اعضاء ومالكي فولكس فاجن الكرام....رجاء المشاركه بالرأي

السلام عليكم يا اعضاء قسم فولكس الكرام انا عامل الموضوع دا علشان لو حد عنده مقترح لموضوع عاوزه في القسم وممكن يفيد الاعضاء او فكره لموضوع يكتبها هنا وانا ان شاء الله هعمل ليها موضوع علشان يفيد الاعضاء انا عملت موضوع الروابط بس مش فعال عدا رابطه مالكي الباسات b5 انا عموما ان شاء الله بحضر لمواضيع تخص الباسات b6 والجيتا mk5 والبورا والبولو ومعاهم رابطه مالكي الباسات b5 هضيف ليها شويه حاجات ومعلومات عن العربيه واللي عنده فكره تانيه يتفضل بطرحها وان شاء الله نحاول ننفذها وربنا يسهل ونلاقي تفاعل من الاعضاء

مفيش اقتراح بعد اقتراحك يا باشا :d

اقتباس:

---

المشاركة الأصلية كتبت بواسطة mohamedjetta

مفيش اقتراح بعد اقتراحك يا باشا :d

---

لا طبعا حضرتك لازم نشارك مع بعضنا في تظبيط القسم علشان يبقى غزير بالمواضيع اللي تفيد الناس ويبقى مرجع لكل الناس ولو عند حضرتك فكره ممكن تقولها حتى لو شايفها بسيطه ممكن تكون كبيره وطبعا الفكره اللي اي حد من الاعضاء هيطرحها وهعملها موضوع هكتب صاحب الفكره في أول الموضوع علشان الأعضاء تعرف صاحب الفكره وربنا يسهلها إن شاء الله

اقتباس:

---

المشاركة الأصلية كتبت بواسطة Ahmed Saad

لا طبعا حضرتك لازم نشارك مع بعضنا في تظبيط القسم علشان يبقى غزير بالمواضيع اللي تفيد الناس ويبقى مرجع لكل الناس ولو عند حضرتك فكره ممكن تقولها حتى لو شايفها بسيطه ممكن تكون كبيره وطبعا الفكره اللي اي حد من الاعضاء هيطرحها وهعملها موضوع هكتب صاحب الفكره في أول الموضوع علشان الأعضاء تعرف صاحب الفكره وربنا يسهلها إن شاء الله

---

اقتراحي ان لازم نعمل تقارير عن الباسات b7 و الجيتا 6 و المواضيع بتاعتهم تثبت عشان اعضاء في المنتدي مش بيلاقو اي معلومات عن العربيتين

اقتباس:

---

المشاركة الأصلية كتبت بواسطة mohamedjetta

اقتراحي ان لازم نعمل تقارير عن الباسات b7 و الجيتا 6 و المواضيع بتاعتهم تثبت عشان اعضاء في المنتدي مش بيلاقو اي معلومات عن العربيتين

---

تمام وجاري التجهيز لموضوع لكل عربيه فيهم ومعاهم البروشور بتاع كل عربيه

ممكن جولف 4 معاكم بالمره

انا رأيي اي حد بيعمل صيانة في عربيتوا يكتب تقرير مفصل عمل ايه وبكام

وي اريت شوية صور تبقى العملية لوز اللوز

عندي اقتراحات
نحاول نوصل لتجار فولكس ينزلوا عروض ليهم هنا باسعار اقل من السوق لاعضاء نايل موتورز
نكتب تقرير مفصل عن تجاربنا مع مراكز الصيانة
نكتب تقرير عن اشهر الاعطال و اعراضها

ممكن نكتب اماكن بيع قطع الغيار و الورش الكويسة في كل مدينة بدل ما هيا متركزة على الهرم و التوفيقية و مدينة نصر .. لان الناس اللي في 6 اكتوبر زي حالتي كده عندهم كسل يسوقوا و ينزلوا الهرم او المهندسين مع انها آخر الشارع بالنسبة لنا
و برضه ياريت الاقتراح بتاع الاخ manchestr_viru يتعمل فعلا هاتفرق معانا و لو ممكن لوجو يتلزق على البربريز كمان و يبقى بسعر كويس لاعضاء جروب الفولكس بحيث نعرف بعض في الشارع

احمد باشا منور الدنيا
فى موضوع يا ريت يتعمل وهو تبادل قطع الغيار بين الاعضاء لان فى ناس ممكن تغير الحاجه بالكيلومتر و بتبقى شغاله ومفهاش مشكله ممكن حد تانى يستفيد منها و طبعا الموضوع راجع لصاحب الحاجه انوا يبعها او يديها لحد محتاجها لان ساعات و كلنا بنقع فى الحاجه دى انك تفضل تلف على حاجه و بتبقى ناقصه فى السوق و ممكن تلاقيها عند حد صاحبك فى المنتدى هنا و مش محتاجها وممكن نثبت الموضوع ده علشان يبقى سهل الوصول ليه