اولا: وبصراحة .. احييك على خوفك على مشاعرها .. ودي حاجة نادرة للاسف الايام دي (الخوف على مشاعر الاخرين عموما وليس فقط فى حالة الخطوبة)
واتمنى انك تخلي دي عادة عندك فى كل حاجة بتعملها .. وانك تخلي نيتك لله فى الموضوع ده
ثانيا: فكر فى الاسباب اللى هتفسخ الخطوبة بسببها .. انا عندي مشكلة ان كتير من الشباب في فترة الخطوبة الشيطان بيلعب فى دماغهم وبيخليهم يبصوا لبنات تانية ويقارن .. دي منفتحه واللى انا خاطبها لأ .. دي بتعمل كذا وخطيبتي لأ .. دي مش عارف ايه وخطيبتي لأ .. فالاول بصراحة بص على الاسباب بتاعتك وهل هي فعلا تستاهل انك تفسخ الخطوبة ولا لأ
وخلي بالك .. القرار اللى هتاخده ده مصيري .. يا تكمل وتكون اسرة .. يا تخلع من دلوقتى .. وكل قرار ليه تبعاته .. وانت الوحيد اللى هتقدر تحدد هل هتقفل الحاجات اللى مش عاجباك ولا لأ
انا مش من انصار الرأي اللى بيقولك فكك من اهلها .. لان اهلها هيبقوا اهلك وهتتعامل معاهم .. عمرك ما هتقدر تعزل حياتك عنهم (دي ثقافتنا فى مصر) ... ومفيش حاجة هتتغير بعد الجواز
ربنا يوفقك للي فيه الخير
المفضلات