كشفت على البيرسونا و محتاج رأيكم فى سعرها بعد ما اكتشفت فيها حاجات

السلام عليكم

دلوقتى يا شباب انا كنت قايلكم على عربية عاملة 34 الف فبريكة برة و جوة و كان مطلوب 85 الف

بعد ما كشفت عليها الراجل طلع كذاب و طلعت العربية عاملة حادثة واخدة خبطة من قدام فمغير كابوت و راشش الابواب الاربعة ورنيش اما الشنطة و السقف فبريكة و دواخل فبريكة و اساسيات العربية كويسة و الايرباجات مضربتش بالمناسبة
النقطة التانية كنت برضه سمعت ان صوت المروحة عالى جدا و طلع ان ماتور المروحة بايظ مش عارف بقى نتيجة الخبطة ولا لأه المهم سألت ماتور المروحة بكام -كان فى مركز عصام صفا - فقالى ب 1200 جنيه - بصراحة انا اتفاجئت من الرقم :Copy of majd(4):

المهم دلوقتى سعر العربية كام متوسطها بعد ما عرفت انها رشة برة ؟؟؟

و هل قطع الغيار بتاعة البروتون بالشكل المبالغ فيه ده ولا ايه ؟؟؟؟

65 ألف .

العربية اوتوماتيك و كان طالب 85 الف على اساس انها فابريكة و لما سألت الناس هنا قالولى سعرها مناسب - تفتكر تنزل 20 الف جنيه ؟؟؟؟

باشا الراجل بيحور ومش دغري معاك وقطع غيارها مش متوفر قد كدا يعني الله أعلم فيها ايه تاني انتا تدفع في حاجة انتا عارف الى فيها وراضي بحالتها كدا وجربها واحكم عليها شوف سحبها وصوت الماتور وما إلى ذلك . بس نزل من سعرها عشان الحوار الى هوا عمله .

انا من رأيي تبعد عنها .. يااما لو عايزها بالسعر ده اخسفلو بسعرها الارض عشان النصاب ده ربنا مش هيباركلو طول ماهو كدة .. عجبوا السعر يبقى كان بها .. معجبوش يبقى احسن بردو

هو عموما التقرير قال ان حالة العربية كلها كويسة جدا مفيهاش غير نقطة الرش و الحادثة - انا بفكر اقوله 75 الف جنيه و ييصلحلى المروحة بتاعة العربية - فانتوا ايه رأيكم :؟؟؟

بس النقطة التانية فعلا ماتور مروحة البيرسونا يعمله 1200 جنيه ؟؟؟؟؟

هو ايه ده اللى 65 الف ويخسفلو بسعرها الارض ليه ما ينزل من سعرها بما برضى الله يا اخى ده حرام لا تبخسوا الناس اشيائها
دى عربه 2012 بيرسونا حتى لو رشه بره يبقى 79 او 80 الف امال لما تبقى 2012 ب 65 يبقى 2006 يوزعوها على البطايق بقى انا بتمنى من كل واحد انو يتقى ربنا فى الناس و فى نفسو

طب بالنسبة ل 75 الف جنيه ؟؟؟ مع العلم ان العربية مغيرة كبوت و رشة الابواب و الرفارف ماعدا الشنطة و السقف - و الرش ده كان ورنيش.


و يا ريت حد يرد عليا فى موضوع سعر ماتور مروحة التكييف اللى ب 1200 جنيه - اصلها يعنى لما مروحة بس بالمبلغ ده اومال لو حاجة ميكانيكية فى العربية هتبقى بكام ؟؟؟

موضوع رش الورنيش ده انا مش فهمو يعنى ده معناه ان مكنش فيها خبطات طيب ليه رشها ولا عشان يوحد اللون

طالما حضرتك كشفت على العربية وجت على قد موضوع الرش واساسيات العربية سليمة والحادثة مأثرتش على لماتور او الريداتير ... عشان دا من حقك تعرف العربية الى انتا بتشتريها هتعرف فيها ايه وهتكون مرتاح نفسيا صاحبي العربية لما يعرفك هوا غير ايه وعدل ايه بالضبط هتدعيلوا اما لو العكس وخمك فيها كل شوية حاجة تعطل ومكنة تسخن ساعتها حتحسبن عليها . اما بنسبة لسعرها في السوق لو ماشية 34 ألف كيلو و أوتو ب 85 فدا كويس انتا احكى معاه ف 75 إلى 80 دا معقول جدا . بس ما تخدش العربية وانتا مش مقتنع بيها موضوع الرش دا عادي مش إشكال المهم الاساس (مكنة جيربوكس ...)
.

