رسالة من سائقة إلى كل سائق ملاكى، تاكسى و لا ميكروباص .. ادخلوا

**mohkhattab** · 08-09-2014 09:27 AM

المشاركة الأصلية كتبت بواسطة tutankhamoun

بُصي يا فندم
أولا أحنا السائقين المصريين و اأحنا الشعب المصري عموما معقد نفسيا و مريض نفسي .
لأن كل اللي بيحصل في الشارع و في الطوابير ........ دي كلها أمراض نفسية و عوامل نقص تربية و دين .

المشكلة الأساسية هي الحكومة و عدم وجود مبدء العقاب للمخطئين .

أنتي في مصر بتعرفي تطلعي رخصة و دي من أسهل الرخص في العالم كله .
طبعا لا تعليم و لا تنظيم و لا أي بتنجان أحمر . .... السواق من دول .. يطلع يتعلم في خلق الله في الشارع ,,,,, و يطلع عليهم عقده النفسية و بقية السواقين يكرفوا عليه عقدهم النفسية و هكذا دواليك .

فطبعا لو عندنا نظام مرور شرطة محترم ----- السواق يأخد رخصة لما يكون عارف يعني أيه قوانين و أحترامها .
و لما يغلط يتعاقب عقاب غليظ (أحنا بنتكلم عن أموال الشعب اللي بتروح في أستيراد مكونات السيارات ) و بنتكلم عن أهم من ذلك و هي أرواح الناس اللي بتروح بسبب سواقين حمير محدش علمهم السواقة و لا ألادب و الأخلاق في السواقة .

ملخص الموضوع .

لو الحكومة أستمرت على منهج المرور القديم ........ مفيش حاجة هاتتعدل .. لأن الشعب مش هايتعدل لوحده .
لو فضل الرشاوي و الفساد موجود في ادارات المرور المختلفة ..... يبقى ربنا يسترها علينا و نموت موتة طبيعية .

احيييك على وجهة نظر حضرتك
دا فعلا الكلام الصح و اللى المفروض يتطبق

**kiapicanto2014** · 08-09-2014 11:49 AM

المشاركة الأصلية كتبت بواسطة ahmed saad

عبقى ضحايا الحوادث اكثر من ضحايا الحروب مجتمعة ... اللهم حق وكل دي أخطاء بنتعرض ليها في الحياه اليوميه بس انت مثلا ماشوفتيش التريلات اللي بتاخد غرز على الطريق السريع والتريلات اللي بتمشيي 120 كم/س كل دا طبعا على الطريق السريع وربنا مايكتب عليكي تمشي على طريق سفر وانت مش مديه خوانه وعامله حساب لغباء السواقين

ربنا يكفينا الشر ... دى حاجة تعمل بلااااااااااااااوى ... ما هو الغباء دة اللى خلانا ناخد المركز الاول فى الحوادث على مستوى العالم و بقى ضحايا الحوادث عندنا اكثر من ضحايا الحروب مجتمعة ... اللهم اكفينا الشر

**kiapicanto2014** · 08-09-2014 11:52 AM

المشاركة الأصلية كتبت بواسطة acs

اولا : الف مبروك على العربية وربنا يكفيكى شرها .
اما بالنسبة لموضوع حضرتك للاسف دى ثقافة شعب

ربنا يبارك فى حضرتك ... بس دى ثقافة لازم تتغير زى ما اتغيرت بالضبط ثقافة منديل ام هاشم !!!!!

**Omar Sakr** · 08-09-2014 11:58 AM

و الله الموضوع كله موضوع ثقافة و سلوك و تربية و أخلاق و تعليم أداب السواقة .

مش فارقة برضه مع راجل أو ست ... الكل بيعانى من الهمجية و العنجهة و الرعونة و قلة الأدب من فئة كبيرة سواء نقل ثقيل أو خفيف أو ميكروباصات صغيرة و كبيرة و تاكسى أبيض و بوكسات و نص نقل الشرطة و المصالح الحكومية و عربيات ملاكى بتاعة شركات سياحة و ملاكى خاص الموضوع مش راكب أيه على قد ما هو سلوكك أيه و أحترامك لنفسك و للأخرين أيه و ده اللى بيحدد أدميتنا و تحضرنا عشان كده للأسف أحنا من شعوب العالم الثالث !

مع التسليم أن البنات و الستات بتتعرض لمواقف أرخم و التحرش بالعربيات موجود من زمان و عامة يا بتكون سائقة محترفة و واثقة من نفسها و عارفة تسوق كويس و حافظة أبعاد عربتها يا أما بتكون مهزوزة و مبتعرفش تسوق و أخطائها كتير و دى بنلتمسلها العذر لأنها من أهلنا و عائلاتنا بس متكونش السبب فى حوادث و تتعلم بسرعة .

