ياريت ياجماعه حد يكون جرب عايز اجيب عربيه نيو سيراتو 2015
اجيب منين سعر كويس و معامله وضمان ان العربيه كويسه و فعلا بنفس المواصفات و الجوده و الأمان في المعامله ؟
ارجو الرد من اهل الخبره و الى اتعامل معاهم ضرورى جداا
ياريت ياجماعه حد يكون جرب عايز اجيب عربيه نيو سيراتو 2015
اجيب منين سعر كويس و معامله وضمان ان العربيه كويسه و فعلا بنفس المواصفات و الجوده و الأمان في المعامله ؟
ارجو الرد من اهل الخبره و الى اتعامل معاهم ضرورى جداا
من الاخر ما تسلمش رقبتك لمعرض مهما ان كانت سمعته
1- ماتشتريش غير سعودي -عماني-كويتي الا لو كان العرض علي العراقي يستاهل ( ولو اني ركبت الهاي لاين عراقي وشايفها ممتازه)... اعرف بلد المنشأ بنفسك وبين للبياع انك مثلا عايز سعودي او كذا وانك هاتعرف برقم الفين كود ( علشان تجيب معاه من الاخر)
2- روح واسال في كذا مكان عن السعر وفاصل جامد وهات اخرهم طالما فلوسك كاش واختار المكان الارخص
3- اكشف علي عربيتك كويس وخد معاك اكتر من واحد وانت بتشتري وكل واحد يشوف ويراجع معاك علي كل حاجه وشيل الورق الابيض وانزل تحت العربيه (معلش اكيد انت تعبان في فلوسها) وامشي علي العربيه كلها بكشاف علشان تاخد بالك من فروق اللمعه واللون ( من الاخر كانك بتشتري مستعمله لان ماباقاش فيه ضمير) واحد زميلي اشتري عربيه زيرو من سنتين ولما عمل حادثه اكتشف بالصدفه ان كان فيها لعب في الشاسيه
بالتوفيق
سمير ريان محترم
انا شاري من الحاج سمير ريان
معاملة ممتازة
اتوكل علي الله ... والف مبرووووووك
سمير ريان كويس
بس ممكن حضرتك تفكر فى الوكيل افضل من الخليجى
خلاصة القول والفصل جابر عبد الشهيد لان هو المستورد للسعودى وسعرة هيكون ارخص من سمير ريان وناس صادقة فى كلامها والمعاملة
تجربة فى 2011 عند سمير ريان اشترينا سيراتو هاى لاين الشكل الى قبل الحالى كاتين فى الورق ان فيها مثبت سرعة وان فيها وفيها مسكت البياع غسلتة على الكلام الكدب دا فا خليك فى جابر عبد الشهيد ارخص وليا صديق شارى واحدة من جابر عبد الشهيد ارخص من سمير ريان
على فكرة سمير ريان مش رخيص سمير ريان موسة حامى وبيدبح الزبون انا لقيت فرق العربية من عند جابر عبد الشهيد وسمير ريان من 2000 ل 3000 ودا عن تجربة
جابر عبد الشهيد مورد سيراتو خليجي عنده 3 فئات فقط ارخص لان هو المورد لكن غالبا بيكون عنده حجز لان كل عربيات بتتسحب مو الموزعين
سمير ريان اغلي لكن عنده 9 فئات 3 منهم من عند جابر + انه بيعرض كل الفئات ممكن تشفها وتتاكد من الكمليات وتقارن وكمان تقارن بالماركات الاخري وطبعا دا المفروض بفلوس ما بالك لو عند جابر لقيت حجز شهرين ؟
جابر عبد الشهيد الفئات بتاعتو اردني مش سعودي وممكن تجرب vin وال 3 فئات اللي بعد جابر اللي بيكون فيهم تكييف خلفي وجنط 17 عراقي
عينك في وسط راسك مع اي معرض
ارشحلك سمير ريان (يفضل بعد متجيب اخر سعر من اماكن تانيه)
في هناك واحد اسمه محمد الدخاخني، ده موش هيتعبك في الفصال وهيجيب من الاخر بسرعة
وشوف سلطان برده انا كنت عنده امبارح وفي فئه بصمه وكل حاجة ب 182 ( سعر مبدئي ) وفئه 187 تزيد تكيف تاتش وفرش جلد وزينون )
وكيل اضمن حاجة