الموضوع: الاستعلام عن رخصة سيارة

المشاركة الأصلية كتبت بواسطة abo_anas

السلام عليكم
نظرا لكثرة السيارات المسروقة وبعض التوكيلات المضروبة
لو عاوز استعلم عن رخصة سيارة قبل الشراء واتأكد ان الرخصة سليمة والتوكيل (ان وجد) سليم
استعلم ازاى؟؟

بص ياباشا بتخش على موقع النيابه الاداريه الاستعلام عن مخالفات المركبة وفيه موضوع في موقع نايل موتورز الموقع مش المنتدى اللي آخره. Com. اسمه استعلام عن مخالفات المرور بتكتب رقم العربيه وتشوف مخالفاتها لما تظهر مخالفاتها فيه حاجه بتطلع كده اسمها تفاصيل المخالفات أو استعلام عن تفاصيل المخالفات دي بقى اللي تهمك لازم تكون معاك صوره بطاقه صاحب المركبة اللي اسمه في الرخصه أو تاخد رقم بطاقته من التوكيل لو العربيه فيها توكيل وبيقول ادخل الرقم القومي تدخل ال 14 رقم هيطلعلك اسم صاحب المركبة اللي في الرخصه طبعا المفروض ان الاسم اللي يطلع هوا اللي مكتوب في الرخصه لحد كده وتمام تمسك الرخصه تقارن رقم الشاسيه بتاع العربيه بالرقم اللي في الرخصه زي بعض يبقى تمام ناقص كده التوكيلات حضرتك لما بتروح الشهر العقاري أفضل لك تعمل عقد بيع وتروح ترخص في المرور من الاخر اقطع عرق وسيح دم وانت في الشهر العقاري لو فيه حاجه فى التوكيل/التوكيلات هتبان لأن موظفين الشهر العقاري دي شغلتهم وبيعرفو وزي ماقولتلك عقد البيع موثق في الشهر العقاري ده بيديك حقك وزياده أمان تخلي اللي هتشتري منه العربيه يجبلك شهاده بيانات من المرور موجهه إلى الشهر العقاري ومعاها شهاده مخالفات ساريه معداش عليها 15 يوم بكده انت ضمنت إن شاء الله مليون الميه أن العربيه دي تمام وإن شاء الله خير