سؤال الى أحلى فليشاويه بخصوص التكييف

**Abo Omar 9999** · 07-09-2014 04:07 PM

أنا كنت شارى العربيه من اسبوعين موديل 2000 لكن صاحبها كان مغير الرادياتير و مركبش سربنتينة التكييف مع انها سليمه
عاوز أعرف لو ركبت السربنتينه هتأثر على حرارة الماتور و ازاى أعرف ان العربيه بتسخن علما ان مشاويرى للشغل قصيره لا تزيد عن 15 او 20 كيلو و المروحه بتشتغل جوه البلد كل 10 دقايق وعلى الطريق لأن فيه أعمال حفر غاز والطريق بايظ و تشتغل لمدة 4 او 5 دقايق و تفصل .هل كدا العربيه بتسخن ؟ و صوت المروحه عالى جدا ؟تنصحونى بإيه هل أركب السربنتينه و لا أسيبها كدا وهل كدا العربيه بتسخن و لا لأ ؟

**sakr_skoda** · 07-09-2014 08:03 PM

عاوز النصيحة انسى التكييف مع الفليشيا وبلاش تركب السربنتينة ممكن تعملك مشاكل فى الحر دا كلنا فكينة السربنينة وانا شخصيا فكيتها والعيال باعوها لبتاع الخردة ب10 جنيه افتكروها ملهاش لازمة هههههههههههههههههههههه

**أحمد جودة** · 08-09-2014 08:01 AM

المشاركة الأصلية كتبت بواسطة abo omar 9999

شكرا يا باشا على الرد
بس انا عندى العربيه مابتعديش ال90 فى اى وقت سواء كان فى البلد او على طريق سريع

يبقي انتا محتاج تظبط الكاربيراتير وتتأكد ان بوابة السرعة سليمة وبتفتح فى وقتها

وبعد كدة تظبط كهربا هتلاقيها زي الريح وتجيب 140 و 160 كمان لو عايز

**أحمد جودة** · 09-09-2014 10:34 AM

المشاركة الأصلية كتبت بواسطة abo omar 9999

شكرا استاذ أحمد جوده
بس انا قصدى عداد الحراره مش عداد السرعه
وعلى فكره العربيه عندى انجكشن مش كربراتير

كلام جميل بس أنا فهمت مش بتعدي التسعين فى سرعتها

إنما لو الحرارة شبه ثابتة على الـ 90 درجة فأقل يبقي عندك العربية تمام ومفيش سخونة مقلقة

وبردو أنسي تركيب التكييف لان العربية تقيلة وموتور انتيمونيا و1300 سي سي فمش هتاخد أداء مرضي من التكييف

تقبل تحياتي واسف على خطئي فى الرد