الاوراق المطلوبة للزواج من اجنبية في مصر

**أحمد كمال** · 18-09-2014 10:47 AM

المشاركة الأصلية كتبت بواسطة ellaithy

الف شكر يا باشا عالمعلومات دي اللى دوخت في كل مكان عليها ومالقيتهاش غير في ردك جزاك الله كل خير

لكن حابب اتاكد منك لو هى من اوزبكستان ومسلمة .. ايضا نفس الاجراءات زواج عرفي وموافقة السفارة ؟ ولازم موافقة من اهلها ؟

كمان كنت عايز اسال جواز عرفي عند محامي ومختوم بختمه ؟

اوزبكستان هي احد الجمهوريات السوفيتية السابقة و بالتالي تحتاج لنفس الاجراءات السابق ذكرها .... مسلمة مسيحية يهودية ما تفرقش .....

موافقة السفارة تلزم لأي زيجة فيها طرف اجنبي في مصر

موضوع موافقة اهلها ده حسب طلب السفارة ...... كل سفارة و ليها شروط غير التانية لان القانون المصري من حقه طلب شهادة موافقة السفارة الا انه لا يحق للقانون المصري تحديد شروط السفارة لمنح الموافقة لانها علاقة بين سفارة اجنبية و احد مواطنيها .......

ماعرفش اوزبكستان بيحتاجوا ايه عشان موافقة السفارة و لذلك يلزم انك تروح السفارة تسال

جواز عرفي بختم من المحامي ..... و بعدها تاشيرة اقامة 6 شهور لغير غرض السياحة .... بعدها زواج رسمي ..... بعدها ممكن تقدم لها على اقامة 5 سنوات و ممكن تقدم لها بجانب ذلك عالجنسية المصرية

**ellaithy** · 18-09-2014 02:18 PM

المشاركة الأصلية كتبت بواسطة أحمد كمال

اوزبكستان هي احد الجمهوريات السوفيتية السابقة و بالتالي تحتاج لنفس الاجراءات السابق ذكرها .... مسلمة مسيحية يهودية ما تفرقش .....

موافقة السفارة تلزم لأي زيجة فيها طرف اجنبي في مصر

موضوع موافقة اهلها ده حسب طلب السفارة ...... كل سفارة و ليها شروط غير التانية لان القانون المصري من حقه طلب شهادة موافقة السفارة الا انه لا يحق للقانون المصري تحديد شروط السفارة لمنح الموافقة لانها علاقة بين سفارة اجنبية و احد مواطنيها .......

ماعرفش اوزبكستان بيحتاجوا ايه عشان موافقة السفارة و لذلك يلزم انك تروح السفارة تسال

جواز عرفي بختم من المحامي ..... و بعدها تاشيرة اقامة 6 شهور لغير غرض السياحة .... بعدها زواج رسمي ..... بعدها ممكن تقدم لها على اقامة 5 سنوات و ممكن تقدم لها بجانب ذلك عالجنسية المصرية

والله انت برنس جزاك الله كل خير

معلشي عندي سؤال كمان واتمنى انك تتحملني

تأشيرة الاقامة 6 شهور لغير غرض السياحة من المجمع .. بتاخد وقت اد ايه من التقديم عليها حتى الحصول عليها ؟

معلشي انا بسال السؤال ده علشان نقدر نحدد وقت الاجراءات ونشوف الوقت هيكفي ولا لا قبل ما تنتهي فيزا السياحة اللى دخلت بيها

وشكرا مقدما على الافادة

**أحمد كمال** · 18-09-2014 03:03 PM

المشاركة الأصلية كتبت بواسطة ellaithy

والله انت برنس جزاك الله كل خير

معلشي عندي سؤال كمان واتمنى انك تتحملني

تأشيرة الاقامة 6 شهور لغير غرض السياحة من المجمع .. بتاخد وقت اد ايه من التقديم عليها حتى الحصول عليها ؟

معلشي انا بسال السؤال ده علشان نقدر نحدد وقت الاجراءات ونشوف الوقت هيكفي ولا لا قبل ما تنتهي فيزا السياحة اللى دخلت بيها

