الموضوع: شركة uniway للتسويق الشبكي

السلام عليكم ورحمة الله وبركاتة
حد سمع عن شركة التسويق الشبكي uniway اللي بيكون شغال فيها بيقيض بالدولار
والشغل بيكون عن طريق بيع منتجات واجهزة منزلية عن طريق النت بس بسعر أعلي من سعر السوق
بمعني ان الشخص اللي اول مرة يشتغل فيها المطلوب منه شراء اي شئ من علي الموقع بحد أدني 2100 ج . م علشان يتعمل له أكاونت جديد علي الموقع وبكده يكون في رصيدة 20 $ وعلية لازم يجيب او يكلم اشخاص يدخلة الشركة زي ما هو عمل ويشتروا مثلة يالظبط وكل ما يجيب ناس تحتية رصيدة يعلي لغاية ما يوصل للحد الاقصي في اليوم وهو 1800 $ ، تخيل واحد قبضة في اليوم 1800$ * 7 ج.م = 12600 دا في اليوم ، انا مش بحسد والله ، بس تيجي تسمع من اللي بيكلمك عن الشركة انه بيقولك مش لازم تشتغل اكتر من 3 - 4 ساعات يوميا ومش شرط المؤهل ولا السن وهما متعلمين طريقة الاقناع بطريقة فعالة جدا وطبعا يعرض عليك المشاكل اللي حضرتك واقع فيها من شراء شقة الي تجهيزها الي الفرح الي المستوي الاجتماعي الي المكان الراقي والسيارة وكمان محل تجاري وقطعة أرض
حد من زملائنا الكرام سمع عن الشركات دي
حد اتعامل معاهم مباشرة
حكم مثل الشركات في الدين
من وجهة نظري المتواضعه ان الشركة دي اللي بيشتغل فيها مش هيخسر ابدا ، ولازم علشان تكون التجارة حلال لازم المكسب والخسارة
وازاي واحد مثلا بعد 3 او 4 سنين شغل في الشركة يكون تحتية من الاعضاء مثلا 10 الاف هيفضل يلم فلوس وهو قاعد كدا
سؤال اخير
لو الشعب المصري بأكملة اشتغل فيها وقبض بالدولار هيحصل تضخم ؟؟ وقيمة الجنية تكون انعدمت ؟ اكتر ما هي معدومة ؟؟
ودي لينكات للموقع
https://ar-ar.facebook.com/UniwayNet
https://www.uniwayllc.com/
https://ar-ar.facebook.com/UniwayUniwaycairo
http://egyway2014.blogspot.com/
اتمني حد من الافاضل يوضح لنا كل شئ
والسلام عليكم ورحمه الله وبركاتة

يعنى اية تبيع سلعة بثمن اغلى من السوق؟
هى دى بداية النصب
النصاب محتاج طماع