رسالة من سائقة إلى كل سائق ملاكى، تاكسى و لا ميكروباص .. ادخلوا

**مانويل مايكل** · 07-09-2014 01:08 PM

المشاركة الأصلية كتبت بواسطة kiapicanto2014

أنا بدأت أسوق من حوالى سنة و أكيد ارتكبت العديد من الأخطاء و ضايقت الناس حواليا .. بس أكيد عمرى ما وصلت للجبروت دة

لذلك بوجه رسالة لكل سائق عاااارف نفسه

1- عزيزى السائق

.. لما أكون ماشية فى أمان الله فى طريقى و أنت طالع من شارع جانبى .. و أنا شبه أصلا كنت عديت .. مش لازم و لا شرط و لا لابد أنك تسبقنى و تعدى قبلى .. مش هتاخد جايزة و الله يا اخويا !!!! و بعدين أنت مش هتسبنى أعدى علشان أنا بنت و الجيرلز فرست

و الحوارات دى خالص .. لا .. لا .. و لكن لأن أصلا الطريق طريقى فبالتالى مفيش داعى تحشر بوز عربيتك علشان تسبقنى مع أنى كنت عديتك أصلا !!!!

2- عزيزى السائق .. نفسى أفهم وجهة نظرك و آراءك النيرة و انت عمال تضرب كلاكسات فى ودانى و الإشارة واقفة و العربيات مش ماشية أساسا

!!! يعنى المفروض أطير و لا ألبس طاقية إخفا ؟؟؟ و لا ايه تصورات حضرتك للموقف ؟؟؟

3- عزيزى السائق اللى بتقرر بشكل مفاجىء و بسبب لا يعلمه إلا الله أنك تركن فى ملف

!!! لا و ايه و الساعة 8 و نص الصبح و فى عز ال rush hour .. و تقوم تضرب فى عينى الانتظار و كأك بتطلعلى لسانك على عملتك السودة بعد ما تكون حبست وراك طابور عربيات مش عارف يطلع منك على الملف و المسافة بين العربيات اساسا تتقاس بالملليمترات .. ارحمنا من الدرر اللى بتطفح علينا دى !!!

4- عزيزى السائق .. اعترف انى بنت غلبانة و النبى يا اخويا

.. و آخر أولوياتى أنى أدخل معاك فى سباق على الصبح !! و بالتالى مش علشان مراتك قالت لك قبل ما تنزل "حنفى!!!!"

.. يبقى تعوض نقصك عليا انا و تجد رجولتك فى أنك تزنق عليا علشان تسبقنى !!!!

5- عزيزى السائق: ربنا خلق فى العربية شوية لمض كدة قدام العربية و وراها و من ضمن وظائفها انك تضرب بها إشارات

.. يعنى انا اديك اشارات و انت تدينى اشارات .. و المفروض مثلا لما اديك اشارة يمين و انت ورايا يا عم الحج يعنى انا خلاص هلف يمين و اكسر على اليمين .. دة مش معناه انك تجرى بسرعة علشان تطلع من يمينى علشان تبقى على شمالى

!!!!!!!!!!!!!!!!!!!!!!!!!!!!!!!!!!!!!!!! بتخلوا الواحد يندم انه عبركم بالاشارة اساسا !!
6- عزيزى السائق ياللى ماشى من غير مرايات و من غير اشارات .. أحييك على صراحتك مع الآخرين .. انت احسن من اللى ماشى بعربية نص متر فيها كل حاجة و ميسمعش عن حاجة اسمها اشارات و مرايات

دى السواقة فى شوارع مصر المحروصة .
عندى قريب لية متربى ومولود فى أستراليا نزل مصر من كام سنة قال أنتوا ماشيين بالعربيات like animals

**drcobra** · 07-09-2014 02:33 PM

عزيزتى ابتسمى انتى فى مصر
والكثير يحاولوا ان يهدموا استقرار الدوله المنظمة
والله لو الواحد فكر فى اخطاء الاخريين هيتجنن
البلد دى ماشية بالبركة

**acs** · 07-09-2014 05:13 PM

اولا : الف مبروك على العربية وربنا يكفيكى شرها .
اما بالنسبة لموضوع حضرتك للاسف دى ثقافة شعب

**sobhsobh** · 07-09-2014 06:16 PM

حضرتك دى مواقف ايا كان مين السايق بيتعرضلها ... عشان احنا للاسف عايشين فى مجتمع واخدها بدراعة و معندوش خلق لحد و مفيش اخلاق للاسف ( التعميم غلط بس الاغلبية) .. فحضرتك ست او راجل ... كلنا بنتعرض للقرف دة.