و برضه فى قطاع كبير من السائقين فى مصر ناس فى حالها و عايزين يوصلوا مشوارهم و ماشيين بسرعة متوسطة ولا سوائقتهم على قدهم و بنخص بالذكر كبار السن اللى بيفضلوا ماسكين حارة واحدة فى الطريق مهما حصل ...

رأيى أن لازم كل واحد يبتدى بنفسه و يكون سلوكه أحسن و سواقته أكتر أمانا و يحترم حق الأخرين فى الطريق مع نظام مرور أكثر صرامة و أنضباط و الحكومة تصلح من الطرق لأن الواحد بيمشى يفادى فى البلاعات و الحفر.

و ربنا يقدرنا على الدائرى و الأتوستراد و كوبرى أكتوبر و صلاح سالم و المحور و الصحراوى

**kiapicanto2014** · 08-09-2014 12:06 PM

المشاركة الأصلية كتبت بواسطة lidosasa

سواقين الأجرة عامة بتعمل الحاجات دى ل 4 أسباب حصرية :
1- يتنمنظر على خلق الله ويعمل نفسه محترف سواقة ويرحمنا لو عيل مزفلط ومركب ستات معاه أو اللى سايقة قدامه واحدة ست .
2- بيكسر الملل اللى بيحس بيه وهو سايق ويجد متعته فى الحوارات دى ..... كنت مرة راكب تاكسى ومن كلامه مع صاحبه اللى راكب جنيه عرفت إن متعته فى الشتاء بالذات إنه يطرطش ميه الشتا على الناس اللى ماشية فى الشارع ومستوى سعادته بالموضوع ده يتناسب طردياً مع مدى نضافة هدوم الراجل اللى كان ماشى بالشارع قبل الطرطشة غالباً ده بيبقى مريض نفسى .
3- شيطان الفلوس ... ايوه أنا بسميه كده بيبقى عايز يركب جناح لعربيته ويطير وخصوصاً فى ساعة الذروة عشان يلم أكبر قدر ممكن من الفلوس وبيحس إن أى عربية قدامه هى الحائل بينه وبين الفلوس دى حتى لو فى إشارة ... وهما أصلاً مقتنعين إن كل أصحاب الملاكى نازلين الشارع يتفسحوا أو يتسوقوا يعنى بنعطلهم ونزحم الشوارع على الفاضى :copy of majd(4):
4- البلابيبع اللى ( بعض السواقين ) بيبقوا ضاربينها طول اليوم وبتفضل مأثرة عليهم لتانى يوم الصبح
**** اللى يغيظ فعلاً إنه لم يكون الشارع فاضى وشغلهم قليل تلاقيه ماشى بالراحة فى الشارع كأنه بيتفسح

احييك على رأيك ...و خصوصا موضوع البلابيع دة ... فعلا اغلبهم و خصوصا سواقين الميكروباص بيكونوا مدمنين و بيتكلموا بطريقة غريبة خالص .. و طبعا اضيف على كدة الجهل و الفقر .. فطبيعى يكون دة النتيجة ... ربنا يرحمنا برحمته

**kiapicanto2014** · 08-09-2014 12:14 PM

المشاركة الأصلية كتبت بواسطة sword00

الكلام على الكل رجاله وستات واللى بيغظ فعلا اضرب اشاره كانى بنبهه انه يجرى بسرعه يزنق عليا عشان يطلع

و الله دة فعلا اللى حصل معايا نصا اكثر من مرة ... و كنت بستعجب جداااااااااا ... و بحس انى لو كنت كسرت على طول من غير اشارة كان هيبقى اكثر اماانا !!!!! منهم لله ... بيفهموا بالعكس !!! بتديهم الاشارة علشان يجروا يلحقوا يعدوا منك قبل ما تاخد انت الملف !!!!! و كأنه بيلحق سبق !!! فعلا احنا نعانى من انخفاض رهيب فى مستوى الاخلاقيات و اخلاق الشارع

**aimank** · 08-09-2014 12:39 PM

بالنسبة لموضوع الاشارات ياريت بس كده والعربية واقفة تبقوا يابنات مصر تنزلوا تشوفوا اليمين ازاى و الشمال ازاى وتعملوا الحكاية ده 3 مرات فى اليوم ده اذا كان عندكوا اشارات سليمة اساسا :)

