رسالة من سائقة إلى كل سائق ملاكى، تاكسى و لا ميكروباص .. ادخلوا
أنا بدأت أسوق من حوالى سنة و أكيد ارتكبت العديد من الأخطاء و ضايقت الناس حواليا .. بس أكيد عمرى ما وصلت للجبروت دة :Copy of majd(4):
لذلك بوجه رسالة لكل سائق عاااارف نفسه :B4_237:
1- عزيزى السائق :afterboom: .. لما أكون ماشية فى أمان الله فى طريقى و أنت طالع من شارع جانبى .. و أنا شبه أصلا كنت عديت .. مش لازم و لا شرط و لا لابد أنك تسبقنى و تعدى قبلى .. مش هتاخد جايزة و الله يا اخويا !!!! و بعدين أنت مش هتسبنى أعدى علشان أنا بنت و الجيرلز فرست :_Alshmokh15[1]: و الحوارات دى خالص .. لا .. لا .. و لكن لأن أصلا الطريق طريقى فبالتالى مفيش داعى تحشر بوز عربيتك علشان تسبقنى مع أنى كنت عديتك أصلا !!!! :011::011:
2- عزيزى السائق .. نفسى أفهم وجهة نظرك و آراءك النيرة و انت عمال تضرب كلاكسات فى ودانى و الإشارة واقفة و العربيات مش ماشية أساسا :closed:!!! يعنى المفروض أطير و لا ألبس طاقية إخفا ؟؟؟ و لا ايه تصورات حضرتك للموقف ؟؟؟ :shyy:
3- عزيزى السائق اللى بتقرر بشكل مفاجىء و بسبب لا يعلمه إلا الله أنك تركن فى ملف :44::44:!!! لا و ايه و الساعة 8 و نص الصبح و فى عز ال rush hour .. و تقوم تضرب فى عينى الانتظار و كأك بتطلعلى لسانك على عملتك السودة بعد ما تكون حبست وراك طابور عربيات مش عارف يطلع منك على الملف و المسافة بين العربيات اساسا تتقاس بالملليمترات .. ارحمنا من الدرر اللى بتطفح علينا دى !!! :36_2_49[1]:
4- عزيزى السائق .. اعترف انى بنت غلبانة و النبى يا اخويا :beated: .. و آخر أولوياتى أنى أدخل معاك فى سباق على الصبح !! و بالتالى مش علشان مراتك قالت لك قبل ما تنزل "حنفى!!!!" :untitled 1: .. يبقى تعوض نقصك عليا انا و تجد رجولتك فى أنك تزنق عليا علشان تسبقنى !!!! :ops:
5- عزيزى السائق: ربنا خلق فى العربية شوية لمض كدة قدام العربية و وراها و من ضمن وظائفها انك تضرب بها إشارات :pass:.. يعنى انا اديك اشارات و انت تدينى اشارات .. و المفروض مثلا لما اديك اشارة يمين و انت ورايا يا عم الحج يعنى انا خلاص هلف يمين و اكسر على اليمين .. دة مش معناه انك تجرى بسرعة علشان تطلع من يمينى علشان تبقى على شمالى :whtauwant:!!!!!!!!!!!!!!!!!!!!!!!!!!!!!!!!!!!!!!! ! بتخلوا الواحد يندم انه عبركم بالاشارة اساسا !!
6- عزيزى السائق ياللى ماشى من غير مرايات و من غير اشارات .. أحييك على صراحتك مع الآخرين .. انت احسن من اللى ماشى بعربية نص متر فيها كل حاجة و ميسمعش عن حاجة اسمها اشارات و مرايات :M_yes[1]::satelite:
