المشاركة الأصلية كتبت بواسطة sherif_m72
مش عارف اقولك مبروك على بيع العربيه ولا اقولك ليه اتسرعت
انا كنت زيك من سنتين تقريبا
وكان معايا فيكترا 98 منوال موتور ايكو 2000سى سى وكان بقالها معايا اكتر من سنتين
المهم قولت ابيع واركب حاجه تانيه
اقسم بالله اكتر من 3 شهور وانا بلف ومعايا واحد صاحبى كان بيدور على عربيه هو كمان على الناس والاعلانات والمعارض
المضحك انى مكنتش بدور على اوبل خالص وكان تفكيرى على الاوكتافيا انا وصاحبى ده
المهم انه ربنا كرمه وجبناله عربيه اوكتافيا فابريكه وحاله ممتازه
وبعد كده بقيت باخد منه العربيه عشان اكمل بحث
والله العظيم ما اسريحت فيها ولا فى قعدتها زى ما كنت فى الفيكترا
وهما 3 ايام ولغيت فكرة الاكتافيا من دماغى وبدأت البحث عن فيكترا وتكون حاله
وزى ما يكون ربنا شايلهالى
لقيتها مع مستشار معرفة صديق ليا وكان معاه الفيكترا وبيجو 406 وعاوز يبيع واحده منهم وبدون تردد روحت اخدتها والحمدلله ربنا يباركلى فيها
الهدف من كلامى انك مش هتعرف تركب غيرها ابدا
دور على حاله نضيفه وتلاشى العيوب اللى كانت عندك وانت هتستريح جدا