الموضوع: عاجل جدا : استفسارات لشراء شقه

ان شاء الله انا واتنين صحابي بنشتري شقه في مكرم عبيد فكنت عايز اسالكم علي كذا حاجه علشان لو حد عنده حاجه تفيديني وربنا يجازيه خير
* اول حاجه : العماره من التسعينات وبيقولوا الارض بتاعه العماره مش متسجله والشقق كمان مش متسجله وانا سالت البواب وكذا واحد من العماره .. والراجل اللي هنشتري منه الشقه ( وهوه ظابط جيش بالمناسبه ) هيبعهالنا بتوكيل زي ما كان شاريها بتوكيل بس الشقه مبتتسجلش ( العماره كلها كده )
وهيسلمنا الشقه كمان شهرين عقبال مايكون شطب شقته اللي هينقلها وهيعملنا عقد بيع وهنعمله عقد ايجار بس مش هناخد الشقه غير كمان شهرين
فدلوقتي ... في شبهه نصب في الحوار ؟ او اقلق منه او حاجه ؟ او في حاجه اراعيها ؟ ... ازاي الارض مش متسجله والعقد فيه حصه في الارض ؟ ( اسف لجهلي بالقوانين وانا ان شاء الله هاخد محامي برضه )
وكمان .... في المستقبل لو حبينا نبيعها ده هياثر علي سعرها ؟ او علي سوقها ؟

* تاني حاجه : السمسار عايز ياخد مننا 6 الاف جنيه ده غير اللي هياخدوا من البايع وانا مستكترهم فكده كتير ولا ايه ؟ مع العلم ان تمن الشقه 600 الف ؟

* تالت حاجه : لو هاخد محامي من الشرقيه للقاهره هينزل مره يشوف العقود اللي مع الراجل وهينزل مره تانيه يسجل في الشهر العقاري ويخلص الاجراءات ... ياخد كام في المشوارين دول ؟

* ياريت لو حد من مكرم عبيد او عنده فكره عن الاسعار هناك يقولي او يبعتلي رساله خاصه علشان محتاج اساله علي حاجه

المشاركة الأصلية كتبت بواسطة the lawyer

90% من عقارات مصر غير مسجل ..
طبعاً حتعمل عقد ابتدائي وتحط فيه شرط جزائي في حالة تأخير تسليمك الشقة .
من الأفضل عدم سداد مقابل البيع مقدماً ممكن تدفع 25 % أو 50 % وتسدد الباقي عند التسليم .
من الأفضل انك تاخد محامي من القاهرة لأن المشاوير حتبقي كتير وانت حتعمل صحة توقيع على عقد البيع

هعمل عقد ابتدائي والكلام ده كله تمام ...
لا هوه عايز الفلوس كامله علشان بيخلص في شقه تانيه ... ودي مفيهاش مشكله بالنسبالي ...
المشكله اني معرفش محامي من القاهره واكون واثق فيه واكون عارف انه شاطر

المشاركة الأصلية كتبت بواسطة the lawyer

شوف عداد الكهرباء والمياه والغاز بأسم مين ولازم يكون فيه توكيل بالتعامل مع شركة المياه والغاز والكهرباء لنقل ملكية العدادات ، ولازم يكون فيه بند في العقد ينص على مسئوليته عن اي مبالغ مالية مستحقة لأي جهة حكومية للتاريخ السابق على تاريخ الأستلام وليس العقد .

شفت الوصولات وكلهم باسمه وهوه قالي هيعملي توكيل بالتعامل معاهم ...
كويسه فكره البند ده ... هاحطه باذن الله ... الف شكر لحضرتك

المشاركة الأصلية كتبت بواسطة salodas

ازاي الارض مش متسجله والعقد فيه حصه في الارض ؟ ( اسف لجهلي بالقوانين وانا ان شاء الله هاخد محامي برضه )
عادى .... أنا اشتريت أكتر من شقة قبل كده ومش مسجلة الأرض... لكن لازم تضمن حصتك فى الأرض ولو على المشاع بحكم العقد التمليك.

طيب سؤال ... لو لقدر الله العماره وقعت ( وانا معايا العقود اللي مش متسجله دي ومكتوب فيها ان ليا حصه مشاع في الارض ) يبقي انا كده فلوسي طارت ولا ضمنت فلوسي برضه بحصتي في الارض ؟

المشاركة الأصلية كتبت بواسطة salodas

بخصوص البواب ... اديلو الى يطلع من زمتك ويخبط دماغه فى الحيط .... إلا أذا كان فيه اتفاق على نسبة العمولة قبل الشراء ... فقط فى هذه الحالة ياخد الى اتفقتكم عليه .... وعموما أعلى نسبة عمولة فى السوق بتكون 1 % زى ما هو طالب .

ده مش البواب ده سمسار ... طيب ال 1 % دي المفروض بدفعها بالنص بيني وبين البايع يعني كل واحد فينا 3 الاف ؟ ولا كل واحد فينا 1 % يعني كل واحد فينا 3 الاف ؟ ولا ايه ؟