عايز اعرف ازاي افرق بين موديل 2014 و 2015 عشان روحت سمير ريان و قالي انها 2015 و مكتوب انها انتاج شهر 6 2014 علي الورقة الملزوقة تحت الباب علما انها خليجي
عرض للطباعة
عايز اعرف ازاي افرق بين موديل 2014 و 2015 عشان روحت سمير ريان و قالي انها 2015 و مكتوب انها انتاج شهر 6 2014 علي الورقة الملزوقة تحت الباب علما انها خليجي
النصف التانى من العام بتعتبر العام القادم و متقلقش ورق العربية هيروح المرور و هو بناء على ورقها هيكتب انها 2015 و الف مبروك
شوف الvin بيبقي موجود علي الزجاج الأمامي من ناحية السائق و هو بيبقي 14 حرف و رقم - لو لقيت الحرف العاشر من ناحية الشمال في ال vin هو حرف F تبقي موديل 2015
عادي أنا عربيتي موديل 2015 وشاريها أخر شهر 6 2014
حاجه طبيعيه ما تقلقش و المهم ان سنه الصنع تبقي مكتوبه في الورق اللي العربيه جايه به 2015 علشان الترخيص بيبقي بناء علي الورق بتاع العربيه ده
دا تاريخ الانتاج يا باشا وعموما هو النظام اللي ماشي كده انتاج 2014 يترخص 2015 وانتاج 2015 يترخص 2016
والسبب هو طول المده او الفتره بين الانتاج وبيع العربيه للمستهلك اللي بتوصل لسنه في بعض الموديلات
لا متقلقش من حاجه انا اشتريت عربيتى من أسبوعين 2014 ف الباب بتاع العربيه ورخصت 2015 ع ورق الكلام دة علشان يكون صحيح وربنا يباركلك فيها
اشمعنى حرف f .. و لو موديل 2016 يبقى الحرف العاشر اية
هل في ترتيب معين للحروف علشان اعرف احدد سنة الصنع ؟
ده نظام تكويد موديلات السيارات : موديل 2007 تلاقي الرقم العاشر 7 - موديل 2008 تلاقي الرقم العاشر 8 - مويل 2009 تلاقي الرقم العاشر 9 - بداية من موديل 2010 تلاقي الرم العاشر حرف كالأتي : A 2010 - B 2011 - C 2012 - D 2013 - E 2014 - F 2015