استفار بخصوص انواع الشركات ؟

**محمد طارق** · 06-09-2014 08:39 PM

عايز اعرف
انواع الشركات والفارق بينها وما هي حجم الضرائب المفروض علي ارباح الشر كات بشكل عام
وكمان الفارق ما بين شركة مساهمة وشركات محدودة ؟

**Secret-Man** · 06-09-2014 09:17 PM

انواع الشركات هي

اولا شركه تضامن
يعني اتنين يتفقو مابينهم انهم ينشئوا شركه
وفي الحاله دي الشركه بيبقي ليها شخصيه اعتباريه منفصله عن شخصيه الشركاء
اي ان المخاطبات والقضايا الخ ترفع باسم الشركه وليس باسم الشركاء
وايضا اموال الشركه منفصله عن اموال الشركاء
وتكون الشركه مدينه للشركاء بقيمه حصه كل فرد فيها

الشركه المساهمه
زي التضامن
ولكن الفرق
ان راس المال يقسم لاجزاء صغيرة يطلق عليها اسهم
ويطلق علي اصحاب راس المال لقب مساهمين
ويكون نصيب كل فرد من الارباح فيها بقدر مايملكه من اسهم
وانتقال الملكيه فيها سهل
ولا يحتاج الي اعلام باقي الشركاء مثل شركه التضامن

شركه التوصيه البسيطه
بمعني بسيط
نفترض مثلا ان فيه شريك شغال موظف حكومي
ومش عايز يظهر في الشركه علشان القانون مانع ده
فيتفق مع شخص اخر انه يكونو شركه
بيكون الشريك المختفي هو الشريك الموصي
وليس له حق الاداره

شركه الواقع
بمعني بسيط
هي الشركه اللي بتفرضها ظروف الواقع
وليس برغبه الشركاء
زي لما شخص يتوفي
وابناءه يورثوه
فالورثه بيكونو مايعرف بشركه واقع

ده تعريف سريع لانواع الشركات

فيه نوع تاني
اسمه الشركات المساهمه المحدوده
ودي زي الشركات المساهمه ولكن لا يتعدي عدد الاسهم فيها عدد اجزاء معينه
وليكن 50جزأ

**Ahmed_Rahem** · 06-09-2014 09:30 PM

الشركات الجديدة المؤسسة بتكون نوعين رئيسين:
1- شركات افراد (ومنها شركة تضامن، شركاء، توصية بسيطة)
الشركاء لا يقلوا عن 2 ولا يزيدون عن 50
الشركاء بيكونوا مدينون باموالهم لو الشركة لم تستطع بالوفاء بالالتزامتها
2- شركات اموال (ومنها مساهمة، ذات مسؤلية محدودة، توصية بلاسهم)
الشركاء لا يقلوا عن 3 ولا يوجد حد اقصى
الشركة منفصلة مالياً تماماً عن الشركاء وحدود التزامهم فى مساهمة رأس المال.

الضرائب اعفاء اول 7000 جنية،
واول 5000 بعديهم معلهمش ضرائب
وبعد كدة للتبسيط اضرب فى 20%
دة كدة على السريع

**محمد طارق** · 06-09-2014 09:31 PM

الف شكر لحصرتك علي هذا الرد
طب اية هي العوامل اللي بتحدد عدد الاسهم لشركة معينة لو تم ادرجها في البورصة

**A.Saad** · 07-09-2014 09:16 AM

مصر فيها بورصتين
البورصة المصرية او بورصة القاهرة والاسكندرية

بورصة النيل

الاولى القيد فيها لا يقل عدد الاسهم عن المطلوب قيده عن 5 مليون سهم
راس مال لا يقل عن 50 مليون جنيه
عدد مساهمين لا يقل عن 300