**Ahmed_BYD_F0** · 08-09-2014 01:23 PM

فعلا كلامك مظبوط بس مش بيحصل مع البنات بس بيحصل لكل اصحاب السيارات
انا اللى علمنى السواقة قالى نصيحة مهمة جدا واحب اقولهالك علشان تستفيدى منها
اولا السواقة فن وذوق واخلاق يعنى اللى بيعمل معاكى كدة وانت سواقة شاطرة اتاكدى انك بعدتى عربيتيك عن اى خطر وسيبى اللى بيعملوا كده يعدوا وانتى هادية وبدون اى ضغط عصبى منك وتقوليلى بكل ذوق واخلاق اتفضل عدى
ثانيا اعتبرى ان سوقين كل العربيات اللى حواليكى كلهم مجانين يعنى توقعى منهم اى حركة غدر فى اى لحظة وتكونى مستعدة لاى واحدة فيهم وتخليهم يعدوكى وانت هادية برضه بدون عصبية
وفى الاخر اتمنى لك سواقة امنة وربنا يستر علينا ونوصل بالسلامة

**Bassem Youssef** · 08-09-2014 03:41 PM

انا سجدت سجده شكر لله لما بعت العربيه

ربنا رحمني بجد

الحمد لله علي نعمه التاكسيات

**kiapicanto2014** · 08-09-2014 04:12 PM

المشاركة الأصلية كتبت بواسطة ahmedabady2005

لو عايزين الحق سواقين التريلات و الميكروباصات و التاكسى دول كوم و الستات كوم تانى خالص
لان سواق الميكروباص حتى لو كان بياخد غرز و بيزنق بس الى حد كبير بيعرف يسيطر على عربيته و ما بيعملش مصايب و ما بتشفش منه التهييس و الهطل اياه ....الامثله كتير و انا نفسى ما اتعرضتش لمواقف غبية من سواقين التريلات و الميكروباصات قد ما شفت من الستات الى بيسوقوا (خصوصا الى ما يعرفوش حاجة عن السواقة و طلعولنا بفضل انتشار ورخص العربيات الاتوماتيك/الباورستيرنج فى اخر كام سنة)
اما بقى الركنة ممكن تخبط العربية الى وراها و الى قدامها ستين سبعين مرة و برده ما تعرفش تركن فى الاخر
انا اتمنى ان يتم التعميم على كل وحدات المرور فى مصر ان الامتحان يبقى بعربية مانيوال بتاعت المرور زى ال128 (اعتقد ده كان معمول به فى وحدات مرور الجيزة لغاية وقت قريب ما اعرفش ده اتغير و لا لسه ) و الى ما يعرفش يسوقها او تبطل منه يسقط بدون وسايط و لا غيره
الى بيسوق فى مصر بيتعذب من حالة الشوارع و الزحمة و عدم النظام و الزيادة فى اسعار البنزين و قطع الغيار ... مش مستحمله فوق كل ده غباء سواقين

اقتراح حضرتك مقبول طبعا .. بس اسمح لى اوضح حاجة .. يمكن طبعا سواقة الستات هى اقل مهارة من سواقة الذكور اللى قلبهم يفوت فى الحديد و ممكن ينطوا فى الهوا بالعربيات من غير ما يخبطوا العربية ... بس هى الفكرة مش فى مهارة السائق خالص ... الاهم معرفته بالقواعد الاساسية لآداب المرور ... يعنى ما ينفعش حد يجرى من على يمينى و انا اديته قبلها بشوية اشارة يمين علشان يحس انه فهلوى انه تخطانى قبل ما اخد الملف !!! و لا ان واحد يطلع فجأة من شارع جانبى و يقرر انه يعدى كل الناس بالرغم انى ممكن جدا كنت اخبط عربيته لو ملحقتش الفرامل بتاعتى و كملت بسرعتى عادى فى طريقى ... و غير مقبول مهما كنت يعنى فهلوى سواقة انى اركن فى مناطق حيوية جدا و اسبب شلل مرورى بدون داعى و المرور مختنق تماما زى مرة حد وقف قدام مفترق طرق على الكوبرى لسبب لا يعلمه الا الله و ضارب انتظار -كتر خيره- و مشى بعد ما حد تانى راح شتمه بالام و الاب و كان هيلبس فيه ... ناهيك بقى عن الميكروباصات اللى بتقف للناس فى وسط الشارع .. و التكاتك اللى ملهاش اى قوانين و بيمشوا عكس فى اى حتة و مش بياخدوا اى مخلفات لان معندهمش اصلا رخص و حاجة تقرف .. لكن الست اللى بتسوق على قدها و لكن تحترم القوانين .. يعنى ماشية بالراحة على اليمين و بتدى اشارة قبل ما تلف و بتحترم نفسها و لا بتشتم و لا بتقل ادبها و بتستحمل تحرش السيارات تبقى احسن من ١٠٠٠ واحد حتى لو كانوا ابطال فى السواقة