السلام عليكم يا جماعه كنت متابع المنتدى من بعيد لبعيد وبصراحه الناس هنا قمة التعاون مع بعضها حبيت اخد رايكم انا ان شاء الله فى طريقى لشراء سياره انا بحب سكودا فليشيا بس ماعرفش عنها الكتير لكن اللى اعرفه ان عيبها الاساسى موضوع السخونيه ده وانه مسبب مشاكل كتير كان عندنا من سنين عربيه فيفوريت 1994 كانت كويسه مش وحشه بس لان ناس بتقولى الكيا برايد هاتبقى نفس السعر واحسن من الفليشيا فانا عاوز اعرف منكم ايه الافضل قبل ماخد اى خطوه
ده سؤال بردك أكيد الفليشيا
بص ياباشا الاتنين عكس بعض فى حاجات كتير زى الصيانه الفليشيا بما انك مجرب الفيفوريت مش اى حد بيمد ايده فيها عايزه واحد ع الاقل بس عنده فكره عن كل حاجه ف العربية دى وايده شغاله فيها والا هتكره العربيه وبوجه عام قطع غيارها اغلى من البرايد بس معمره جدا ﻻنها المانى مشكلتها بس السخونه ودى ليها كذا حل هنا ف المنتدى وباذن الله بتتحل بس محتاج متابعه لدورة التبريد باستمرار
اما عن مميزاتها عندك عربيه المانى تقيله ع الطريق صاج محمل صالون اوسع حبتين من البرايد
-البرايد عربيه اقتصاديه صغيره فى منها هاتش باك مشهوره باسم العصفورة ودى مكنه 1100 سى سى والسيدان 1300 سى سى العربيه دى فى منها اوتوماتيك والفتيس ف الحرفيين موجود ب 800 جنيه (مش متاكد من السعر اوى ﻻنى سمعته من فترة بس اطمن الزياده او النقصان حاجه بسيطه فى حدود 100 جنيه بالكتير ) ومكيفه بس طبعا التكيف بياثر على السحب ماسكه رينج سعر ف السوق وده كويس جدا بالنسبه لاعاده البيع ﻻن العربيه مطلوبه اهم عيوبها بلى العجل الامامى دايما هما 3 او 4 شهور وتلاقيها بتصوصو ودى حلها سهل تركبها كبس على مكبس عند الخراط مش دق زى معظم الاخوة الميكانكيين مابيعملوا الخلاصه عايز عربيه مواصفات المانى صح يبقى فيليشيا عايز حاجه اقتصاديه ودايسه معاك ف اى زحمه تبقى البرايد
كيا برايد لاكن لو بتحب الكفاح والنضال يبقى فليشيا على فكرة فليشا تتفوق على الكيا من حيث المتانة والثبات والقوة بس مشكلتها انا عاوز اللى يقتنيها يعشقها لاكن لو كرها حتكره فى حياته***
الفليشيا عامله زى الطفل .. كل ما تدلعه و تراعيه و تاخد بالك منه ....... حتلاقيه دايما تحت رجليك و يحبك .100/100
الفليشا عربيه ألمانى و ما تخذلك أبدا فى السفر لو أنت مراعيها كويس .
الكيا بريد عربية جميلة داخل البلد فى الزحمة ..... و أيضا الفليشيا
قارن بين العربيتين على طريق سريع فى السفر و شوف النتيجة لصالح مين
الفليشيا طبعا .
أنا الحمد لله عربيتى الفليشيا تمام .... كنت إمبارح أجازة و مش لاقى حاجة أعملها ..
روحت واخد العربية و ذهبت لواحد متخصص كاربيراتير عندنا فى الإسكندرية و مشهور جدا .
و قلتله بص لى عليه و إعمله الصيانة اللازمة .... قالى تمام و نظفهولى .و بعدين طلعت على الميكانيكى
ظبطلى الكهربا و الدنيا تمام
المقصود مش لازم تستنى لما تلاقى مشكلة و بعدين تعملها .... إعمل صياناتك الدورية لكل جزء فى وقت فراغك تلاقى
العربية
الف شكر ليكم يا جماعه على اهتمامكم ... انا من هواة سكودا وكمان نا محتاج عربيه تسد معايا فى السفر لانى هاسافر ان شاء الله بيها كتير ومحتاج ثباتها ومتناتها حسب كلامكم كمان انا عارف فعلا ان قطع غيارها معمره عن تجربه والحمد لله اعرف ميكانيكى كويس كنت بتعامل معاه الكيا مش بتاعة سفر كتير وبصراحه مش حاسس انها عربيه حديثه على عكس سكودا فليشيا خصوصا ام وش اوكتافيا .....الف شكر ليكم كلكم يا جماعه اللى معاه ناس زيكم بيتهيئلى مايلوصش ان شاء الله