اه رشها ورنيش علشان يوحد اللون - لكن العربية مش واخدة معجون فى الابواب.

خلاص تمام كده انا هحكى معاه فى 75 الف جنيه و ربنا يسهلها


بس برضه مفيش حد رد عليا فى موضوع اسعار قطع الغيار - انا عارف انها عالية بس اللى سمعته ده مبالغ فيه.

ولا توكيل عصام صفا اصلا غالى ولا ايه ؟؟؟؟

اقتباس:

---

المشاركة الأصلية كتبت بواسطة midomido123

هو ايه ده اللى 65 الف ويخسفلو بسعرها الارض ليه ما ينزل من سعرها بما برضى الله يا اخى ده حرام لا تبخسوا الناس اشيائها
دى عربه 2012 بيرسونا حتى لو رشه بره يبقى 79 او 80 الف امال لما تبقى 2012 ب 65 يبقى 2006 يوزعوها على البطايق بقى انا بتمنى من كل واحد انو يتقى ربنا فى الناس و فى نفسو

---

طب ماهو كان صاحب العربية اتقى ربنا وقال اللي فيها بما يرضي الله .. ايه لازمتها بقى اللف والدوران والكدب لما في الاخر المشتري هيعرف اللي فيها؟!!

وبعدين مش قصدي يخسف سعرها يعني ياخدها ب 50 الف مثلا هو 75 الف كويس عليها ولو عرف ياخدها بأقل من كدة يااخدها بس اهم حاجة متجيش الخبطة جمب الصدر او الشنب

اقتباس:

---

المشاركة الأصلية كتبت بواسطة mada0202

طب بالنسبة ل 75 الف جنيه ؟؟؟ مع العلم ان العربية مغيرة كبوت و رشة الابواب و الرفارف ماعدا الشنطة و السقف - و الرش ده كان ورنيش.


و يا ريت حد يرد عليا فى موضوع سعر ماتور مروحة التكييف اللى ب 1200 جنيه - اصلها يعنى لما مروحة بس بالمبلغ ده اومال لو حاجة ميكانيكية فى العربية هتبقى بكام ؟؟؟

---

معلش هو رش ليه باقي العربية؟ اصل العربية مش قديمة عشان يبقى في فرق في اللون .. اكيد في حاجة مقالش عليها النصاب ده

اقتباس:

---

المشاركة الأصلية كتبت بواسطة mada0202

اه رشها ورنيش علشان يوحد اللون - لكن العربية مش واخدة معجون فى الابواب.

خلاص تمام كده انا هحكى معاه فى 75 الف جنيه و ربنا يسهلها


بس برضه مفيش حد رد عليا فى موضوع اسعار قطع الغيار - انا عارف انها عالية بس اللى سمعته ده مبالغ فيه.

ولا توكيل عصام صفا اصلا غالى ولا ايه ؟؟؟؟

---

اسعار قطع الغيار طبيعي في التوكيل تبقى غالية .. ومبالغ فيها ساعات .. بس عايزك تقارن اسعار العربية دي بالعربيات التانية زي اللوجان وال 301 والاكسنت ار بي والريو والصني الجديدة هتلاقيها ارخص عربية فيهم .. ووكمان الاستيراد موجود للبرسونا .. وقطع الغيار ليها بدائل كتير يعني الريدياتير بتاع البروتون هو زيو بتاع الكريستالة .. والمراوح لو فيها مشكلة كدة كدة العربية في الضمان يعني حقك تغير اللي انت عايزو وعز العرب الوحيد اللي مبيطلعش عين الزبون على تغيير قطعة في الضمان .. اسألني انا

موتور المروحه في اي توكيل لاي نوع من السيارات طبيعي انه يكون معدي ال 1000 جنيه

أنا بس عاوز أسال علي حاجه لو العربية حادثة ووصلت انه يغير كابوت كان لازم هتسمع في حاجات تانيه كتير
وطالما مطلعش حاجه في الكشف يبقي موضوع تغيير الكبوت ده مشكوك فيه او اتغير لسبب تاني غير الحادثه
موضوع رش الورنيش ده طبيعي لما بيكون في خرابيش مش بيدي معجون وبيشد علي اللحم علشان اللون يروق
انا بس عاوز اعرف موضوع الحادثة دي مأثرتش ازاي

