يباشا كنا اتكلمنا انا وحضرتك فى الموضوع دا واحنا الاتنين اتفقنا ان ال ٥٠٨ افضل فى كل حاجه بفرق ملحوووووووووظ من سحب لعفشه لثبات لكولوا واهو حضرتك جرب ال a7 ومرتحتش خلاص متستناش اتوكل عالله ومش هتندم من البيجو
عرض للطباعة
شكرا لحضرتك . انا معاك في النتيجه اللي وصلت ليها بس عايز اقول لحضرتك حاجه اخيره لو هتجيب 508 مستعمله بلاش موديل 2012 لان كان في مشكله في استخدام بنزين 92 و اتعالجت بتعديل في العربيه من اول موديل 2013 و كمان الهورس باور بتاع موديل 2013 و ما يليه اعلى ( اعتقد 162 بدل 154) بسبب هذا التعديل .
'طبعا يا فندم انا عارف اننا اتكلمت قبل كدة ومتشكر لذوق حضرتك في الرد عليا ساعتها وفعلا كنت خت قرار خلاص لل a7 بس لما ركبتها مبارح مش عارف حسيت بشعور غريب اني مرتحتش علشان كدة رجعت افكر في البيجو تاني
والكلام دا عيب ان في فترة كبيرة في تسليم الa7 بتخليك كل شويه تفكر في حاجه ما هوا الفراغ وحش ههههه
بس فعلا مش عراف العربيه ئل انا ركبتها امبارح العفشة بتاعتها متفككه ولا هي العربيه كدة
والقرار النهائي في الأغلب هيكون مادي ومدي استطاعتي في توفير الفارق لو حبيت أجيب البيجو
شكرا لتعب حضتك معايا يا فندم
تحياتي
بص ياباشا انا اول لما استلمت العربيه دخلت فى حته مكسرة خالص العربيه كانى ماشي على اسفلت ناعم مع الوقت ابتدت تظهر دبدبه بسيطه خالص واتحزل الموضوع لخبطه خفيفه ورا وغالبا من اليمين لان الكاوتش الى يمين لما بينزل فى نقرة بسمعها بس كلمه متتفككه لا صعب اوى مفيش الكلام دا وفىىاوقات كتير مش بسمع العفشه خالص
النهم استخير ربنا وسواء دى او دى مش هتندم حتى لو السكودا
طبعا ما شاء الله العربيتين بجد حلوين .
وانا اسف علي استخدام كلمه متفككه مكنش دي الكلمه المناسبه لشعوري ولكن ممكن نقول بتدب جامد شويه وخاصة اني كمان كنت راكب a5 خليجي يعني كمان انهم من الوكيل والفنتازيا لفرق الأرتفاع .
فالتعيبر المناسب للعفشة انها ناشفة شويه وفعلا بتدب في قواطع وفواصل الكباري . يمكن اكون محتاج تجربه تانيه علشان اقدر احكم ، ربنا يسهل ونلاقي حد تاني اركبها معاه لأعادة التقيم قبل اتخاذ القرار النهائي
تحياتي لسرعه استجابتك الدائمه .