**tutankhamoun** · 07-09-2014 06:39 PM

بُصي يا فندم
أولا أحنا السائقين المصريين و اأحنا الشعب المصري عموما معقد نفسيا و مريض نفسي .
لأن كل اللي بيحصل في الشارع و في الطوابير ........ دي كلها أمراض نفسية و عوامل نقص تربية و دين .

المشكلة الأساسية هي الحكومة و عدم وجود مبدء العقاب للمخطئين .

أنتي في مصر بتعرفي تطلعي رخصة و دي من أسهل الرخص في العالم كله .
طبعا لا تعليم و لا تنظيم و لا أي بتنجان أحمر . .... السواق من دول .. يطلع يتعلم في خلق الله في الشارع ,,,,, و يطلع عليهم عقده النفسية و بقية السواقين يكرفوا عليه عقدهم النفسية و هكذا دواليك .

فطبعا لو عندنا نظام مرور شرطة محترم ----- السواق يأخد رخصة لما يكون عارف يعني أيه قوانين و أحترامها .
و لما يغلط يتعاقب عقاب غليظ (أحنا بنتكلم عن أموال الشعب اللي بتروح في أستيراد مكونات السيارات ) و بنتكلم عن أهم من ذلك و هي أرواح الناس اللي بتروح بسبب سواقين حمير محدش علمهم السواقة و لا ألادب و الأخلاق في السواقة .

ملخص الموضوع .

لو الحكومة أستمرت على منهج المرور القديم ........ مفيش حاجة هاتتعدل .. لأن الشعب مش هايتعدل لوحده .
لو فضل الرشاوي و الفساد موجود في ادارات المرور المختلفة ..... يبقى ربنا يسترها علينا و نموت موتة طبيعية .

**S O P H O S** · 07-09-2014 07:16 PM

فعلا كلام حقيقي وشكل الامر مفهوش اي تغير

**sword00** · 08-09-2014 01:37 AM

الكلام على الكل رجاله وستات واللى بيغظ فعلا اضرب اشاره كانى بنبهه انه يجرى بسرعه يزنق عليا عشان يطلع

**2CODE** · 08-09-2014 01:49 AM

خطيبتي معاها بيكانتو برضه في يوم كانت متغاظة جداً بسألها في ايه قالتلي واحد سواق قالي راكبه طفاية حريق !!!!!!!! ههههههههههه

هو انا كنت عايز اضحك بس مسكت نفسي بالعافية وقلت في بالي لايكون في بالها عايزه تسوق عربيتي بعد كده قولتلها تلاقيه مش عليكي اساساً ده على طفاية الحريق الحقيقية - ياعم هي ناقصة تسوق العربية بتاعتي دا انا الغلطة عندي بجوووووول انما البيكانتو سهل جداً اغير حتى نص العربية :(

متاخديش في بالك هو كده اقفلي الازاز على طول اوعي تفتحيه لأي سبب الا للشديد القوي

**enghany** · 08-09-2014 02:39 AM

المشاركة الأصلية كتبت بواسطة kiapicanto2014

أنا بدأت أسوق من حوالى سنة و أكيد ارتكبت العديد من الأخطاء و ضايقت الناس حواليا .. بس أكيد عمرى ما وصلت للجبروت دة :copy of majd(4):

لذلك بوجه رسالة لكل سائق عاااارف نفسه :b4_237:

1- عزيزى السائق

.. لما أكون ماشية فى أمان الله فى طريقى و أنت طالع من شارع جانبى .. و أنا شبه أصلا كنت عديت .. مش لازم و لا شرط و لا لابد أنك تسبقنى و تعدى قبلى .. مش هتاخد جايزة و الله يا اخويا !!!! و بعدين أنت مش هتسبنى أعدى علشان أنا بنت و الجيرلز فرست :_alshmokh15[1]: و الحوارات دى خالص .. لا .. لا .. و لكن لأن أصلا الطريق طريقى فبالتالى مفيش داعى تحشر بوز عربيتك علشان تسبقنى مع أنى كنت عديتك أصلا !!!!