وشكرا مقدما على الافادة

بص .... انت الاول لازم تسال على اجراءات موافقة السفارة و محتاجة قد ايه وقت و محتاجة اوراق من بلدها تجيبها معاها و لا لأ ..... دي مهمة لان تاشيرة الاقامة لغير السياحة مش هتطلع من غيرها .... و لان دي ممكن تعطلك ..... و دي بتفرق من سفارة لسفارة ...... فيه سفارات زي امريكا و اوكرانيا و انجلترا بتطلعها من يوم ل 3 ايام و بدون اي اوراق و لا طلبات مجرد اقرار بتمضية على نفسها ........ سفارات تانية زي بيلاروس بتطلب منها ورقة من بلدها انها غزباء ........ سفارات تالتة زي روسيا بتطلب ورق من العريس المصري كمان بالاضافة لورق من بلدها ......... الموضوع عايم جدا و لازم تعرف السفارة ميتها ايه و اولها ايه من اخرها

ثانيا ..... حتى لو الاقامة اتاخرت ممكن تمدد لها السياحة من المجمع لمدة شهر مجانا

ثالثا ....... الاقامة لغير غرض السياحة هتاخد من اسبوعين لشهر ....... بعد الفحص الامني و تحويل الورق للامن الوطني و عمل انترفيو للزوجين مع مباحث الجوازات ......

**أحمد كمال** · 19-09-2014 08:43 AM

و نصيحة اول ما تتمم الزواج الرسمي قدم لها عالجنسية المصرية ...... الموضوع سهل و بسيط و رخيص (قسيمة الزواج + 4 صور شخصية للزوجة + صورة شخصية للزوج + باسبورها + بطاقتك + شهادة ميلادك + شهادة ميلاد والدك + 75 جنيه) و بتقدم في المجمع و بتاخد الموافقة بعد سنتين و يطلع لها رقم قومي و شهادة ميلاد مصرية و بطاقة و جواز سفر

هيفيدها لو حبت تشتغل و في سهولة الدخول و الخروج من مصر لو القوانين بتاعة الاقامات او تاشيرات الزوجات اتغيرت في اي وقت

**pharohtemo** · 01-11-2014 08:04 PM

المشاركة الأصلية كتبت بواسطة land_cruiser

فعلا مفيش قنصليه ل مولدوفا في مصر و القنصليه اللي بتخدمنا موجوده في انقره ب تركيا ودي بياناتها :-

address kaptanpaşa sok. 49
ankara
turkey
phone local: (0312) 446.5527
international: +90.312.446.5527
fax local: (0312) 446.5816
international: +90.312.446.5816
email ankara@mfa.md

السفارة مش قنصلية فى انقرة فعلا بس في قنصلية فى أسطنبول فى شارع متفرع من ميدان تقسيم و إجراءتهم سهلة و الناس متعاونين جداً

احب أضيف أن فيزا زيارة مصر من مولدوفا بتتأخد من سفارة مصر فى بوخارست فى رومانيا و لو البنت من مواليد قبل 1981 يبقى ممكن تعمل باسبور رومانى (قانون رومانى لمواطنى مولدوفا) و ده ممكن يتيح لها دخول مصر أعتقد بطريقة أسهل لو مسموح بشراء الفيزا فى المطار بس مش متأكد

**أحمد كمال** · 02-11-2014 08:31 AM

المشاركة الأصلية كتبت بواسطة pharohtemo

السفارة مش قنصلية فى انقرة فعلا بس في قنصلية فى أسطنبول فى شارع متفرع من ميدان تقسيم و إجراءتهم سهلة و الناس متعاونين جداً

احب أضيف أن فيزا زيارة مصر من مولدوفا بتتأخد من سفارة مصر فى بوخارست فى رومانيا و لو البنت من مواليد قبل 1981 يبقى ممكن تعمل باسبور رومانى (قانون رومانى لمواطنى مولدوفا) و ده ممكن يتيح لها دخول مصر أعتقد بطريقة أسهل لو مسموح بشراء الفيزا فى المطار بس مش متأكد

مواطني رومانيا بيخشوا مصر بفيزا في المطار ب 25 دولار فعلا

-

-

الموضوع: الاوراق المطلوبة للزواج من اجنبية في مصر

LinkBack

أدوات الموضوع

عرض

-

-

-

-

-

المواضيع المتشابهه

الاوراق المطلوبة لشحن عربية من مصر للسعودية

الاوراق المطلوبة لإستخراج شهادة مخالفات

الاوراق المطلوبة لتغيير المرور

ماهي الاوراق المطلوبة لتجديد جواز السفر

الاوراق المطلوبة علشان اجدد الرخصة ؟؟

الكلمات الدلالية لهذا الموضوع

المفضلات

المفضلات

ضوابط المشاركة