عملت حادثه على الدائرى امبارح (الحمد لله)

**bolvegari** · 23-10-2008 07:51 PM

بسم الله الرحمن الرحيم

قدر الله وما شاء فعل

امبارح عملت حادثه على الدائرى وانا جاى من الحى العاشر وطبعا السبب الاول اهمال انسان مش عارف اقول عليه ايه

انا كنت ماشى على اليمين وجنبى عربيه لانسر وفجأه عربيه 128 قدامى بعيد شويه ضرب فرامل مره واحده وفتح الباب على اخره !!!! طبعا الفرامل مستحيل كانت تسعفنى بتاع اللانسر حيوان هو كمان بدل ما يضرب فرامل عشان اروح انا شمال بدل ما اخبط ال128 لا زود السرعه طبعا انا بدون تردد زودت السرعه بحيث انا اعدى بتاع اللانسر شمال عشان مخبطش الراجل او عربيته ويحصل حاجه اول ما عديت شمال طبعا بالعافيه طبعا انا فديت ال128 على قد ما اقدر بس خبطت الباب بتاع ال128 بالمرايه طبعا المرايا طارت من الباب وعشان فديته خبطت مازدا3 2007 بتاع المازدا بيعمل يو ترن وانا رامى عليه عشان افداى ال128 رحت خبطه بالباب الى ورا طبعا الخسائر

عندى الباب الشمال ورا والدايره الى فوق الكاوتش ولولا ساتر ربنا ثم العفشه الكونى هى الى ظبطت العربيه لما راحت من بالعرض

الى صعبت عليه المازدا الرفرف والباب اليمين

طبعا صاحبها كان منهار وانا اكتر من على عربيتى وفى الاخر قالى انا مش عايز منك حاجه لانه حس انى مش غلطان وطلعنا على قسم النزهه فى مصر الجديده وطلع انسان ابن حلال ومحترم وعملنا محضر اثبات حاله عشان يقدمه للتأمين وبعديها انا مشيت

وفى الاخر طبعا نقول الحمد لله الحمد لله الحمد لله لان حاجه زى دى نجينا منها كلنا بستر ربنا وربنا يبعد عننا وعنكم كل شر

**WalidAdel** · 23-10-2008 07:56 PM

قدر الله و ماشاء فعل ياباشا و كيو انك طلعت منها سليم دي اهم حاجه

**shanodaa** · 23-10-2008 08:04 PM

حمدالله علي سلمتك وانك بخير

**bolvegari** · 23-10-2008 08:05 PM

اشكركم جميعا على ردودكم والحمد لله رب العالمين

**tutankhamoun** · 23-10-2008 08:09 PM

حمد لله على سلامتك

بس بجد الشعب بقى حاجة تقرف
و خصوصا في السواقة ........................ كل الغباء و التخلف و الهمجية بتظهر في السواقة
أرحمنا يارب

**amirhamed** · 23-10-2008 08:14 PM

قدر الله وماشاء فعل .
والحمد لله على السلامه.

**Mystique** · 23-10-2008 10:41 PM

قدر الله وما شاء فعل
أهم حاجة سلامة الإنسان..واللي يجي بعد كدة هين.

**zarkoor** · 23-10-2008 11:03 PM

حمد الله على سلامتك ... صلى ركعتين شكر لله انه لطف و جت بس فى الصاج و محدش اتعور و ان الراجل صاحب المازدا ابن حلال و متامن على عربيته
يا ريت كمان تتطلع حاجة لله على قد استطاعتك

من كام يوم برضه حصل معايا نفس الموقف .. على الدائرى .. كان على يمينى واحد برضة العربيه اللى قدامه ضربت فرامل فجأة ... رحت مهدى علشان اسيبله مكان يدخل شمال و يفادى العربية اللى قدامه ... اللى يضحك بعد كام كيلو حصلى انا نفس الموقف بس انا اللى كنت على اليمين و نفس الشخص اللى وسعتله كان هو اللى على شمالى ... يس للاسف اول ما شافنى بديلة اشاره شمال علشان يوسعلى و ما اخبطش فى العربية اللى قدامى ... لقيته طلع ببوز عربيته و سد الشمال .. يا ريته فضل مكمل علشان ادخل وراه.. لكن البيه ثبت سرعته ... الحمد لله ال Abs لحقنى و ما كانش فيه حد ورايا ...

فيه ناس بتفتكر انه لما يوسع لحد فده بينتقص من رجولته ... سبحان الله

**دموع الثلج** · 23-10-2008 11:12 PM

حمد لله على سلامتك متضايقش نفسك قدر الله وما شاء فعل

ان شاء الله تتظبط عربيتك تانى

واحمد ربنا انك خبطت حديد وهتنام انهارده فى بيتكم
لا سمح الله الوضع كان هيكون العكس لو كنت خبطت الراجل