الموضوع: ايه رأيكم في السيفيا من حيث الآتي:

المشاركة الأصلية كتبت بواسطة mohamed-adly

سلام عليكم

في البداية انا لسه بايع عربيتي "اوبل فيكترا 2000" وطبعا مش محتاجة كلام ووصف كانت اكثر من مجرد سيارة بالنسبالي .. أمان وسيكورتي واعتمادية علي الطريق الخ الخ

لكن اهو النصيب وعاوز اغير

المهم انا طبعا شاب وبحب العربية تبقي شبهه سني يعني شبابي فكرت في حاجات كتير منها الجولف 3 والكيا فاقولت اروح لأهل الكيا وتحديدا فكرت في السيفيا والسبكترا

عايز لو سمحتم اعرف اعتمادية السيارة ع الطريق لأني بسافر الصعيد مسافات تصل ل600 كيلو
الأمان
الأوبشن
قطع الغيااااااااااار
والعربيتين دول هل اعتماديين ع الطريق يعني بالاوبل كنت بمشي 160 وانا حاسس اني ماشي 100 مثلا من كتر ثباتها
هل لو السيفيا جبتها هتقدر تبقي ثابتة بمقدار السرعة دي واعتمادية يعني تستحمل مشوار كبير

واسف ع الاطالة

نصيحة منى شخضيا بعد اقتناء سيفيا لمدة اربع سنوات
صعبا جدااااا انك تلاقى سيفيا او اسبكترا بحالة نضيفة
وممكن تلاقى اسبكترا بحالة نضيفة بس قطع غيارها مش منتشرة وهتتعبك
وبرده قطع غيار السيفيا متعبة شوية لدرجة مثلا ان الاكصدام الخلفى دخت عليه ملقتش غير الاصلى وكان سعره 600 جنيه والكلام ده كان من 4 سنين
بالنسية للثبات طبعا مش زى الالمانى
وبالنسبة للاعتمادية فاخر انتاج للسيفيا كان سنه 2003 مع العلم ان الانتاج الكورى كان اخرة عام 2000 وبعد كده كان تجميع مصرى يعنى اقل موديل بقالة 11 سنه ماشى
نصيحة منى بلاش سيفيا وبلاش اسبكترا