الحقوا الكلام ده ومن فضلكوا حد يرد

**jaw_83** · 23-10-2008 09:54 PM

انا سمععت حاجه غريبه اوى و هيه ان النمر السوده اتلغت و اى حد هيمشى بيها هيتعملوا مخالفه ازاى يعنى ؟؟؟؟
انا اصلا نمر العربيه سودة بس متفهموش غلط:K15: و من ىاسبوعين رحت جدت و محدش قالى حاجه بعد كدة سمعت الموضوع ده اعمل ايه بقا :k41: ادهنها ابيض مع العلم ان قانون المرور بيمنع تغير لون اللوحه وسالت واحد امين فى اشاره قالى ادهنها والا هتتسحب الرخصه اعمل ايه حد ير عليى من فضلكو:k20::k20::k20:

**SeiffoZ** · 23-10-2008 09:57 PM

و هى النمر السودة دى بترمز لإيه أصلا؟

**OlaOsman** · 23-10-2008 09:59 PM

المشاركة الأصلية كتبت بواسطة Relentless_mayhem

و هى النمر السودة دى بترمز لإيه أصلا؟

نفس سؤالي مع الكثير من الضحك لصيغة السؤال اللذيذة جددددا :D

**دموع الثلج** · 23-10-2008 10:02 PM

انت مش مستلمها من المرور كده سوده على دماغهم

ولا انت اللى دهنتها ؟؟؟؟؟؟؟؟؟

انا لو مكانك وحد وقفنى هقوووووووووله ماشى اتفضل النمر اهى انا استلمتها من المرور كده اتفضل غيرها لى باللون اللى يعجبك

**jaw_83** · 23-10-2008 10:21 PM

لا والله انا مستلمها كده بس هوه الكلام بتاع صحب الرخصه ده حقيقى والف شكر على الردود الجميله

**smsmbakr** · 23-10-2008 10:32 PM

كبر دماغك ياعني خلاص جات عليك انت
ممصر كلها ماشية بنمر مشكلة
وانت كده كده هتغيرها

**Hassan Khalil** · 23-10-2008 10:36 PM

مفيش نمر سودا.. النمر كلها بيضاء و المالك السابق هو اللي دهنها .. او اللي قبله هو اللي دهنها ...
روح لأي خطاط حيعملهالك و انت واقف
و حرص من بتوع المرور جامد....لانهم عايشين اليومين دول اكبر ادوار الغتاتة في حياتهم المرورية .

**magdy_momo** · 23-10-2008 10:44 PM

انا النمر بتاعتي سوده و محدش لغايه دلوقتي وقفني الحمد لله
و حاطط نسر كمان ع النمر و بادج الصاعقه و القوات المسلحه
عاملهم ارهاب
بس يوم ما هتمسك هيطلع عيني لو ظابط رخم

**jaw_83** · 23-10-2008 11:43 PM

يعنى يا حسن باشا انا اللى ادهنها يعنى اوديها للخطاط ولا اسيبها لاكده اصل انا مستلمها كده

**MoToRiZeR** · 23-10-2008 11:46 PM

مرة كنت في عربية واحد صاحبي و نمره سودة وقفنا في لجنة الأمين قالنا أول ما شاف العربية كدة زي ما يكون مبرمج ( زجاج مظلل و لوح غير أميرية ) .. حطناله عشرة جنيه في إيده .. قالنا ليلتكوا زي الفل .. و مشينا

المهم هي تقريباَ لازم كل النمر الملاكي يبقي لونها أبيض و هما ملهمش دعوة إستلمتها إزاي .. إستعباط بعيد عنك .. يسودوا النمرة و يمشوا في لجنتها .. فا إعملها عند واحد بدل ما حد يرخم عليك