سيارة عشريناتى ، على قد قرشيناتى ؟؟ ( فيات ولا لادا ولا بيجو ولا ... ) ؟؟
بسم الله الرحمن الرحيم
مازلت فى حيرة فى اول عربية لي ،
و بات الامر ملحا .. و لو انى لسه هاتعلم السواقة :)
فيات : اونو ، بلونيز ، ...
لادا : نيفا ، سمارا ، 2107
بيجو : 206 ، ...
انواع تانية ؟؟؟
الاولوية للأرخص بس يكون ماسك نفسه
انا كنت عامل ميزانية 14 الف .... زودتها لـ 20
انا لقيت اللينك ده استرشادى لأسعار العربيات المستعملة ، بس اسعاره فى الضياع خالص
أسعار السيارات المستعملة مصر
بس اهو يبقى على الاقل استرشادى للأنواع و الموديلات بالنسبالنا
مايهمنيش الشكل الخارجى ، اهم حاجة انها تكون اقتصادية ( بنزين و قطع غيار ) ، و نضيفة مش معقدة
-------------------
كيفية الشراء ؟؟
انا كنت عامل حسابى استنى لحد ما الاقى عربية مع حد معرفة اكون عارف استخدامها و لما يبيعها آخدها منه
بس لقيت انى كدا هاستنى بقية عمرى !!
كلمت واحد معرفة بينزل سوق الجمعة يجيب عربية يظبطها و يبيعها ، قالى مفيش مشكلة ، جهز فلوسك و نطلع سوا
مش عارف دا حل مناسب ؟ ولا ممكن ارجع و انا مضحوك عليا
ليا واحد قريبى برضه ممكن اقوله على الموضوع ده
و لو انه بيشتغل فى العربيات العالية نوعا ما ، بس هاكلمه لو ليه سكة فى الحاجات دى
ولا ايه افضل طرق الشراء ؟؟