اخيرا استلمت بيجو 301 اوتو ...محتاج مساعدتكم

السلام عليكم ورحمة الله وبركاتة ..

الحمد لله اخيرا استلمت بيجو 301 اوتوماتيك واكيد طبعا هي لسة جديدة معايا وهي بصراحة روعة ما شاء الله بس برضه مش مقياس دلوقت انها تبان معايا بس انا كنت حابب الاستشارة من حضراتكم في كام نقطة كدة فيها قلق بصراحة ....

1 - العربية الصبح لما اجي ادورها تدور عادي وطبيعي جدا لكن مثلا روحت مشوار ووقفت فيه مثلا ساعتين عشان اجي ادور العربية تاني مش بتدور بسهولة وعشان تدور لازم ادوس سنة بنزين وديه اتوماتيك مش مانيوال .

2- بحس كدة وانا بخد دوران وبلف بالعربية والعجل يلف بصوت تزيق بسيط تحت رجلي من نحية الدوسات .

3- بصراحة ناس قالتلي اشغل التكييف وناس تانية مخوفاني وبتقولي اوعي بعد الالف كيلو اعمل اللي انت عاوزه

4- هو الصبح لازم اسخن المكنة قبل ما اتحرك ولو هسخن الفترة تبقي اد ايه لان مفيش مؤشر

5- عايز اعرف هو الموديل ده مفيهوش وحدة رفع الزجاج ولا فيه وانا معرفش !!!!!


معلش اانا اطالت عليكم وجزاكم الله كل خير ..

تحياتي لحضراتكم

ﻷ مش طبيعي ان عربية زيرو تحتاج سنة بنزين...غير سنة البنزين دي تسلخ الشمايز
التزييق ممكن يكون بسبب أن الدواسات بتعاكس مع عمود الطارة
عن نفسي شغلت التكييف من اول يوم..العربية متلينة
في اﻷنجكشن مفيش احتياج للتسخين...بالكتير 30 ثانية
مبروك

شكرا لاهتمامك ابو هند ربنا يخليك بس يعني ايه تسلخ السمايز ديه وبعدين الموضوع بتاع بطيء دورانها ده اتكرر معايا اكتر من مرة

وبعدين يعني التزيق ده طبيعي يعني الدوسات مع عمود الطارة ؟؟؟

التسخين حتى لو مفيش مؤشر بتسمع صوت الماتور اول 3 ثواني عالي شوية وبعد كدا بيهدى بس للامان اكتر 20 ثانية كل العربيات الجديدة مش بتسخن بنفس المفهوم القديم موديلات 90 او قبل كدا بتصح الصبح تسخن العربية 5 دقايق قبل ما تتحرك واحيانا اكتر حسب العربية كل الموديلات والزيوت المستخدمة في العربيات بتسخن بسرعة زي ماقولت من خلال صوت المحرك والامبير بتاع الار بي ام بيكون فوق الواحد وبعد كدا ينزل عدد لفات الماتور بتكون تحت الواحد بشوية .

شكرا arkoon اخي الكريم علي هذا المعلومات القيمة وهو اعرف ان العربية سخنت من ارتفاع مؤشر الر بي ام فوق الواحد يبقي هو كدة تمام


طيب بالنسبة لبطيء الدوارة بعد ركنها من مشاور ساعتين او اكثر علما بان لما ابقي ف مشوار سريع واجي ادور تدور معايا عادي

اقتباس:

---

المشاركة الأصلية كتبت بواسطة port said

شكرا arkoon اخي الكريم علي هذا المعلومات القيمة وهو اعرف ان العربية سخنت من ارتفاع مؤشر الر بي ام فوق الواحد يبقي هو كدة تمام


طيب بالنسبة لبطيء الدوارة بعد ركنها من مشاور ساعتين او اكثر علما بان لما ابقي ف مشوار سريع واجي ادور تدور معايا عادي

---

باشا العكس المؤشر بيتاع الار بي ام بينزل لما العربية تسخن .
وموضوع بطئ الدوارة لازم التوكيل يعملها سوفت لانو مش طبيعي كل ملاحظاتك سجلها وفي صيانة الالف يعملوها ان شاء الله .
ربنا يباركلك في العربية ويديك خيرها ويكفيك شرها .

اقتباس:

---

المشاركة الأصلية كتبت بواسطة arkoon

باشا العكس المؤشر بيتاع الار بي ام بينزل لما العربية تسخن .
وموضوع بطئ الدوارة لازم التوكيل يعملها سوفت لانو مش طبيعي كل ملاحظاتك سجلها وفي صيانة الالف يعملوها ان شاء الله .
ربنا يباركلك في العربية ويديك خيرها ويكفيك شرها .

---

شكرا يا باشا متحرمش من كرم اخلاقك واسف جدا علي ازعاجك ....

تحياتي

اقتباس:

---

المشاركة الأصلية كتبت بواسطة port said

شكرا لاهتمامك ابو هند ربنا يخليك بس يعني ايه تسلخ السمايز ديه وبعدين الموضوع بتاع بطيء دورانها ده اتكرر معايا اكتر من مرة

وبعدين يعني التزيق ده طبيعي يعني الدوسات مع عمود الطارة ؟؟؟

---

الشميز ده هو الجزء الداخلي للسلندر
و لما بتدي سنة بنزين معدل الحرق بيزيد و سرعة حركة البستم جوه السلندر بتزيد اوي و الزيت لسه مغطاش كل اجزاء المحرك و خد دورته الطبيعية...و ده هو اللي بيسلخ الشمايز

روح للتوكيل عشان تحل مشكلة الدوارة..و متستناش الصيانة ﻷنها على 2500 كم

بالتوفيق

ازعاج ايه بس :) احنا كلنا هنا في المنتدى لخدمة بعض . ان شاء الله تكون كلها حاجات بسيطة والصيانة على 2500 زي ما قال اخونا ابو هند , استمتع انتا بالعربية وطمنا على اي جديد واحنا متابعين .

اقتباس:

---

المشاركة الأصلية كتبت بواسطة port said

شكرا لاهتمامك ابو هند ربنا يخليك بس يعني ايه تسلخ السمايز ديه وبعدين الموضوع بتاع بطيء دورانها ده اتكرر معايا اكتر من مرة

وبعدين يعني التزيق ده طبيعي يعني الدوسات مع عمود الطارة ؟؟؟

---

التزييق مش طبيعي
بس ممكن يكون بسبب الدواسات
اسحب الدواسات لورا شوية و ان شاء الله الصوت يروح

ربنا يخليكو يا رب احنا هنا كلنا اخوات ...

ايه ده هو التوكيل مش علي 1000 كم ازاي بقي 2500 كم ؟؟؟؟؟؟؟