طريقة فسخ الخطوبة بدون زعل ...
ازيكم يا احلى اعضاء , عاملين ايه ؟؟
انا شفت هنا في المنتدى كذا موضوع عن الخطوبات والجواز ولقيت ردود في معظمها محترمة جدا
وده اللي شجعني أسجل مخصوص علشان اعمل الموضوع ده واستفيد من ارائكم المحترمة اللي اتمنى انكم ما تبخلوش عليا بيها ...
أنا واحد خاطب بنت كويسة جدا من حوالي 3 شهور , كنت قبل الخطوبة معجب بيها جدا وبأهلها لكن بعد فترة من الخطوبة اكتشفت انهم مختلفين عننا في حاجات كتير والبنت حساسة وبتزعل من اي حاجة ومينفعش الحاجة المختلف فيها دي انها تتغير والاكيد انها هتكون سبب مشاكل كتير بين العيلتين قبل وبعد الجواز ...
فانا قررت اني افسخ الخطوبة وفي نفس الوقت مش عاوز اجرح مشاعر البنت أو ادمر العلاقة مع اسرتها , عاوز افسخ بس بطريقة شيك تخليهم يتقبلوا الموضوع ومفيش حد مننا يزعل ...
انا فكرت اني اتصل بواحد قريبها اعرفه كويس وهو زي أخوها بالضبط واقول على الموضوع واخليه هو اللي يبلغهم عن طريق مثلا انه سأل عليا واكتشف حاجات تخليني مش مناسب للبنت
أو حاجة زي كده ...
ايه رأيكم ... ايه افضل حل يخلي البنت مش زعلانة ويخليهم ميزعلوش مني ...؟