استفسار عن امكانية تركيب لوحات طاقة شمسية للمنزل

**هيثم مجدي** · 08-09-2014 12:13 PM

السلام عليكم
انا شفت في بعض المدن الجديدة لوحات طاقة شمسية على اسطح العمارات والفيلات
هل فيه مهندس كهرباء يقدر يقولي التكلفة لموضوع زي دا تبقى كام بالتقريب؟
او هحتاج الواح طاقة شمسية قد ايه ؟ و هل الموجود في السوق مضمون ولا الاستيراد افضل ؟

**amr011111** · 08-09-2014 12:39 PM

متابع

**amdd** · 08-09-2014 02:15 PM

متابع جدا وياريت اى حد عنده معلومة عن الموضوع يفيدنا

**lolnk** · 08-09-2014 03:05 PM

الطاقة الشمسية مكلفة والانتاج من الكهرباء مش قد كده محدود والتكلفة هتكون فى الانفرتر والبطارية موضوع الطاقة الشمسية لسه شوية عليه اعتقد

**هيثم مجدي** · 09-09-2014 11:58 AM

المشاركة الأصلية كتبت بواسطة lolnk

الطاقة الشمسية مكلفة والانتاج من الكهرباء مش قد كده محدود والتكلفة هتكون فى الانفرتر والبطارية موضوع الطاقة الشمسية لسه شوية عليه اعتقد

انا هقولك اللي بفكر فيه مش عارف صح ولا لأ
خلية طاقة شمسية نولد بيها كهرباء بالنهار بشكل عادي لما تكون الشمس قوية, وفي المساء ناخد منها طاقة مخزونة واللي هتكون قليلة اكيد و نحولها على الانفرتر لتيار متردد

عشان كدا عاوز افهم تكلفة الطاقة الشمسية بتبقى في حدود كام و الحسابات بتاعتها ازاي

**mohamed_selim** · 09-09-2014 12:56 PM

دى شركه فى مصر شغاله على الموضوع ده Solar Power On Home page
بس فعلا مكلفه لو بتتكلم على تشغيل بيت ... السيستم اللى بيطلع 1 كيلوات تمنه حوالى 12 الف و التكلفه فعلا فى الانفرتر و البطاريات لان الالواح بتطلع DC

**فاروق بستان** · 09-09-2014 01:15 PM

حلول توليد الكهرباء من الطاقة الشمسية لازال مكلف جداً بالنسبة الى الكهرباء التى سيمدك بها
ممكن تتكلف حوالى 8000 جم علشان تاخد واحد كيلو فولت امبير.
فى حين ان استخدام يو بى اس (او انفرتر) بنفس التكلفة هيشحن البطاريات من كهربة البيت وبعدين هيمدك باثنين كيلو فولت امبير يعنى ضعف حلول الطاقة الشمسية
حلول اليو بى اس بتبدأ بحوالى 2000-3000 جم
خللى بالك ان 1 كيلو او 2 كيلو هتشغل لك اساسيات البيت بدون ما تقدر تشغل لا تكييف ولا سخان كهرباء ولا غلاية ولا مكواه ولا اى جهاز بيستهلك كهرباء جامدة. لكنه يشغل اضاءة بلمبات موفرة وتليفزيون وريسيفر وراوتر ولاب توب وممكن ثلاجة. لازم مهندس متخصص يعمل الحسابات دى و بناء عليها يختار الجهاز والبطاريات.
وطبعاً الموصوع زيه زى اى حاجة فى مصر فالنصب فيه على اشده ويستحسن الاسترشاد برأى حد مجرب.
..
كلمة اخيرة: لازم مصر تبدأ فى تصنيع حلول الطاقة الشمسية بتوسع علشان تبقى اقتصادية فى المستقبل. لو كنا بدأنا من زمان مكناش قلنا النهاردة ان الحلول مكلفة.

**h_shahin** · 09-09-2014 02:52 PM

شركة شنيدر كانت عاملة حلول رخيصة نوعا ما للإضاءة و كانت بتتباع فى مصر زى ده مثلا

https://www.jumia.com.eg/schneider-e...en-195449.html

**حسام الغرباوي** · 09-09-2014 04:11 PM

متفكرش فيها لاني السنة اللي فاتت عملت دراسة كاملة للموضوع

وكانت الدراسة اني اعمل الواح تديني علي الاقل 6000 كيلو تقريبا

طلعت التكلفة فوق ال60 الف جنية ....يعني لو حضرتك بتدفع فاتورة كهرباء حالية بمتوسط 100 جنية شهريا ...يبقي انتا كدا دافع 50 سنة فواتير عشان تعمل طاقة شمسية ؟؟