انا كنت خلاص رايح اشتري الاتراج
بس المعرض قالى حرام تدفع 100 الف في 3 سلنر واشتريت لانسر 2007
بس لسة الفكرة معششة في دماغي ياريت كل الي اشتري يدخل
ونشوف كم واحد اشتري
واستطلاع
عرض للطباعة
انا كنت خلاص رايح اشتري الاتراج
بس المعرض قالى حرام تدفع 100 الف في 3 سلنر واشتريت لانسر 2007
بس لسة الفكرة معششة في دماغي ياريت كل الي اشتري يدخل
ونشوف كم واحد اشتري
واستطلاع
مرخص من يوم 4-8 و ماشى 2100 ك و العربية ممتازة مشاء الله
وانا بشتري صاحب المعرض قالي كده هات افيو احسن دي 3 سليندر
بس الحمد لله اني مسمعتش كلامه محستهاش ضعيفه ابدا
اكتر ناس مابتفهمش هما بتوع المعارض...فرق كبير من انك تجيب زيرو و انك تجيب عربيه ماشيه على الارض 7 سنين ...
كمان الاتراج عربيه ممتازه و مبيعاتها زادت بشكل كبير و الناس بعد تجربتها من ناس كتير بدأت تثق فيها...و اى حد بيعمل لها تيست درايف بيشتريها
اتوكل على الله واشترى اتراج العربيه كتير اوى شكروا فيها بكلام علمى ومقنع مفيهاش خوف انك تشتريها وكمان زيرو انا عن نفسى خلاص والله نويت اشتريها بس محتار اشتريها منين الرواس ولا اوتو سمير ريان (خليجى)
توكل على الله و مش هتندم و قارن بين الخليجي و الوكيل
شوف الوكيل في المعارض و الرواس و روح للرواس باحسن سعر جبته من المعارض و في الغالب هيكون 105 الف و الرواس هينزلك شوية كمان في حدود 1000 اعتقد
انا جبت الاتراج بس لسه ما اترخصتش و عملت بيها 1000 كيلو هوه انا لسه جديد ف السواقه و دى اول عربيه ليا بس بصراحه أداء ممتاز عاليه عن الأرض بتوفر بنزين 5.5 لتر لكل 100 كيلو من غير تكييف
بالتكييف بتوصل 6.5 - 7
ثابته واحد سواق مشي بيها لغايه 140 بصراحه كنت قاعد جنبه ما حستش
صفقه ممتازه و موضوع 3 سلندر و 1200 سي سي ما اعتقدش انه هيفرق معايا كتير
معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