اقتباس:

---

المشاركة الأصلية كتبت بواسطة eng f3lix

معلش هو رش ليه باقي العربية؟ اصل العربية مش قديمة عشان يبقى في فرق في اللون .. اكيد في حاجة مقالش عليها النصاب ده

---

ماهو ده برضه مقلقنى - العربية رشت الابواب مع الكبوت بس الشنطة مرشتش - طب ماهو لو كان فيه فرق لون كان من باب اولى يرش كمان الشنطة - بصراحة مش عارف. فى عصام صفا لما اكتشف الرش - قالى هى مش واخدة معجون و مفيهاش مشكلة - بس اكمن الراجل مجاش دوغرى معايا من الاول مع انه معرفة يعنى - مخلينى مقلق منه.

اقتباس:

---

المشاركة الأصلية كتبت بواسطة muhmado_furp

أنا بس عاوز أسال علي حاجه لو العربية حادثة ووصلت انه يغير كابوت كان لازم هتسمع في حاجات تانيه كتير
وطالما مطلعش حاجه في الكشف يبقي موضوع تغيير الكبوت ده مشكوك فيه او اتغير لسبب تاني غير الحادثه
موضوع رش الورنيش ده طبيعي لما بيكون في خرابيش مش بيدي معجون وبيشد علي اللحم علشان اللون يروق
انا بس عاوز اعرف موضوع الحادثة دي مأثرتش ازاي

---

هو انا بالصدفة بصيت على تقرير المقايسة اللى كان موجود فى درج تابلوه العربية ده بعد ما اكتشفت موضوع الرش - لقيت على ما اتذكر الاتى : تغيير فانوس - و قنطرة طولية و كرتيرة عجلة دول اللى فاكرهم و كام حاجة تانية مع اعمال دهان.

اقتباس:

---

المشاركة الأصلية كتبت بواسطة eng f3lix

معلش هو رش ليه باقي العربية؟ اصل العربية مش قديمة عشان يبقى في فرق في اللون .. اكيد في حاجة مقالش عليها النصاب ده

---

+1

في حاجة مش مفهومة في سبب رش الأبواب

وواضح من شوية قطع الغيار اللى العربية مغيراهم زي كارتيرة العجل إن الخبطة وصلت للعجل .. إزاي الإير باج ما فتحش!! ..

ولا الخبطة كانت من تحت زي رصيف مثلا ولا حاجة ... وده احتمال قوي لأنه مغير كمان القنطرة الطولية

عموما أسلوبه ملتوي ولازم يفهم إنه بسبب أسلوبه البيعة باظت أو العربية سعرها اتخسف بيه الأرض ... في حين إنه لو كان قال على اللى فيها بصراحة ما كانتش هاتنزل عن 80 بالكثير

أصلا 2012 كانت بتتباع بـ 99 زيرو وفي آخر السنة عز العرب رفعها لـ 110 ... إزاي تتباع مستعملة بـ 85 بعد سنتين ونص

هو أصلا نازل بالسعر علشان يغري اللى جاي يشتري أعتقد .. أنا برضه مش بفهم قوي في سوق المستعمل

إيه النصب ده؟؟؟؟
d . A . \ ayman بيتكلم صح في حكاية السعر
بالنسبة لسعر قطع الغيار عصام صفا ده مركز خدمة معتمد يعني اسعار قطع الغيار المفروض تبقي زي التوكيل و التوكيلات بتغلي السعر بطريقة غبية دايما و مثال علي كدة إكصدام اوبل فيكترا بي الامامي في التوكيل سعره كان بيعدي 3000 جنيه مصري برة ب475 جنيه و ده اعلي سعر سمعته بس ده إيطالي مش الماني و باقي قطع الغيار كدة و نفس الوضع بالنسبة للبروتون و غيرهم، قطع الغيار برة ارخص من التوكيل و البدائل كمان رخيصة.

بصراحة يا شباب انا بشكركم اوى لانكم تعبتوا معايا - انا خلاص صرفت نظر عن العربية و ربنا يعوض علينا بالخير ليكم و ليا .

ربنا يوفقك في عربية تانية ياباشا بكرة هتلاقي احسن منها

تسلم يا باشا :)

افضل شئ ان بعت عنها
مفيش اكتر من العربيات الكويسة
بس تكون بيتي ويكون البائع صريح من البداية