الموضوع: مشكله في سحب هيونداي اكسيل

السلام عليكم
انا بقالي 4 ايام كدا ملاحظ حاجه غريبه في سحب العربيه و بكون ماشي عادي و العربيه بتسحب عادي و زي الفل و فجأه العربيه بتتأل اويييييييي كأني مثلا مشغل التكيف و محمل عليها اوي و مش بتسحب خالص و لو قرصت عليها تعد تكركر جامد و بتبقي تقيله اوي يعني مثلا لو شلت رجلي من البنزين بتعد تبطأ جامد اوي و كأني دايس فرامل مثلا و لما باجي انقل للتالت مثلا برضه و انا علي 40 اول ما انقل و اشيل رجلي من الدبرياش تبطأ اوي كاني مثلا نقلت علي الاول تاني و الموضوع ده بيعد يروح و يجي بس تقريبا بيزيد لما تسخن و توصل للربع كدا
يا تريايه الي ممكن يكون السبب هل ممكن يبقي فلتر بنزين مثلا؟؟؟ مع العلم ان العربيه كان فيها صوت زي الصريخ كدا و طلع من سير الدينامو و غيرته من يومين و كنت فاكر السحب دا منه بس فضل زي ما هو
العربيه هيونداي اكسيل 1300 موديل 98