تقرير مبدئي عن نيو سيراتو بعد 2000 كيلو خليجي

بصوا بقي .. ده التقرير الأول للعربيه
كنت هحس بالنداله لو ممكنتش كتبت غير سطر حتي .. بعد ما ساعدتوني في الأختيار :D
وإن شاء الله هتابع معاكوا
اولاً العربيه سيراتو خليجي 2014 بترولي عامله 2000كم
( ايرباج- تاتش سكرين - بلوتث - كاميرا - توكيل aaa )
بــ 142.5 الف ج

اولاً مميزات العربيه:

بسم الله ما شاء الله جميله جداً وواسعه جداً وسحبها كويس .. بس بقي احلي بعد ال الف كيلو عشان بقيت بجري بيها ( بعد التلين يعني )
1-بالنسبه للثبات كويس جداَ لحد 170
2-تقفيل العربيه من جوه عالي وخامات كويسه جداً
للعلم العربيه اول فئه خليجي
3-التكيف قوي
4-عاليه الي حد ما .. يعني محتش صراحه غير مره واحده غير لو كان فيه مطب عااالي اوي والعربيه كانت محمله محمله يعني
لكن لو 5في العربيه وفيه شنطه عاديه ورا العربيه مش بتحك في المطب

عيوب العربيه:

1- الفرامل ضعيفه شويه علي العربيه
2- شويه كده وتلاقي في صفاره بتروح وتيجي لما بتدوس فرامل ( بس بيتهيألي عادي يعني )
3- الكاوتش اللي نازله بيه مش حلو خااالص ( هغيروا واركبلها جنط سبور ان شاء الله )
4- العفشه ناشفه شويه ( بس بتتعدل حاجه بسيطه لما العجل يتنفخ نيتروجين )
5- ظهرت معايا مشكله كده في الفرامل كنت بهدي لقيت العربيه قفشت مره واحده ( بس حصلت مره واحده بس ولما روحت التوكيل قالولي الفرامل مفيش فيها حاجه ) قلت ممكن اكون انا دوست دوسه جامده ولا حاجه

انا قلت كل اللي حصل معايا وان شاء الله لو فيه هتابع معاكوا اول بأول
واي سؤال انا في الخدمه
والف شكر يا رجاله :)

ألف مبروك
ربنا يديك خيرها و يكفيك شرها
أغرب شئ ان حضرتك بتقول السيراتو عالية الى حد ما ، و فى نفس الوقت بتقول ان فراملها ضعيفة
العربية من رأيي ارتفاعها مناسب مش عالى ، و الفرامل أكثر من ممتازة ، أكيد حضرتك عندك مشكلة فى الفرامل
الكاوتش Nexen سئ نوعاً ما خصوصاً فى فواصل الكوبرى
لكن مجملاً سيارة ممتازة و الحمد لله

اقتباس:

---

المشاركة الأصلية كتبت بواسطة dr . Mohamed

ألف مبروك
ربنا يديك خيرها و يكفيك شرها
أغرب شئ ان حضرتك بتقول السيراتو عالية الى حد ما ، و فى نفس الوقت بتقول ان فراملها ضعيفة
العربية من رأيي ارتفاعها مناسب مش عالى ، و الفرامل أكثر من ممتازة ، أكيد حضرتك عندك مشكلة فى الفرامل
الكاوتش nexen سئ نوعاً ما خصوصاً فى فواصل الكوبرى
لكن مجملاً سيارة ممتازة و الحمد لله

---

انا مش قصدي انها عاليه عيب انا قصدي انها مش بتحك في المطبات والأرتفاع مناسب زي ما حضترك قلت
وبالنسبه للفرامل فهي فعلاً ضعيفه شويه علي العربيه .. ممكن يكون مشكله عندي انا فعلاً .. ربنا يسترها معاك ان شاء الله

الفرامل كويسة جدا و لكن الكاوتش بصراحة جيد بس يعني ناشف شوية و صوته عالي إلى حد ما

اقتباس:

---

المشاركة الأصلية كتبت بواسطة mo3tsem

انا مش قصدي انها عاليه عيب انا قصدي انها مش بتحك في المطبات والأرتفاع مناسب زي ما حضترك قلت
وبالنسبه للفرامل فهي فعلاً ضعيفه شويه علي العربيه .. ممكن يكون مشكله عندي انا فعلاً .. ربنا يسترها معاك ان شاء الله

---

بالنسبة للفرامل ممكن تطلع طريق مفتوح و تجربها واحدة واحدة
و ممكن يكون مشكلة رجلاش
حضرتك عندك abs ؟ و لو انها عندى كويسة من غير abs
طيب هل بتسمع صوت من التيل او الطنابير ؟
مشوار دواسة الفرامل بعيد و لا شغالة كويس من اول لمسة ؟

الف مبرووووك

حضرتك الفرامل عندك طنابير قدام وورا يعني الي وري زي القدام اصل حضرتك يتقول كلام غريب في موضوع قوه الفرمله

فى مشكله فعلا صوت فقط مع الفرامل من الخلف مركز كيا سيرفيس اللى فى المعادى بيظبطه فى3 ساعات بس غير ايام السبت و الاحد

انا مختلف مع حضرتك شويه في الانطباع العام
الارتفاع ..متوسط يعني لا واطيه ولا عاليه بس مناسبه
الفرامل اكتر من ممتازه ولو عندك الفرامل اللي ورا ديسكات كانت هاتبقي احلي واحلي
العفشه وسط بالمقارنه بالعربيات التانيه وهيا افضل بمراحل من الشيب اللي فات وافضل من الالنترا في موضوع تعويم الشنطه اللي ورا

متفق معاك في ان الكاوتش كان ممكن يبقي افضل من كده
الثبات والتكييف ممتازين

بالنسبه للصفاره اللي فى الفرامل أنا كنت فى التوكيل أبورواش وإشتكيت من الحكايه دي وبعد الكشف عليها قالولي إن الطنابير والتيل الخلفي محتاجين يتغيرو فى الضمان ( بس مكنش موجود عندهم وقتها والمفروض إنها لما توصل يكلموني ) علي الرغم إن الفرامل معايا كويسه والصفاره اللي كنت بسمعها أحيانا مفيش لها صوت حاليا
أنا أصلا إشتكيت من الفرامل وانا فى التوكيل كنوع من الدلع ( ضمان بقي ) والمفاجاة تيل وطنابير

الكاوتش سئ جدا( صوته عالي جدا)
العفشه احساسي انها اتحسنت مع الوقت

الف مبروك و ربنا يعطيك خيرها و يبعد عنك شرها إن شاء الله كنت عايز أسال بس هو أنت نزلتها من الخليج و لا أشتريت من حد هنا،و لو منزلها إيه نظام الجمارك دفعت كام و كده لأني فكرت أنزل بس عايز أعرف تقديريا كام شكرا و مبروك مرة تانية

يا جماعه العربيه مفيهاش abs
وفعلاً في صوت صفاره بس بتروح وتيجي يعني مش علي طوول
وبالنسبه للمطبات .. يمكن انا اللي بشل اللي ورايا وانا باخد المطب عشان كده مش بتحك .. ههههههههه

اقتباس:

---

المشاركة الأصلية كتبت بواسطة omar.28

الف مبروك و ربنا يعطيك خيرها و يبعد عنك شرها إن شاء الله كنت عايز أسال بس هو أنت نزلتها من الخليج و لا أشتريت من حد هنا،و لو منزلها إيه نظام الجمارك دفعت كام و كده لأني فكرت أنزل بس عايز أعرف تقديريا كام شكرا و مبروك مرة تانية

---

الله يبارك فيك يا باشا
بص يا باشا انا شاري العربيه من هنا من عند سمير ريان
وبالنسبه انك تجيبها من بره .. فأعتقد هي هي
كل اللي هيفرق معاك ان كل حاجه في العربيه بتكون اصليه ( زي الكاميرا والكاسيت ) مع اني الكاميرا عندي احسن من النوت 3 ( ربنا يبارك لنا فيها ) :d
دي وجهة نظري .. العربيه ضمان تربل ايه
وفي اعتقادي انه كويس ( يعتبر لسه مجربتهوش لأني عملت صيانه واحده بس )

وان شاء الله ربنا يدلك علي الأصلح ويباركلك في هتجيبه ان شاء الله

اقتباس:

---

المشاركة الأصلية كتبت بواسطة ضى القمر

الف مبرووووك

---

الله يبارك فيك يا باشا

اقتباس:

---

المشاركة الأصلية كتبت بواسطة bakkarahmed

انا مختلف مع حضرتك شويه في الانطباع العام
الارتفاع ..متوسط يعني لا واطيه ولا عاليه بس مناسبه
الفرامل اكتر من ممتازه ولو عندك الفرامل اللي ورا ديسكات كانت هاتبقي احلي واحلي
العفشه وسط بالمقارنه بالعربيات التانيه وهيا افضل بمراحل من الشيب اللي فات وافضل من الالنترا في موضوع تعويم الشنطه اللي ورا

متفق معاك في ان الكاوتش كان ممكن يبقي افضل من كده
الثبات والتكييف ممتازين

---

انا الأنطباع العام عن العربيه .. ممتازه
انا الفرامل بتهدي من اول لمسه في السراعات بعد الــ 100 لكن تحت ال100 هتلاقي العربيه مش عاوزه تقف