تحياتى ياباشا وال ٥٠٨ انعم واسرع وافخم بحيرك بالمرة
لو سقت اي عربيه تربو عموما مش هترضى تسوق عربيه تانيه لان ببساطه بتحس بقوة الموتور بداية من ١٨٠٠ لفه و ده بيدي متعه عاليه في السواقه بصرف النظر انك بتسوق براحه او بسرعه
اديلك مثال
عربيه تربو بتجيب من ٠-١٠٠ في ١٠ ثواني و نص
تعال نجريها مع الكوري اللي بتجيبهم في ١٠ ثواني
هتلقى الكوري عشان تحقق الموضوع ده لازم الار بي ام يوصل على اول الريد زون اول و تاني انما التربو ممكن يسد معاه و ميعديش ال ٣٠٠٠ لفه يعني بيسوق سواقه عاديه و الكوري واقف على الدواسه
شغل بقى التكييف في العربيتين باي باي الكوري
حمل بقى العربيتين الكوري قلبت ١٢٨ قدامها
تعال تاني خليهم يتسابقوا من الحركه بدون اي تحميل للعربيات التربو هتنط من مكانها و تخلي الكوري وراها في اخر الشارع
طبعا انا مش قصدي اعيب في الكوري ده زي الفل واعتمادي و كل حاجه بس حبيت ارد على موضوع ان الفيرنا مثلا زيها زي عربيات متربنه في التسارع
هو انا ليا سؤال مهم ومرتبط بنفس الموضوع هي ال a4 العفشه بتاعتها تورشين بيم ولا مالتي لينك
مش خروج من الموضوع هو بس سؤال مرتبط بالعفشه
يا جماعه a7 حلوة وطبيعي ان اي عربيه لسه جديده بيبقي فيها عيوب بس عيب اوي لما شركه اسكودا تنزل عربيه فيها صوت خبط من ورا و فيه هوا بيدخل العربيه كأنك فاتح الشباك و يعتبر الموتور ضغيف ولاسف السواقه في مصر بقت بتخلي الواحد يحتاج قوه العربيه وعزمها بسبب سواقين المقطورات اللي بيزنقوا علي الواحد وساعتها الواحد بيحتاج قوه العربيه و عزمها وامبارح اتعرضت لموقف وحش اوي جه واحد بتاع مقطوره زنق عليا بس عملت كيك داون ومشاء الله الالنترا من عزمها وقوتها بقت بتفرك لما كانت علي سرعه 40 و 50 والناس كلها اللي في الشارع بقت بتبص لعربيه بأستغراب هههههه والحمدلله عديت بتاع المقطوره اللي عاوز يخليني اخبط
ال a4 عفشتها الخلفية تورشن بيم
تمام يا باشا
يبقي مينفعش نقارن عفشة ال a7 بالسيراتو الجديده ولا حتي بالتويوتا الجديده
لاني انا كان معايا a4 وعفشتها تورشين بيم وجربت السيراتو اللي هي تورشين بيم والتويوتا اللي معرفش عفشتها ايه
بس النتيجه ان ال a4 ثباتها وعفشتها برقبتهم هما الاتنين مع احترامي الكامل للعربيتين وملاكهم
وده كان سبب اني حجزت a7 رغم قله الامكانيات عن السيراتو والتويوتا وارتفاع السعر ب 25 الف جنيه
لاني شايف ان ال a4 افضل منهم فبالتالي ال a7 افضل لان الa7 افضل من الa4 في الموتور والجيربوكس ولو العفشه هي هي تبقي مرضيه بالنسبه لي
العربيه مش جري ومين يطلع من مين العربيه امااااان
!
مش كل عربية تورشن بيم تبقي وحشة ومش كل عربية مالتى لينك تبقي حلوة
تصميم التورشن بيم مختلف بين الشركات ذى تصميم المالتي لينك تمام
التورشن بيم الكورى غير الاوروبي تماما
عشان كدة اللى يركب جيتا مثلا (تورشن بيم) وينزل يركب سيراتو برضوا تورشن حيحس بفرق السما عن الارض
و المالتي نفس الكلام
كل عربية ولها Setup مختلف تماما
حنروح بعيد لية
الكروز تورشن بيم و السيراتو تورشن بيم
لو سقت الكروز وجرينا و خدت بيها ملفات حتبقي قاعد جوة عادى جدا وسايق و بتدوس بنزين اكتر
لو خدت نفس الملفات بالسيراتو بنفس السرعة حتبقي مكلبش في الدركسيون و قلبك بيدق و متحفذ لأى موقف وخايف تلمس الفرامل
ما الاتنين تورشن
بس ال setup بتاع العفشة مختلف
ملحوظة : الكلام عن تجربة
