الموضوع: سيارة عشريناتى ، على قد قرشيناتى ؟؟ ( فيات ولا لادا ولا بيجو ولا ... ) ؟؟

انا قصدى على الـ بيجو 205 يا جماعة ،،

اخويا هو اللى فضل يتكلم على الـ 206 لحد ما نسانى انا كنت بسأل على ايه :)

نصيحه لو حضرتك مش محتاج عربيه كبيره يعنى يادوب استعمال شخصى يبقى دور على سوزوكى ماروتى هتبقى موديل حديث وقطع غيارها رخيصه لان اللى بيتعلم بيدغدغ العربية معاه وكلنا كنا كده ف البدايه سيبك من الفيات القديم هلكت وراح زمانها يعنى انت ممكن تجيب 131 او 132 عربيات عفيه وواسعه بس مابقاش في منها نضيف وكمان هتخليك مقيم عند الميكانيكى واللادا غير مناسبه اطﻻقا انك تتعلم عليها السواقه بسبب انها خشنه ف الدركسيون والدبرياج ده غير ان السمارة لغايه دلواتى ماشفتش منها حاله شكلها حلو حتى اغلبها مهمل ماعرفش هل ده لنقص قطع غيارها وﻻ اهمال وﻻ ايه !!

النيفا برده حلوه بس حالها حال السمارا معظمها مهمل ويوم ماتلاقى حاجه معقوله ﻻزم تلاقى فيها بارومة مستخبيه تعكنن عليك وتوقف البيعه بس صراحه شايفها مناسبه لو هتطلع فوق الرصيف وانت بتركن

ههههههههههههههههههه

هى من حتة الطلوع على الرصيف ، فـ فعلا ماضمنش نفسى فى اول الركنات ان تحصل حاجات من دى :)
-----

طيب ايه رأيك فى البيجو ؟؟

و ضيف كمان الـ بيجو 504 .. اكتر من رأى رشحهالى

-------

الماروتى فيه منها يعمل 20 الف ؟؟

---------

عاوزين حد يكون تخصص لادا يقولنا ظروفها ايه ؟ و ظروف قطع الغيار ؟
و السمارا بالذات ، لإنى لقيت اسعارها ع النت مش غالية ..

ابتعد نهائيا عن حاجة اسمها بولونيز .
اللادا هاتكرهك في عيشتك لان سواقتها اقرب للجرار من العربيات بس تستحمل و موفرة
الاونو كويسة و صغيرة و موفرة تتعلم عليها
لو لقيت حتة بيجو نضيفة توكل على الله
لا تثق نهائيا ابدا في حد بيشتريلك عربية و لازم تكشف عليها عند ميكانيكي و سمكري

مش عارف مابستريحش ليه للبيجو 205 اما ال504 فهى سيارة قويه جدا ومحترمه بس خلاص استهلكت والنضيف منها غالى ده غير ان استهلاكها ف البنزين مش قليل برده
اما اللادا النيفا انا شايفها كويسه جدا عربيه صاج محمل وتستحمل هبد وخبط لغايه ماتبقى محترف هى خشنه شويه بس لو تاقلمت معاها هتنبسط منها جدا بس يعيبها انها 2 باب بس مافيش 4 باب منها
اما اللادا سمارا فى موضوع لقيته فيه الخلاصه http://www.nilemotors.net/Nile/281697-17-25-a.html

بحثت فى العربيات اللى قولناها :
- مفيش إلا الـ سمارا اللى سعرها 20 الف ! ، بتكون موديل التسعينات و ما بعدها ..
- و برضه لادا 2105 موديلات التسعينات
- و سوزوكى ماروتى تسعينات و ما بعدها

( بس اخويا بيفضل اللادا عن الماروتى بحكم انها اجمد + ان عربيتنا القديمة كانت 2105 فهايبقى عارف عنها اكتر )

غير كدا فيه بيجو 205 ، بس التمانينات

-=-=-=-=-=-=-=-=-=-
الـ اونو ، كنت متحمس ليها لكن اسعارها عالية
خصوصا انى مش ببص إلا لموديلات من 93:97 زى ما الناس هنا موصية .

===================

كلمت قريبى آخد رأيه ، قالى استنى لحد ما يبقى معاك 30 الف علشان نعرف نجيبلك حاجة كويسة ، و تكون بتكييف
- بس كدا على ما اكون الـ 30 الف يكون العربيات هى كمان غلى سعرها و وقعت فى نفس الزنقة !

خصوصا انى عاوز اشترى العربية قبل الشتاء ( و لسه هاتعلما لسواقة عليها فعاوزها تكون معايا قبلها بفترة على ما اتعلم )

+ صراحة انا شايف ان 30 الف كتير ( خصوصا مع استخدامى ) + انى لسه هاصرف عليها فـ الموضوع هايكبر اوى !

===============
===============
دلونى دلوقتى / اعمل ايه ؟؟
اجيب حاجة موديل التسعينات ،،
و لا حاجة تمانينات ؟؟
ولا استنى زى ما قريبى بيقول لـ 30 الف و اجيب حاجة فى 2000 و طالع ( علشان زى ما بيقول العربية ماتسخنش منى )

ولا لسه فيه موديلات تانية ابص عليها غير اللادا و الماروتى و الـ 205 ؟

طب مانت كده عشان تجيب حاجه ف الالفينات ب ال 30 الف هتبقى يااما ﻻدا 2107 يااما ماروتى بس غير كده ممكن تلاقى حاجات صينى زى البى واى دى فلاير والجيلى فروته كل دى عربيات صينى واغلبها متهان سيبك من حوار ﻻ اجيب حاجه الفينات نرجع لكلامنا دلواتى لو زادوا ل 30 هيبقى اودامك اختيارات اكتر بس برده هتبقى تسعينات زى السوزوكى سويفت 93 والاسكودا فيليشيا تسعينات والفيات تمبرا تسعينات والهيونداى اكسيل تسعينات وسيات ابيزا 94 وجولف 1 تمانينات وماروتى وﻻدا الفينات
المهم من المولد ده كله انت عايز ايه ف العربيه ؟؟
عايز حاجه اقتصاديه بصاج مصفح ومصاريف تكاد تكون معدومة بس خشونة ف التعامل يبقى اللادا
عايز حاجه صغيره بصاج ومكنة ضعاف مقارنه بكل الموديلات اللى فوق مع نعومة ف التعامل يبقى ماروتى
عايز عربيه كبيره بمكنه 1500 وتكيف يبقى هيونداى اكسيل
عايز حاجه متوسطه ويابانى ومكيفه واقتصاديه يبقى سويفت
عايز المانى بعضم ناشف بس محتاج متابعه دوريه على كل حاجه وخاصه دورة التبريد يبقى فيليشيا
عايز حاجه شبابيه يبقى ابيزا او جولف
عايز رايي لو هتطلع لل 30 الف يبقى دور على شاهين وحبذا لو مكيفه خاصه ان عضمها ناشف وشكلها مقبول عن اللادا ولو زهقت من شكلها لو حطيتلها اى حاجه بيبان عليها انما اللادا بتفضل هى هى بغباوتها