مساعدة فى شحن وجمارك سيارة سكودا اوكتافيا 2008
السلام عليكم اهل المنتدى الكرام , انا لظروف انتهاء العمل فى دولة قطر , حابب انى انزل سيارتى سكودا اوكتافيا 2008 الى مصر , ومش حابب ابيعها هنا فى قطر لأن بجد بحب السيارة دى جدا.
ارجو المساعدة لو حد نزل سيارته من قطر يقولى ايه الأجراءات المطلوبه؟ ولو فيه شركه شحن وتخليص جمركى ممكن اتعاقد معها , يبقى افضل واحسن من انى انزل بيها سواقة , وممكن معرفش اخلص جماركها , او ادفع كتير عن المفروض.
انا عملت الموضوع فى قسم سكودا لأنه القسم المفضل بالنسبه لى , ولو ممكن من المشرف يساعدنى فى نقل الموضوع فى المكان المناسب , اكون شاكر جدا.
وشكرا لكم ,,,