سؤال:
لو هشترى سيارة مستعمله
الميكانيكى بياخد كام لو رحت بالعربيه لحد عنده؟؟
ولو اخدته معايا لحد البائع ياخد كام؟
عرض للطباعة
سؤال:
لو هشترى سيارة مستعمله
الميكانيكى بياخد كام لو رحت بالعربيه لحد عنده؟؟
ولو اخدته معايا لحد البائع ياخد كام؟
على حسب الاتفاق طبعا انا مثلا خدت الميكانيكي شاف عربية واتفقنا على 200 جنيه
والافضل تكون نازل تشوف اكتر من عربية بحيث تستغله اليوم كله
تشوفلك عربيتين تلاته
انما لو هتروحله هي 50 جنيه حلو اوي هو مش هيعمل معجزة يعني
ونصيحتي طبعا انك تكشف في مركز صيانة يكون معروف
والافضل من كل ده تروح توكيل العربية طبعا
وفي بنزينة كالتكس الا عند نادي المقاولين العرب في مدينة نصر
روحتلها بس كانت عربيتي عمله كشف كامل هناك والواد طلع كل حاجه
اي نعم انا كنت قايل للمشتري على حالتها بس هو طلع الحاجات كلها
انا رايح اشوف سيارة فقط
احتمال تطلع حلوة فاشتريها................اديله كام لو جه معايا؟
احتمال تطلع وحشة فا ما اشتريش....................اديلة كام برضه؟
الموضوع دا مهم جدا لانى كنت اول مره فالموضوع دا واخدت الميكانيكى من امبابه للجيزه ثم فيصل مشوار 2ساعه ولانى كنت جديد اديته 150جنيه وماشترتش
ملحوظه دا كان رايح بعربيته ولغايه اليوم كل لما افتكر كده اتغاظ من نفسى
ليه بس تتغاظ ..ما أنا أهو ..خدت الميكانيكي من العجمي لغاية سابا باشا في إسكندرية ..وكنت أنا اللي جايب العربيه على حسابي ..دفعت للعربيه 50 جنيه أجرة ..وال 50 جنيه دي عشان صاحب العربيه الأجرة اللي خدت فيها الميكانيكي صاحبي وحبيبي ..والميكانيكي خد في إيده 100 جنيه وش ..ورقه كده قفل ..يعني الليله كلها كانت 150 جنيه ..واللي خلاني آخد الميكانيكي عشان العربيه دي بالذات إني شفت العربيه وعجبتني وكنت ناوي أخلص فيها فعلا ..وخدت الميكانيكي عشان يقول الرأي النهائي ..وفي النهاية ..صاحب العربيه إتصل تاني يوم وإعتذر عن البيعه لظروف وفاه حصلت ليه في بلده ومحتاج العربيه الفتره اللي جايه عشان ظروف الوفاه والسفر..عادي يا راجل ..أهم حاجه تلاقي عربيه كويسه