هيونداي أكسنت 98 - تكيف - منوال - إنذار - سنتر

**sameh_egy1** · 23-10-2008 09:43 PM

سلام عليكم جميعاًُ ...
نظراًُ لظروف سفري للخارج قريباً ، فقد قررت اني ابيع عربيتي :

1-ماركة السيارة ( هيونداي - أكسنت )
2-الموديل/السنة ( 1998 )
3-عدد الكيلومترات 99300 كم
4-الكماليات (كاسيت الأصلي بالإضافة الي 2 سماعه بيونير عادي -تكييف طبعاً اللي جرب الأكسنت في تكيفها و اللي يحكم انا في عز الحر كنت بظبطه علي 3 بصراحه كنت بسقع و بعد 7 م كان علي درجه واحده مخلي العربيه زي الفل )
5-حالة الصاج او الخوارج (فبريكه بالكامل - مافكرتش إني ارشها حتي ولو نظافه لأنها لم تحتاج - بحالتها )
6-حالة الدواخل (فبريكه بالكامل)
7-حالة الصالون ( ممتاز-فرش جديد نص جلد علي قطيفه - تاريخ الشراء 23/7/2008- بالنسبة لفرششها الأصلي جيد جداً )
8-الحالة العامة او التقييم العام للسيارة (حالة ممتازه جدااا - سحب رائع - جري في السفر ممتاز - اخر مره كان زيت موبيل من 4 شهور و عملت بيه 4300كم بس )
9-حالة الكاوتش (3 فرد سلفر ستون جداد تاريخ الشراء 1\8\2008 و الرابع جيد جدا - الإستبن جيد )
10-حالة البطارية
11-مكان المعاينة (الهــرم)
12-السعر المبد ئي كام (42000 ، التفاض في حدود المعقول )
13- وسيلة الإتصال 0105122716 في أي طول النهار للجادين فقط ... او free-egypt-2011@hotmail.com
14-تاريخ انتهاء الرخصة ( جيزة / ساريه حتي أغسطس 2009 )
15- تاني يد ( أول يد كان حد قريبي و كنت واخدها منه )
16-امكانية البيع في الشهر العقاري مباشرة بعقد بيع مباشر
17-حالة الموتور ممتازة جدااا و لا يتأثر بالتكيف
18- إكسسورار ( حاطط شماسات أعلي الشبابيك - ستائر كبس - معها جيجا ماكس MP3 trnf. جيجا بينقل صوت ممتاز جداا ) طبعاً انا يهمني حالة العربيه أكتر من الحاجات دي بس حبيت اقولهم بردوا

في شهر 7 تم تغير ( سير الكاتينه - زين الفيتيس - سير الدينمو - سير التكيف - البوجيهات - زيت الفرامل )
وتركيب إنذار جديد و هي جاية بالسنتر لوك بتعها أصلاً ..
في 10 تم تغير تيل الفرامل الأمامي .

بأمانة الله ، مافيهاش حاجة إطلاقاً .. ومحافظ عليها .. بجد عربيه تتركب ما يتصرفش عليها خااالص
ممكن تلاحظوا من كيلو متر بنشوف دلوقتي فوق الـ 140 الف و أكتر من كده

___________________
الكتابة باللون الأحمر مخصصة فقط للادارة
إ.م.2

**ahmedosman74** · 24-10-2008 11:20 PM

العربيه ممتازه لكن اعتقد ان السعر عالي شويه حضرتك بتتكلم في 42 الف وده سعر ممكن اجيب بيه دايو لانوس 1999 بها كماليات مثل عربيتك وطبعا من وجهة نظري الدايو افضل
كمان الاسعار نزلت وهتنزل اكثر في الفتره القادمه انا اعمل في مصنع حديد وعارف
نصيحه حاول تنزل بالسعر ده

**sameh_egy1** · 25-10-2008 12:22 AM

أشكرك لمرورك
ولكن بصراحه العربيه ممتازه و مش محتاجه اي حاجة تانيه ...
الدايو كويسه اه ، بس دي بردوا هيونداي أكسنت

كل إحترام لحديد عز ، هو بيبعه دلوقتي في السوق ب 4200 و انا ببيع " عربيه " ب 42000 جم
ايه العلاقه بالأتنين ؟؟

مش كل حاجة بالحديد ؟؟

**psychoinert** · 27-10-2008 12:05 PM

بص يا سيدي كان معروض عليا أكسنت 2001 ماشية 69000 بس
واتباعت لأن كان عندي شغل ومقدرتش ندمت عليها عارف اتباعت بكام
الراجل كان متكلم في 42000
وباعها ب 39000

لو تحب تبيع ب 37000
هكون مهتم جدا جدا وأشوفها وإن شاء الله كاش ونخلص فيها بس بع إذنك ترد عليا لأني بدور وهشتري الأيام ده
وربنا يكرمك يارب فيها إن شاء الله

**sameh_egy1** · 27-10-2008 12:37 PM

تم الرد عالخاص ..

**reco83** · 27-10-2008 01:53 PM

طيب اذا كنت جدى فى البيع اخر السعر كام

**sameh_egy1** · 27-10-2008 01:56 PM

تم الرد عالخاص ..

**sameh_egy1** · 28-10-2008 03:24 PM

سبحان الله و بحمده .. سبحان الله العظيم

**madvoodoo** · 28-10-2008 05:05 PM

سبحان الله وبحمده سبحان الله العظيم
والله يا باشا لو ترضي بالمبلغ اللى قلته لحضرتك هيكون عندك حالا
وربنا يبركلك في بيعها ان شاء الله

**sameh_egy1** · 04-11-2008 07:59 PM

:huh::huh:

السعر النهائي 41000جم
و تم تغير بطارية جديده بالضمان من 4 أيام ...
للجادين فقط .. بكده العربيه مش محتاجه لأي مصروفات
:huh:

الموضوع: هيونداي أكسنت 98 - تكيف - منوال - إنذار - سنتر

LinkBack

أدوات الموضوع

عرض

هيونداي أكسنت 98 - تكيف - منوال - إنذار - سنتر - انشر الموضوع فى :

-

-

-

-

-

-

المواضيع المتشابهه

إنذار و سنتر و زجاج كهرباء

إنذار النيو أكسنت

كتالوج هيونداي اكسنت (هيونداي أكسنت و ليس نيو أكسنت) موديل 2000 1500سي سي

سينا م 2001 كاملة سنتر إنذار بحالة رائعة فبريكة

لو ركبت سنتر و إنذار يخرجنى هذا من الضمان

الكلمات الدلالية لهذا الموضوع

المفضلات

المفضلات

ضوابط المشاركة