Exclusive first pics for persona and gen2 in egypt

**minasamirus** · 23-10-2008 09:36 PM

طبعا بعد ما عرفت انها نزلت في التوكيل ماقدرتش امسك نفسي رحت علي طول علي هناك بس للاسف لقيتهم قفلوا بس كانوا سايبين 3 عربيات بره بيرسونا سودا مانيوال و بيرسونا سودة ذهبي اوتوماتيك و جين 2 سماوي اوتوماتيك وعلي فكرة السماوي ده طلع تحفة انا شكلي كده هاجيبه بدل الاسود و طبعا كان ظلمة جامدة فمعلش الصور طلعت وحشة وقعدت عملتلها FIX علي الكمبيوتر
بس ملاحظاتي ان البيرسونا شكلها طلع وهمي بس مفيش منها سبورت هو بس الاوتوماتيك فيها جنوط سبورت و علي فكرة سالت الحارس قالي مافيش مانيوال سبورت في الجين2 زي ما قال صاحب الموضوع من شوية فيه سبورت بس في الاوتوماتيك

اسيبكم مع الصور
البيرسونا

الجين 2

**MoDyBeNz2008** · 23-10-2008 09:38 PM

شكرا عالصور يا باش مهندس تعبناك معانا بس الجين 2 لسة احلى من وجهة نظري

**hadota_masreya** · 23-10-2008 09:58 PM

انا متفق معاك ان البيرسونا شكلها جامد مووت - و على فكره هما كانوا قالولى فى المخازن ان كل ألوان البيرسونا هايكمل النهارده - يعنى ممكن نروح من السبت نتفرج على كل الالوان

مجهودك رائع - بس يارب ماتكونش اتزنقت فى الرماية زي ماحصلى النهارده :)

**minasamirus** · 23-10-2008 10:16 PM

المشاركة الأصلية كتبت بواسطة hadota_masreya

انا متفق معاك ان البيرسونا شكلها جامد مووت - و على فكره هما كانوا قالولى فى المخازن ان كل ألوان البيرسونا هايكمل النهارده - يعنى ممكن نروح من السبت نتفرج على كل الالوان

مجهودك رائع - بس يارب ماتكونش اتزنقت فى الرماية زي ماحصلى النهارده :)

لا انا اتزنقت في المحور

**Ayman_52** · 24-10-2008 12:18 AM

الف حمد لله عالسلامه ...مصر نورت <<اصلو كان مستنى من مده

بس هو حضرتك معندكش صور تانيه للجين2...لو عندك ابقى ارفعها عالسايت عشان الواحد يتفرج عليها حته حته...وهو حضرتك تعرف ايه الالوان اللى نازله بيها الجين2؟؟

والف الف شكر ياباشا عالاخبار الحصريه الجامده

**Abdo_Eldesokey** · 24-10-2008 12:25 AM

البيرسونا جامددددددددددددددة آخر حاجة ... بالشكل ده هتضرب الصني والأوبترا

كانت مشكلة الجين 2 إنها متنفعش عائلية ، والمشكلة دي اتحلت في البيرسونا

معدش حد عنده حجة بقى

ومتشكرين جدا ً يا باشا على الصور ، فعلا ً في الحقيقة أجمل من الصور

**khpopo** · 24-10-2008 12:55 AM

شكرا لمجهودك ياباشا وربنا يهدى عز
ربنا يوفق
:k49:

**AhmedGen2** · 24-10-2008 01:28 AM

لسه شايف واحدة انهاردة وانا راجع من ابو رواش مركبة نمر تجارية ..

**Ebmorsy** · 24-10-2008 02:17 AM

السلام عليكم
بصوايا جماعة دى أول مره أكتب فى المنتدى. عموماً أنا من حاجزى بيرسونا مانوال. لكن بافكر بجدية شديده جدا انى اغير الحجز للجين 2 (Midline Manual) لأنى حاسس ان فرق الأمكانيات أكبر من فرق السعر.
أنا رحت النهارده فرع السابع وشفت البيرسونا وهى من بره ظريفه أوى لكن التابلوه والفرش من جوه وحش جدا ومن خامات رديئه جدا زائد السماعات الخلفيه مش متقفله كويس وباين السلك بتاعها من الشنطه. انا قعدت فى الجين 2 2008 بعد ماقعدت فى البيرسونا وحسيت بفرق كبير لصالح الجين.
يا ترى فيه حد عنده فكره إذا كانت الجين 2 الجديده حيبقى التابلوه والفرش والكراسى بتاعتها زى البيرسونا ولا زى الجين 2008؟
أرجو الرد حتى أقرر أجيب البيرسونا ولا الجين 2.
م. إيهاب بدر الدين

**شريف** · 24-10-2008 02:39 AM

المشاركة الأصلية كتبت بواسطة Ebmorsy

السلام عليكم
بصوايا جماعة دى أول مره أكتب فى المنتدى. عموماً أنا من حاجزى بيرسونا مانوال. لكن بافكر بجدية شديده جدا انى اغير الحجز للجين 2 (Midline Manual) لأنى حاسس ان فرق الأمكانيات أكبر من فرق السعر.
أنا رحت النهارده فرع السابع وشفت البيرسونا وهى من بره ظريفه أوى لكن التابلوه والفرش من جوه وحش جدا ومن خامات رديئه جدا زائد السماعات الخلفيه مش متقفله كويس وباين السلك بتاعها من الشنطه. انا قعدت فى الجين 2 2008 بعد ماقعدت فى البيرسونا وحسيت بفرق كبير لصالح الجين.
يا ترى فيه حد عنده فكره إذا كانت الجين 2 الجديده حيبقى التابلوه والفرش والكراسى بتاعتها زى البيرسونا ولا زى الجين 2008؟
أرجو الرد حتى أقرر أجيب البيرسونا ولا الجين 2.
م. إيهاب بدر الدين

هى هتتعرض امتة فى السابع
قصدى الجين2