عندى مشاكل فى كهرباء السيينا.... فى حد ممكن يساعد

**gaser124** · 07-09-2014 09:36 AM

السلام عليكم

انا عندى عربية 1400 فيات سيينا موديل 2003 وكان عندى مشاكل فى الكهرباء خصوصا المروحة, كنت محتاج اعرف كهربائى جيد يفهم فيها كويس عشان بتسخن منى, اللى حصل كمان وانا ماشى بالعربية لأتها مره واحده فصلت كهرباء ومفيش فرامل, ربنا كرمنى وعرفت اقف ودورتها تانى فدارت ورجعت الفرامل والحكاية ديه اتكررت مرتين !!!
انا مش عارف اعمل ايه فى العربية!!!
الحاجه التانية برضوا عندى قربة المياه بتنقط او دورة المياه فيها حاجه لأن القربة بتخلص علطول برضوا محتاج ميكانيكى للسينا كويس

هل ممكن حضراتكم تدلونى, انا ساكن فى مدينة نصر فى حد قريب من هناك؟.
او حتى حد مايكونش فى مدينة نصر يس ثقة واعرف اوصل له ان شاء الله.

**mohamed_selim** · 07-09-2014 10:07 AM

صابر فى الحى السابع ... الشارع اللى قدام باب المدينه الجامعيه للازهر فى مصطفى النحاس اللى على ناصيته بتاع عصير القصب جنب القسم

**gaser124** · 07-09-2014 10:41 AM

ان شاء الله اروح..هو كده قريب الحمد لله
يعنى اروح هناك واسأل على صابر الكهربائى ولا المحل له اسم؟
عشان اعرف اوصل بس

**mohamed_selim** · 07-09-2014 12:51 PM

لا دا ميكانيكى فاهم و كان فى التوكيل ... صابر و شريكه محمود ... هيكشف و يقولك ايه المطلوب و لو حاجه عايزه كهربائى هيبعتك لحد فاهم برضه
لو جاى من كصطفى النحاس هتوصل للبوابه على يمينك ... كان فى فتحه بس مش متاكد لسه موجوده ولا اتقفلت مع تجديد الشارع بس لو ملقتهاش فى يوترن قبل القسم تعمله و ترجع هتلاقى بتاع عصير واخد ناصيه تخش من عنده يمين هتمشى لحد اول تقاطع (فى جزيره فى النص على شمالك) تخش شمال فى يمين (عكسى) الجزيره هتبقى على يمينك و هتلاقى الورشه على طول و قدامها عربيات فيات كتير