العربيه ملشية ١٦ الف و بيحصل من النقله الاولى للتانيه نتشه و تخبيط ؟؟؟ هل ده عيب فيتيس ! او هى نازله بعيب ارجو المساعدك
عرض للطباعة
العربيه ملشية ١٦ الف و بيحصل من النقله الاولى للتانيه نتشه و تخبيط ؟؟؟ هل ده عيب فيتيس ! او هى نازله بعيب ارجو المساعدك
الفتيس 4 سرعات ؟!
لو 4 سرعات فغالبا الفتيس الفرنساوى 4 سرعات بيبقى فيه نتشة فعلا بين الاول و الثانى و ممكن توصل لرزع او تخبيط جامد حسب الضغط على الدواسة او تقل اوى و متبقاش محسوسة حسب الضغط على الدواسة برضه
بس بصراحة انا مش متأكد هل الـ 208 فيها نفس الكلام ده ولا ده عيب شخصى فى عربيتك بس .. ممكن تراجعى التوكيل فى الصيانة
طيب النتشة و التخبيط دة حتى لو عادى مش بياثر على الفيتيس ! و مش ممكن يكون من البنزين المغشوش !
اه هى لما بدوس بطريقة قويه بتحصل لاكن لما فى النقله التانية بشيل رجلى مش بتحصل
واضح ان دي اول عربيه اوتوماتيك تمتلكيها
السلام عليكم
العيب ده فعلا بيظهر بقوه في فتيس ال 4 نقلات بس في حاجة تانية غير الفتيس تعمل نفس المشكلة و هي ان بوابة الهواء محتاجة تتعرف خضرتك هتروخ لاقرب توكيل و هتلاقي فعلا ان تعريف البوابة و اقع و هينزلوه تاني لو محصلش يا ريت تعمل تشك علي العربية لان العيب ده مع الوقت هيبوظ حجات كتير
وشكرا
ان شاء هروح التوكيل و اعمل تشك على الفيتيس
ياريت صاحبة الموضوع تقول لنا التوكيل قالها اية عشان معايا 308 بيحصل فيها نفس الموضوع ومش لاقيلو حل
موضوع النتشه دا طبيعى جدا لان العربيه اربع سرعات بس و النتشه تظهر بشكل ملحوظ لو انت سايق على سبورت مود ... ودا من الناحيه الميكانيكيه طبيعى لان الفتيس بيبقا معشق حاجه اسمها look up cluch ولكن الفتيس ده ممتاز وهو من تصميم بورش
لا يا استاذ الموضوع الي بيحصل معايا مش طبيعي. العربية لما تبقى باردة بيبقي الفتيس عشرة علي عشرة بعد ما العربية تسخن بحوالي نص ساعة يبتدي الفتيس بطول مبين النقلة الاولة للتانية بدون عزم ويقوم رازع كدة والنقلة التانية تيجي وباقي النقلات تيجي بسلاسة.. بس الحق يتقال الفتيس دة كان جميل لما كان مظبوط معايا وبعد مابتدى يخرف بقيت اكرة العربية
جرب تسوق على snow mode او خليك على manual mode بس انقل على RPM عالى و شوف فى فرق ولا لا, الطبيعى وانت على D العربيه بتحس انها بتنقل نقلتين على نفس الغيار وده زى ما قولتلك...نقله من غير lock up cluch ونقله بيه
التوكيل هيغيرلى الفتيس !! انا مش قادرة اصدق بجد العربية مكملتش سنة و اغير فيتيس 1!!!