الف مبروك وهي الافضل في فئتها السعريه والاعلي كمان
ملاحظاتك محلها جدا
احب اضيف ان abs في العربيه دي ملوش لزمه خالص يعني وجوده زي عدمه
العفشه فعلا نشفه شويه لكن مفيش عربيه كامله يعني في مميزات كتير ممكن تتحمل النقطه دي
الكراسي تقسيمتها حلو لكن متعبه شويه في خامت الكرسي ناشفه
مميزاتها ماتورها واعاده بيعها وفيتيس ممتاز ولا نتشه ولا الكلام دا
ربنا يبارك وياريت يخفو الاوفر برايس عليها اليومين دول

اقتباس:

---

المشاركة الأصلية كتبت بواسطة mhmdabdo

ا
احب اضيف ان abs في العربيه دي ملوش لزمه خالص يعني وجوده زي عدمه
ل

---

ليه؟

مش عارف ليخ abs ضعيف الصراحه
انا ركبت عربات كان فيها الخصيه دي حسيت بقوه فرامل من اول مره لكن السيراتو فضلت اتاكد من وجوده وياتري بينور في التابلوه ولا لا ولقيت كله تمام ومع ذلك محستش بيه انا بقول كدا لان الناس بتزود اوبشن ومهتميه بخاصيه abs وهيه ضعيفه فعلا لو فلوسك علي اد الفاضيه مفيش فرق كبير متزنقش نفسك

الف مبروو ك

Abs ازاي ضعيف...ده نفعني مرتين كنت هالبس فيهم وصوته كان زي تخبيط جامد جدا في الفرامل كأنها بتحجر وتفك ورا بعض وده اللي خلي العربيه ماتزحفش
المفروض انك تكبس فرامل جامد وماتشيلش رجلك من عليها علشان يشتغل
ممكن نبضاته مش سريعه بس ﻻبد منه ...عن تجربين فعلا

متابع

اقتباس:

---

المشاركة الأصلية كتبت بواسطة mhmdabdo

الف مبروك وهي الافضل في فئتها السعريه والاعلي كمان
ملاحظاتك محلها جدا
احب اضيف ان abs في العربيه دي ملوش لزمه خالص يعني وجوده زي عدمه
العفشه فعلا نشفه شويه لكن مفيش عربيه كامله يعني في مميزات كتير ممكن تتحمل النقطه دي
الكراسي تقسيمتها حلو لكن متعبه شويه في خامت الكرسي ناشفه
مميزاتها ماتورها واعاده بيعها وفيتيس ممتاز ولا نتشه ولا الكلام دا
ربنا يبارك وياريت يخفو الاوفر برايس عليها اليومين دول

---

يعني ايه وجوده زي عدمه علي اساس انك بتكلم علي ايه انا معايا وكيل هاي لين بصمه جنط 17 لولا abs وabd كان زماني مقلوب بالعربيه لولا ستر ربنا لما تكون ماشي علي 130 في ملف وحاجه وتلا قي عربيه بحمار قطعت عليك الطريق وتقف علي الفرامل وفاديه وانا دايس علي الفرامل بكل قوه بس بعديه لقيت علامه abs منوره لحد متفيط العربيه وقتها تاني واحلي حاجه بحبها لما واحد اجي اعدي منه ويعاند معاي ويحرق قصادي كانه محلوش المشي الا لما اجي اعديه ويكون فيه مطب وقبليه رمل ققوم قارص معاه يجي يقف للمطب العربيه تزحف ومتقفش فياكل المطب اما انا مرتين من abs قلاقي وقف ولا فيه اي حاجه وبلنسبه للعفشه فالعربيه نعمه بالرغم من الجنط 17 الا انها نعمه في الطريق والحفر والمطبات وكرسي السواقفيه مدعم للفقرات بزرار في الكرسي تخلي ضهر الواحد ميوجعهوش من الاخر عربيه ملهاش اي عيب من وجه نظري غير المطبات الرفيعه خالص الي المطب يكون قد كف الايد لو العربيه محمله لازم تنزل من عليه براحه ولا هترزع فيه لا الياي يعتبر طري

ما شاء الله
ربنا يبارك يا باشا

على حد علمي مفيش ebd في العربية دي ، ممكن حد يصلحلي

لا يا باشا .. بصراحه الـ abs حلو فيها
انا كنت راكب سيراتو 2013 وياما الـ abs خلاني الحق الدخلات ... اصل انا بسرح شويه :D
ممكن يكون اقوي في العربيات التانيه .. حته هوندا مثلاً سوبارو بيجو .. كده يعني :D