الساده الكرام اعضاء المنتدي
ممكن حد يدلني ازاي لوصل لموضع الدفن بالرمال في سيوه للعلاج
جزاكم الله خير
الساده الكرام اعضاء المنتدي
ممكن حد يدلني ازاي لوصل لموضع الدفن بالرمال في سيوه للعلاج
جزاكم الله خير
السلام عليكم
حضرتك قدامك طريقتين مفيش غيرهم للاسف :-
1- عربية خاصة او ايجار و دي هتكلفك كتير يعني العربية بتاخد من القاهرة لسيوة 1000 جنيه و ده كان زمان قبل ارتفاع اسعار الوقود يعني هتاخد حوالي 1500 حاليا ...
المهم قدامك مسافه تقارب 800 كيلومتر من القاهرة و هتاخد فيها طرق من القاهرة هتاخد طريق اسكندرية الصحراوي ثم طريق العالمين ثم منه الي الطريق الدولي الساحلي اتجاه مرسي مطروح ثم من مرسي مطروح فيه قبلها دخله لطريق السلوم ثم منه الي طريق سيوة او من داخل مرسي مطروح نفسها هتاخد طريق لسيوة مباشرة حيث تبعد عن مرسي مطروح ما يقرب من 300 كيلومتر
كل الطرق السابقه عليها خدمات ما عدا طريق مرسي مطروح سيوة فهو لا يوجد عليه سوي كافتريات و استراحة مرتين فقط ولا توجد اي بنزينات او غيره
2- فيه اوتوبيس سوبر جيت من القاهرة من التحرير بيروح سيوه و تقريبا مواعيده 8 صباحا او مساءا مش فاكر و ده كانت تذكرته ب 75 جنيها من القاهرة لسيوة مباشرة و ان لم تناسبك مواعيده فتقدر تاخد اي مواصلة لمرسي مطروح و هناك ستجد اكثر من ميعاد للسوبر جيت الي سيوة
انا اخر مره رجعت من سيوة الي القاهرة ركبت سوبر جيت من سيوة للقاهرة و كان خارج من هناك 8 مساءا و بياخد الطريق بما فيه الاستراحات في حوالي 10 ساعات تقريبا
و اي سؤال تحت امرك انا نزلت سيوة اكثر من مره للعمل هناك و يوجد بها فنادق لو حابب تقعد كام يوم اهلها ناس طيبين جدا جدا و امنه و يوجد بها سياحه علاجيه و سفاري و رأيت اجانب كثيرين هناك و اعرف ناس من هناك لو احتجت اي شيء
الله يكرمك يا اخ ايهاب
بس و الله هو سيوه مشتى و لا مصيف ؟؟ يعني نروحلها في الصيف و للا الشتا؟
و ياترى الاقامه رخيصه و لا غاليه ؟؟
ياريت تفاصيل اكتلر لاني عاوز اروحها ان شاء الله و الاسره
احسن وقت من السمع
هوه شهر 9 موسم جني البلح والعيد القومي
بيكون فيه احتفالات كتييير
للامانه سيوة صعبه قوي في بعض فترات الصيف حيث انتشار الناموس و هناك ناموس يعني ناموس حاجه مفترية جدا لو عايز تروح عندك فصول السنه البينيه و الشتاء روح فيهم احسن هتلاقي جو جميل جدا و صحي و رائع و خد بالك انها واحه في منطقة صحراوية يعني برده صيف لا عشان الجواقتباس:
المشاركة الأصلية كتبت بواسطة wawamoha
موضوع التكاليف فأنا ذكرت الرحله لكن تكلفة الاقامه هناك معرفش لأني دائما كنت بروح شغل في مصانع جيش و خاصة و كنت بنزل في فنادق جيش برضه و خاصة و محجوزة من قبلهم بس معتقدش انها غالية هتلاقيها رخيصة لأنها مش قوي يعني دي واحة صغيره و اهلها طيبين قوي و متدينين و مش جشعين
انا ملفتش كتير فيها لاني بنزل لشغل و معايا اجانب بخلص شغلي انا و هما و ارجع عشان مافيش وقت و بس كل معلوماتي من اهلها و اللي بشوفه و بسمعه منهم
اقرأ ده و ابحث علي النت يمكن تلاقي تفاصيل تفيدك اكتر و لو عايز تروح روح علطول و جرب زيارة و ان شاء الله تكون موفقه
سيوة - ويكيبيديا، الموسوعة الحرة