2- عزيزى السائق .. نفسى أفهم وجهة نظرك و آراءك النيرة و انت عمال تضرب كلاكسات فى ودانى و الإشارة واقفة و العربيات مش ماشية أساسا

!!! يعنى المفروض أطير و لا ألبس طاقية إخفا ؟؟؟ و لا ايه تصورات حضرتك للموقف ؟؟؟

3- عزيزى السائق اللى بتقرر بشكل مفاجىء و بسبب لا يعلمه إلا الله أنك تركن فى ملف

!!! لا و ايه و الساعة 8 و نص الصبح و فى عز ال rush hour .. و تقوم تضرب فى عينى الانتظار و كأك بتطلعلى لسانك على عملتك السودة بعد ما تكون حبست وراك طابور عربيات مش عارف يطلع منك على الملف و المسافة بين العربيات اساسا تتقاس بالملليمترات .. ارحمنا من الدرر اللى بتطفح علينا دى !!!

4- عزيزى السائق .. اعترف انى بنت غلبانة و النبى يا اخويا

.. و آخر أولوياتى أنى أدخل معاك فى سباق على الصبح !! و بالتالى مش علشان مراتك قالت لك قبل ما تنزل "حنفى!!!!"

.. يبقى تعوض نقصك عليا انا و تجد رجولتك فى أنك تزنق عليا علشان تسبقنى !!!!

5- عزيزى السائق: ربنا خلق فى العربية شوية لمض كدة قدام العربية و وراها و من ضمن وظائفها انك تضرب بها إشارات

.. يعنى انا اديك اشارات و انت تدينى اشارات .. و المفروض مثلا لما اديك اشارة يمين و انت ورايا يا عم الحج يعنى انا خلاص هلف يمين و اكسر على اليمين .. دة مش معناه انك تجرى بسرعة علشان تطلع من يمينى علشان تبقى على شمالى

!!!!!!!!!!!!!!!!!!!!!!!!!!!!!!!!!!!!!!!! بتخلوا الواحد يندم انه عبركم بالاشارة اساسا !!
6- عزيزى السائق ياللى ماشى من غير مرايات و من غير اشارات .. أحييك على صراحتك مع الآخرين .. انت احسن من اللى ماشى بعربية نص متر فيها كل حاجة و ميسمعش عن حاجة اسمها اشارات و مرايات :m_yes[1]:

اقترح علي حضرتك انك تحطي علامه مميزه علشاننعرف العربيه فامانقومش باي مضايقه لحضرتك -- الاقتراح علي سبيل المداعبه

**ahmedabady2005** · 08-09-2014 07:35 AM

لو عايزين الحق سواقين التريلات و الميكروباصات و التاكسى دول كوم و الستات كوم تانى خالص
لان سواق الميكروباص حتى لو كان بياخد غرز و بيزنق بس الى حد كبير بيعرف يسيطر على عربيته و ما بيعملش مصايب و ما بتشفش منه التهييس و الهطل اياه ....الامثله كتير و انا نفسى ما اتعرضتش لمواقف غبية من سواقين التريلات و الميكروباصات قد ما شفت من الستات الى بيسوقوا (خصوصا الى ما يعرفوش حاجة عن السواقة و طلعولنا بفضل انتشار ورخص العربيات الاتوماتيك/الباورستيرنج فى اخر كام سنة)
اما بقى الركنة ممكن تخبط العربية الى وراها و الى قدامها ستين سبعين مرة و برده ما تعرفش تركن فى الاخر
انا اتمنى ان يتم التعميم على كل وحدات المرور فى مصر ان الامتحان يبقى بعربية مانيوال بتاعت المرور زى ال128 (اعتقد ده كان معمول به فى وحدات مرور الجيزة لغاية وقت قريب ما اعرفش ده اتغير و لا لسه ) و الى ما يعرفش يسوقها او تبطل منه يسقط بدون وسايط و لا غيره
الى بيسوق فى مصر بيتعذب من حالة الشوارع و الزحمة و عدم النظام و الزيادة فى اسعار البنزين و قطع الغيار ... مش مستحمله فوق كل ده غباء سواقين