجه غلط في البيعه دي ... ده غير موضوع التسجيل

لا هوه طلب فعلا 15 الف جنيه وانا حتي ساعتها استغربت من الرقم فقلتله مفيش الكلام ده فهوه لقانا خدنا رقم الراجل صاحب الشقه وخلصنا معاه فقلق ليطلع من المولد بلا حمص فقال خلاص هاتوا اي حاجه فوصلوا ل 6 وانا مستكترهم برضه .. ده معملش اي حاجه اصلا

**the lawyer** · 06-09-2014 07:44 PM

بعتلك على الخاص

**bekatcho** · 07-09-2014 01:57 AM

نصيحة بلاش تدخل فى حوارات مع السماسرة كلهم بتوع مشاكل وقرف
لو مسنود وتعرف تاكل معاهم كبر منه
لكن لو مش ليك فى المشاكل يبقى بلاش
ابن عمى جاب شقة عن طريق سمسار
وبطريقة ما خلص مع صاحب الشقة من ورا السمسار وكان نفس موضوع هيستملها بس بعديها ب 6 شهور باين
وصاحب الشقة قال للسمسار خلاص مش هبيع دلوقتى هبيع بعد 6 شهور
فعلا بعد 6 شهور السمسار راح الشقة لقى ابن عمى فيها
وجاب ناس واتعملت قعدة عرب وحوارات كتير اوى الواحد فى غنى عنها