/ما دا باباشا الى بنقولوا محدش يحكم عالعربيه طالما مسقهاش وبلاش ككلام نظرى حتى لو صح لان الواحد غصب عنوا هيخونوا التعبير ويقول العربيه ثباتها وحش انا معايا ال a7 ومفيش مشكله فى الثبات لحد دلوقتى سواء غرز اوةمنحينات على سرعات عاليه بصراحه بخش المنتدى بحس انى راكب مراجيح بنزل اسوقها بلاقى عكس كدا تماما
العفشه التورشين بتخليها تتنطط بسس لو الطريق مش سليم ودا مش محسوس لكل الناس بصراحه
ارجو من الجميع عدم انتقاد السيارة التربو غير بعد التجربة السيارة معجب بها ملاكها جدا وانا منهم ومعلش تلاقى حد مركبهاش اساسا وبيكلم انه مفيش فرق مثلا مع ال1600 ازاى بس ده كلام مش معقول بالمرة وادفع ربع مليون وكذلك وكذلك
بعد ازنك اركبها الاول وجرب قوة الموتور الجبار ال1400 التربو وبعدين شوف هتدفع ولا لا
يا جدعان اركبو عربيتكم متخافوش عيشوا بيها و حبوها متقولوش ياريت كنا عملنا كذا و كذا
متخلوش اللى اشتراها يكرها وكل العربيات فيها مشاكل انا معايا سوبارو xv و a7 tsi
و عادى جدا فيهم حاجات مش عاجبنى كتير بس لما اركب السوبارو ببقا عايز اركب الاسكودا
و لما اركب الاسكودا ببقى عايز اركب السوبارو و يا ريت اللى معاه ال tsi مايقولش mpi
دى وحشة حرام عليها الفلوس يا جدعان كل واحد جاب العربية حسب ما هوا عايز
و بيسوقها و اكيد فرحان بيها و كل حاجة موجودة هنا موجودة هنا هيا فرق ماتور و فتيس و خلاص
و اى فتييس ممكن يبوظ ذى فاركب عربيتك و امشى بيها و كبر دماغك من اى حد يقولك بتخبط
بتنط سيبك من كل دوول و قول دايمن الحمد لله الذى اعطانا من فضلوا و ربنا انشاء الله يبركلنا كلنا
و العربيات تعمر معانا
والله يا هاني بك الكلام ئل حضرتك بتقوله طبعا سليم انك مش محتاج تقرص وتئسي علي العربيه علشان العربيه تعمل ئل انت عايزة وطبعا شعور أكثر من رائع ( نظريا ليا ) ان العربيه تبقي تحت رجلك من غير ما تبذل مجهود كانك بتسوق سواقه عاديه خالص لكن هي في الحقيقه يوجد وحش تحت دواسه البنزين وبيتصرف علي هذا الأساس من غير ما يشعرك بقسوته او يرفع صوته ويخوفك .
وطبعا بغض النظر عن السرعه في اي عربيه لازم يكون يقابل هذه السرعه ثبات محترم للسيارة علشان متخفش تجيب السرعات دي لو ثقتك في العربيه قليله .
يعني كلنا عارفين ان الفيرنا طيارة ولكن كام واحد معاه فيرنا يقدر سوقها علي سرعات ويبقي متطمن من ثباتها وفراملها .
تحياتي لمداخلتك القيمة .
هوا دا بالظبط المفروض
يعني حضرتك قبل الشراء بيبقي في بدايل كتير وحضرتم بتعمل تقييم للمتاح في حدود السعر المناسب ليك
بس ماداد تم الأختيار والشراء يبقي خلاص اقفل علي الموضوع واستمتع بعربيتك ئل انت جبتها عن اقتناع ومتخليش حد يلعب في دماغك لأنك ببساطة المفروض قبل ما تشتريها قيمتها واصبحت من وجهه نظرك هي الأفضل ليك - يبقي خلاص عيش واستمتع بيها من غير ما تخلي حد يقفلك منها .
تحياتي
+111
بس معتقدش ان حد انتقد اداء السيارة التربو ولا كان في تعليق ان ادائها يمكن تشبيهه ب 1600
ولكن طبعا في ناش مش فارقة معاها التربو ممكن لطبيعه سواقتها .
وطبعا محدش يقدر يحكم علي شيئ إلا لما يكون جربه .
بس المشكله ان الوكيل خوف الناس زيادة من ال dsg بسحبه للعربيه وعمل بلبله وقلق ومحاولش يقف ورا العربيه زي فولكس .
تحياتي وربنا يبارك لكل الملاك في عربياتهم
يا جماعة حد يطمنى دلوقتى فى فى المنتدى واحد العربية جابت منه طرمبة بنزين وأمبارح واحد على الجروب فى الفيس بوك نفس المشكلة هوا دا عيب فى العربية وﻻ ايه انا بدأت اقلق والاتنين 1600 cc
شكلي هغير رايي واجيب سيفيك
ع الاقل راااااااااحه باااااال
مع اني نفسي في الاوكتافيا بس بجد الناس رعبت الواحد