ارجو المساعدة فى اخذ رأيكم فى الاخيتار ما بين المانيوال والاتوماتيك
اخويا عايز يشترى دايو نوبيـرا 2 اتوماتيك
وطالب من اهل الخبرة المساعدة
ايه مميزاته وايه عيوبه ( فى النوبيرا فقط )
فى انتظار المساعدة وتنصحوتى بإيه فى العربية دى
مع العلم ان اخويا نفسه فيها
احنا عندنا الاتنين انا افضل الاوتو... بس لو هاتشتري الاوتو اشتري عربيه بتاعه اسره
وهتلاقي اتوماتيك نضيف بيتباع انا ساعات بقرأ الاعلانات و باروح اخد فكره بلاقي عريبيات نضيفه
وسيبك من اللي يقول لك اوتوماتيك النوبيرا وحش .... عيبها الوحيد انها غول بتاكل البنزين وسط البلد
العشرين لتر يعملوا 100 ك جوه البلد
اقتباس:
المشاركة الأصلية كتبت بواسطة waga
بشكرك على الرد والمساعد
جزاك الله كل خير
انا معايا نوبيرا 2 اوتو هيا ممتازة بس بتاكل بنزين كتير حوا البلد
السحب فى الاوتوماتيك هايكون ضعيف
خليك فى المانيوال
السحب فى الاوتوماتيك هايكون ضعيف
خليك فى المانيوال
كرأي فقط المانيوال
وهتكون احسن كأستهلاك
أحب إنى أحيي أى شخص بيأخذ المشوره قبل ما يُقدم على شئ خايف منه أو مش عارفه ( زى حالاتى )
كنت محتار نفس الحيرة بين الأتوماتيك والمانيوال فى النوبيرا 2 وكتير من المقالات اللى بتتكلم عن الفرق بين الإتنين من حيث الرفاهية فى القيادة للأتوماتيك وقلة مصاريف الصيانة فى المانيوال ... لحد ما عديلى ربنا رزقه بنوبيرا أتوماتيك وكانت المفاجئة ؟؟؟؟
قمة فى متعة القيادة ( المرفهه ) ( أنتخة ) يعنى لا ضغط عصبى من كتر الغيرات هات اول لا هات تانى لالالالالا العربية بتصقف انزل بالغيار لالالالالا انت كده بتحرق على الغيار انقل على الرابع ............. مفيش الكلام ده خالص دور العربية هات على الـ d وخد تعسيلة ... بس لازم يكون دخلك كبير ومُقتدر مادياً بس علشان تكون جاهز لأى من المفاجأت .. لو حصل حاجه لاقدر الله والعربية بطلت منك بسبب بطارية أو عطل فى الفتيس هات ( كساحة ) وارفع العربية عليها مش ممكن تدور زق ... إستهلاكها فى البنزين عالى بالنسبه لموتور 1600 ccيعنى بمعدل 150 لـ 160 كيلو فى الصفيحة على الدائرى .. وأنا لا أعتبر ده معيار للمفاضلة قصاد الراحة وسيبك بقى من موضوع السحب على الطريق بطئ بالنسبة للأتوماتيك وسريع للمانيوال أحنا أصلاً معندناش طريق عدل تجرى عليه بالعربية من غير مدقات ونُقر كله لازق ورا التانى ... بس علشان أخرج من الحيرة دى حطيت نفسى أمام تكاليف الصيانة الدورية للأتوماتيك وقلة خبرة المشتغلين فى صيانة الأتوماتيك ( فى شبرا ) بالإضافة للدخل المحدود خليتنى اتوكل على الله واشتريت ( سفينه ) دايو ليجانزا ( حبيبتى ) مانيوال .. بس للأمانه لو فيه مقدره مادية هقلبها أتوماتيك مع العلم إن المانيوال بتاع الليجانزا أو الدايو عموماً غير متعب بالنسبة لسيارات تانيه فى نفس الحجم ... لو اخو حضرتك دخله كويس وباله طويل وعنده خبره بقيادة الأتوماتيك والميكانيكية بتوعه خليه يتوكل على الله ويجيبها .... إنما لو زى حالاتى خليه فى المانيوال ( أموت أنا مش مهم بس العيال تاكل ) ... أتمنى يكون فى كلامى إفاده و أعتذر للإطاله