رسالة من سائقة إلى كل سائق ملاكى، تاكسى و لا ميكروباص .. ادخلوا

**horas3000** · 08-09-2014 04:16 PM

من امن العقوبه اساء الادب
طول ما مفيش قانون يلم الناس انسي

**mohamedhfz** · 10-09-2014 08:27 AM

اكتر واحد يحس بالكلام ده اللي عايش بره مصر و بيشوف اد ايه شعوب اقل مننا بكتير بس اكتر تحضر و احترام للمرور و حقوق الغير مننا بمراحل
و الله لما بنزل مصر و اسوق في شوارعها و اشوف سخافات و استهبال و غوغائيه و فوضويه و قلت ادب و انعدام ذوق السوائقين و خصوصا اللي مهنتهم سواقين (تاكسي , ميكروباص , تريللا , نقل عام ,,, الخ) ببقي نفسي اوقفه و انزله من عربيته و اقعد اللطش فيه لحد ما اطلع كل غيظي

**khaled_yehya** · 10-09-2014 11:03 AM

المشاركة الأصلية كتبت بواسطة tutankhamoun

بُصي يا فندم
أولا أحنا السائقين المصريين و اأحنا الشعب المصري عموما معقد نفسيا و مريض نفسي .
لأن كل اللي بيحصل في الشارع و في الطوابير ........ دي كلها أمراض نفسية و عوامل نقص تربية و دين .

المشكلة الأساسية هي الحكومة و عدم وجود مبدء العقاب للمخطئين .

أنتي في مصر بتعرفي تطلعي رخصة و دي من أسهل الرخص في العالم كله .
طبعا لا تعليم و لا تنظيم و لا أي بتنجان أحمر . .... السواق من دول .. يطلع يتعلم في خلق الله في الشارع ,,,,, و يطلع عليهم عقده النفسية و بقية السواقين يكرفوا عليه عقدهم النفسية و هكذا دواليك .

فطبعا لو عندنا نظام مرور شرطة محترم ----- السواق يأخد رخصة لما يكون عارف يعني أيه قوانين و أحترامها .
و لما يغلط يتعاقب عقاب غليظ (أحنا بنتكلم عن أموال الشعب اللي بتروح في أستيراد مكونات السيارات ) و بنتكلم عن أهم من ذلك و هي أرواح الناس اللي بتروح بسبب سواقين حمير محدش علمهم السواقة و لا ألادب و الأخلاق في السواقة .

ملخص الموضوع .

لو الحكومة أستمرت على منهج المرور القديم ........ مفيش حاجة هاتتعدل .. لأن الشعب مش هايتعدل لوحده .
لو فضل الرشاوي و الفساد موجود في ادارات المرور المختلفة ..... يبقى ربنا يسترها علينا و نموت موتة طبيعية .

وجهة نظرك صحيحة ميه فى ميه
فعلا المشكلة مشكلة ثقافة شعب
ثقافة دينية واخلاقية
والحكومة مش فى دماغها اصلا حل المشاكل دى
والفساد والرشاوى الف فى الميه
ربنا يستر

**GMakram** · 10-09-2014 12:10 PM

المشاركة الأصلية كتبت بواسطة kiapicanto2014

5- عزيزى السائق: ربنا خلق فى العربية شوية لمض كدة قدام العربية و وراها و من ضمن وظائفها انك تضرب بها إشارات

.. يعنى انا اديك اشارات و انت تدينى اشارات .. و المفروض مثلا لما اديك اشارة يمين و انت ورايا يا عم الحج يعنى انا خلاص هلف يمين و اكسر على اليمين .. دة مش معناه انك تجرى بسرعة علشان تطلع من يمينى علشان تبقى على شمالى

!!!!!!!!!!!!!!!!!!!!!!!!!!!!!!!!!!!!!!!! بتخلوا الواحد يندم انه عبركم بالاشارة اساسا !!

احيكي على اسلوبك ولكن بالنسبه للنقطه 5 فانا ليا تعليق بيعكس تصرفك كبنت بتسوق, للاسف الناس فاهمه ان الاشاره معناها "انا داخل يمين واللي مش هيوسع زنبه على جنبه" ولكن ده غلط غلط غلط...يا ساده الاشاره معناها تنبيه انى هدخل يمين عند اول فرصه تسمح لي بدون تعطيل حد او الكسر على حد وعلشان كدا تلاقي معظم الناس وبالاخص البنات ترزع اشاره يمين ووراها ترزع الدريكسيون على طول وكانها اخدت رخصه تكسر على خلق الله لمجرد انها ادت اشاره...ولو فكرتى هتلاقى انه طبيعى الناس تحاول تجرى جنبك وتطلع منك لانك ببساطه اديتى الاشاره متأخر لكن لو اديتى الاشاره بدرى كفايه هتلاقى نفسك عندك فرصه تنقلى من حاره لحاره براحتك و هتلاقى سباقات الشوارع اللى بتحصل حوليكى بمجرد لما بتدى اشاره اختفت ودخلتى يمين بسلام وبدون خساير فى الارواح

**aw2100** · 10-09-2014 04:58 PM

المشاركة الأصلية كتبت بواسطة gmakram

احيكي على اسلوبك ولكن بالنسبه للنقطه 5 فانا ليا تعليق بيعكس تصرفك كبنت بتسوق, للاسف الناس فاهمه ان الاشاره معناها "انا داخل يمين واللي مش هيوسع زنبه على جنبه" ولكن ده غلط غلط غلط...يا ساده الاشاره معناها تنبيه انى هدخل يمين عند اول فرصه تسمح لي بدون تعطيل حد او الكسر على حد وعلشان كدا تلاقي معظم الناس وبالاخص البنات ترزع اشاره يمين ووراها ترزع الدريكسيون على طول وكانها اخدت رخصه تكسر على خلق الله لمجرد انها ادت اشاره...ولو فكرتى هتلاقى انه طبيعى الناس تحاول تجرى جنبك وتطلع منك لانك ببساطه اديتى الاشاره متأخر لكن لو اديتى الاشاره بدرى كفايه هتلاقى نفسك عندك فرصه تنقلى من حاره لحاره براحتك و هتلاقى سباقات الشوارع اللى بتحصل حوليكى بمجرد لما بتدى اشاره اختفت ودخلتى يمين بسلام وبدون خساير فى الارواح

فعلا النهارده اتعمل معايا كده الأشارة وكسرت شمال والكلام ده فى شارع رئيسى ياعنى لو عربية كبيرة اقسم بالله كانت قسمتلها العربية نصين بس لاقيتها بنت فسكت والحمد لله لميت العربية وقدر الله وماشاء فعل !!!

**شاهين - بنز** · 11-09-2014 12:45 AM

بعد إذن صاحبة الموضوع بس أنه رأي إنه مش مسموح نهائيا الستات يعلقوا على سواقة الرجالة حتى لو كانو سواقين ميكروباص أو تاكسي أو توكتك حتى
أنا ربنا نجاني من حوادث موت بسبب سواقة الستات منهم واحدة فوجئت بيها راكنة عالشمال في المحور كنت حلبس فيها وواحدة تانية بترجع بضهرها في نص شارع صلاح سالم ومواقف كتييييييييييير وحرقة دم طول اليوم
أنا وأخويا (سواق الملاكي) على إبن عمي ( سواق الميكروباص) وأنا وابن عمي عالغريب (السواقين الستات)